USD
EUR
RUB

Նմանություն «Այաքսի» ու «Բանանցի» միջև. Արամ Ոսկանյանը բացատրում է

 

Հայաստանի Բարձրագույն խմբի առաջնության «Բանանց» – «Ալաշկերտ» (2:2) հանդիպումից հետո տանտերերի գլխավոր մարզիչ Արամ Ոսկանյանը պատասխանեց լրագրողների հարցերին։

«Երրորդ անընդմեջ մրցավեճի խաղասկզբում գոլ ենք բաց թողնում: Հավանաբար կենտրոնացվածության պակասի հետևանքով է: Պետք է մարզիչներով աշխատենք, որպեսզի պարզենք պատճառները: Չի կարելի այսպես «շռայլ» լինել: Հայաստանում բարդ է այն թիմերի համար, որոնք պարտվողի դերում են հայտնվում, որովհետև յուրաքանչյուր սխալ կարող է գոլային հակագրոհի հանգեցնել:

Երկրորդ կեսում կոպիտ սխալ թույլ տվեցինք ստանդարտի ժամանակ: Մարզումների ժամանակ զգուշացրել ենք, որ մինչև խաղում դադար չլինի, նրանք ուշադիր լինեն, սակայն գոլի դրվագում կորցրել էին իրենց հսկողության տակ գտնվող ֆուտբոլիստներին: Շնորհակալ եմ թիմին, որ կարողացան հետ բերել կորցրածը»,- ասաց Ոսկանյանը։

Հանդիպման առաջին կեսում ու երկրորդի սկզբում «Բանանցը» «պաշտպանությունից դուրս գալիս» բազմաթիվ սխալ փոխանցումներ էր կատարում, որոնցից հետո գնդակը լքում էր դաշտի սահմաները: Sport.Times.am-ը փորձեց պարզել, թե ինչն էր այդքան մեծ խոտանի պատճառը․

«Կար նման խնդիր: Պահեր կային, երբ պաշտպանությունից դանդաղ էինք դուրս գալիս: Փորձում էինք լավագույն տարբերակն ընտրել, ինչը խանգարում էր տեմպին: Ի տարբերություն մեզ, մրցակիցը հիմնականում երկար փոխանցումներով էր գործում: Նաև պետք է կատարողական վարպետությունը հաշվի առնել»:

Այսօր կենտրոնական հարձակվողի դիրքում Նենադ Ինյացի փոխարեն մեկնարկային կազմում գործում էր Նորայր Գյոզալյանը: «Բանանցի» մարզիչը բացատրեց իր որոշումը․

«Այսօր այնպիսի տակտիկա էինք ընտրել, որում ավելի օգտակար կարող էր լինել մանր ու միջին փոխանցումների ֆուտբոլում իրեն ավելի լավ զգացող Գյոզալյանը»:

Ոսկանյանին հարցրեցին՝ ե՞րբ «Բանանցը» կայուն ֆուտբոլ կխաղա:

«Մեր ցուցադրած ֆուտբոլով կայունությանը դժվար է արագ հասնել: Մենք կարող ենք զգույշ ֆուտբոլ դավանել ու այդկերպ կայուն լինել, սակայն հարձակվողական ոճով ենք խաղում: Ափսոսում եմ, որ մարզադաշտում այսօր այդքան քիչ մարդ կար, որովհետև այս ֆուտբոլը` բազմաթիվ գոլերով ու գոլային պահերով պետք է գրավիչ լինի ֆուտբոլասերի համար»:

«Բանանցի» կազմում այս ամռանը շատ նորեկներ կան: Նորերին սպասելու վերաբերյալ մարզիչն ասաց.

«Հնարավոր է՝ նորեկներ լինեն: Եթե դա տեղի ունենա, ապա հարձակվողական ոճի ֆուտբոլիստ է սպասվում»:

Ընթացիկ տրանսֆերային պատուհանի ընթացքում երևանյան ակումբից նաև հեռացողներն էին շատ: Sport.Times.am-ը Ոսկանյանին հարցրեց, թե այդ խաղացողներից ո՞ւմ կորուստի համար է ավելի շատ ափսոսում:

«Չեմ ափսոսում, սակայն դա չի նշանակում, որ այդ ֆուտբոլիստներին խոստումնալից չեմ համարում: Պարզապես մեր թիմին ինչ-ինչ պատճառներով նրանք չեն համապատասխանել: Այդ ֆուտբոլիստներից ոմանց օգնել եմ Հայաստանում նոր գտնելու հարցում: Ակումբի համար պատիվ է, որ այլ թիմերում շատ են մեր սաները: Այսօր հայկական ֆուտբոլում խաղացողների 90 տոկոսը «Բանանցի» ու «Փյունիկի» ակադեմիայից են դուրս եկել: Մենք չենք կարող մեր բոլոր 600 սաներին շանս տալ: Եվրոպական ֆուտբոլում այդպես է «Այաքսի» դեպքում: Նրանք բազմաթիվ սաներ ունեն Եվրոպայում, սակայն իրենց կազմում կարող է 6-7 լեգիոներ լինել: «Բանանցից» հեռացածների հետ նորմալ ենք բաժանվել, հետագայում կարող ենք կրկին միասին աշխատել»:

Արթուր Ավագյանը երկար ընդմիջումից հետո հայտացուցակում էր, ինչի վերաբերյալ մարզիչն Արամ Ոսկանյանն ասաց հետևյալը․

«Արթուր Ավագյանին ծրագրել էինք երկրորդ կեսում ասպարեզ դուրս բերել: Վստահ եմ` նա կակտիվացներ մեր ձախ եզրը: Ցավոք, հարկադրված երկու փոփոխություններից հետո ստիպված էինք Արթուրին խաղադաշտ դուրս չբերել»:

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan