Անկեղծ իտալացին, ով իրեն աշխարհի երրորդ լավագույն ֆուտբոլիստն էր համարում

Անկեղծ իտալացին, ով իրեն աշխարհի երրորդ լավագույն ֆուտբոլիստն էր համարում

Լիպիին խելագարված ծերուկ անվանեց, հարվածեց նրա որդուն ու բաց թողեց չեմպիոնական ԱԱ-2006-ը: Կապելոյին ոչնչություն անվանեց ու «դուրս թռչեց» «Ռեալից»: Կյելինիին հարվածեց, բաց թողեց Չեմպիոնների լիգայի խաղը և Ֆյոլերին կեղտոտ ֆրից կոչեց: «Ռոմայում» վիճեց բոլորի հետ և գնաց Մադրիդ: «Սամպդորիի» նախագահին կեղտ անվանեց ու վաճառքի հանվեց:

Անտոնիո Կասանոն հեռացավ մեծ ֆուտբոլից:

Այս մարզաձևը հենց նրա նման ֆուտբոլիստների վրա է հենվում: Նրանք ոչ միայն դաշտում, այլ նաև դրանից դուրս արվեստի են վերածում ֆուտբոլը: Կասանոն հեռացավ ու ֆուտբոլը ավելի մարզական դարձավ: Դարձավ ավելի արագ, բարձր և ուժեղ:

Անտոնիոյի մասին այդ ամենը հաստատ չի ասվել: Նա երիտասարդ ժամանակ էր արագ, բայց չէր փախչում պաշտպաններից, չէր էլ փորձում: Կասանոն հակառակի պահանջը չուներ էլ: Նա գնդակի հետ վարվում էր ինչպես կնոջ: Ի՞նչ իմաստ ուներ հասնել Կասանոյին, եթե նրանից գնդակը չէր պոկվում: Նա այդպես էլ մտավ իտալական ֆուտբոլ: Հանուն փոխանցման պարաստ էր նույնիսկ աշխարհի ծայրը հասնել:

Նրա կարիերայի առաջին գոլի դարպասը սև ու կապույտ էր: «Ինտերն» առհասարակ նրա հաճախորդն էր: Անտոնիոն որտեղ էլ խաղար, նրանց գոլ էր խփում: Բոլոր գոլերն արժանի էին «YouTube»-ում հայտնվել:

2003-ին Կասանոն դեռ շարունակում էր առաջ գնալ: Տուգանքներ, վեճեր, սկանդալներ, հարյուրավոր կանայք, որոնք ավելի շատ էին նրա մահճակալում, քան խփած գնդակները դաշտում: Կասանոն առաջ էր գնում: Մնացածը կարելի է «Ռեալի» ուսերին բարդել կամ Կապելոյի: Այո, կարգ ու կանոնին չհետևելն էլ դեր ունի, բայց դա բավարար պատճառ չէր:
Նման ֆուտբոլիստների մասին սովորաբար ասում են. «Չդարձավ այն, ինչ կարող էր դառնալ»: Հետո տաղանդի բացահայտման ինչ-որ տոկոսներ են հաշվում: Բայց բանն այն է, որ հիմա Կասանոյի մասին ենք խոսում: Նա դարձավ այն մարդն որը պետք է դառնար ու որևէ այլ մեկը դառնալ չէր կարող:

Կախարդանքն ու խենթությունը միանգամից էին նրա մեջ դրված: Նա Բալոտելլիի պես չէր, նա ապստամբ էր: Նրա մեջ սատանայություն կար, առանց որի կախարդանը չէր լինի: Մեկ անգամ լռեր՝ կմնար Հռոմում ու Միլանում: Անտոնիոն, սակայն չէր կեղծում:
Կես դար առաջ ծնվեր՝ Գարիբալդիի հետ կանցներ Իտալիայով:

Դատարկ բան է Բալոտելլիին ու Կասանոյին համեմատելը: Ընդհանրություններ ունեն իրենց պահվածքի մեջ, բայց Մարիոյի արածները տղայական խենթություններ են: Մարիոն շատ բան է ներսում պահում, Կասանոն՝ ոչ:

Լինելով «Ման. Սիթիի» պահեստային, Բալոտելլին իրեն Մեսսիից հետո աշխարհում երկրորդն էր համարում, սակայն հետո դրա ապացույց էր փնտրում: 34-ամյա Կասանոյի համար միևնույն է թե ինչ եք մտածում նրա մասին: Նա Մեսսիից ու Ինյեստայից հետո իրեն երրորդ էր համարում աշխարհում և վերջ:

Նրանց գործողություններն ու ֆուտբոլը բացարձակ տարբեր են: Բալոտելլին առողջ ոսկոր է: Նա լավ է հարվածում, արագ է, ամրակազմ…Բայց ի՞նչ կմնա, երբ հանես մկանները: Կասանոն այդ ամենը չի ունեցել: Նա միշտ ունեցել է այն, ինչն անհնար է խլել:

Հիմա նա կմասնակցի վետերանների մրցաշարերին: Կասանոն ավարտեց կարիերան: Ավարտեց այնպես, ինչպես անցկացրեց, սկանդալային: Ֆուտբոլիստ-Կասանոն 35 տարեկանում դադարեց իրականություն լինել: Նա հիմա ֆուտբոլի պատմության էջերին է: 

Հնարավոր է, որ նա լավ չպտտեցրեց գնդակը «Վերոնայի» մարզման ժամանակ: Չհարվածեց այնտեղ, որտեղ միշտ էր հարվածում: Հասկացավ, որ արդեն երրորդը չէ աշխարհում ու հեռացավ:

Նա երբեք չի կեղծել: Չի էլ համաձայնել երկրորդական դերի հետ: Մեկ տարում շատ բան փոխվեց: Անտոնիոն հասկացավ ու ընդունեց: Նա գնաց ու պահպանեց նախկին կարծիքն ունենալու իրավունքը: Նրա համար միևնույն է, թե ինչ են ասում, ինչպես են վիճարկում իր ասածները:

Համաշխարհային ֆուտբոլում Մեսսիից ու Ինյեստայից հետո լավագույն ֆուտբոլիստը՝ Անտոնիո Կասանոն ավարտեց կարիերան:

Աղբյուրը` footballhd.ru

Հետևեք մեզ նաև Telegram-ում