USD
EUR
RUB

Տրանսֆերային պատուհանի վերջին օրը

 

Արդեն նոր տեղափոխություններ չեն սպասվում, ուստի Sport.Times.am-ն ավարտում է տրանսֆերային դեդլայնի լուսաբանումը: Շնորհակալություն, որ մեզ հետ էիք:

Հիշեցնենք, որ դեռ մեկ օր բաց է լինելու Իսպանիայի տրանսֆերային պատուհանը: 

Տրանսֆերային վերջին օրվա գլխավոր իրադարձությունները.

1. «Պարի Սեն Ժերմենը» վարձակալեց Կիլիան Մբապեին: Մեկ տարուց փարիզցիները կգնեն ամբողջական տրանսֆերը: «Մոնակոն» կստանա 180 միլիոն եվրո:

2. Երկու սուպերտրանսֆեր խափանվեց «Արսենալի» մասնակցությամբ: «Զինագործները» համաձայնել էին Ալեքսիս Սանչեսին 65 միլիոն եվրոյով վաճառել «Մանչեսթեր Սիթիին»: Նրա փոխարեն պիտի գնեին «Մոնակոյի» վինգեր Տոմա Լեմարին, ում համար 100 միլիոն եվրո էին առաջրկում: Անսպասելիորեն «Արսենալն» արգելափակել երկու գործարքները, քանի որ վստահ չի եղել, որ կհասցնի պատրաստել փաստաթղթերը: 

3. «Բարսելոնան» չկարողացավ ձեռք բերել Ֆիլիպե Կոուիտինյոյին: Ճիշտ է՝ կատալոնացիները դրա համար ևս մեկ օր ունեն, սակայն «Լիվերպուլն» այլևս չի կարողանա փոխարինող գտնել բրազիլացուն, ինչը զգալիորեն նվազեցրեց տրանսֆերի շանսերը:

«Բլաուգրանան» մեկ այլ անհաջողության մատնվեց Անդրե Գոմեշին` «Տոտենհեմ» ուղարկելու գործում: Կողմերը մոտ էին գործարքին, բայց հետո ամեն ինչ խափանվեց: Կատալոնացիներին հաջողվեց միայն «Բենֆիկային» վարձավճարով զիջել աջ պաշտպան Դուգլասին:

4. «Լիվերպուլը» 38 միլիոն եվրոյով ձեռք բերեց «Արսենալի» կիսապաշտպան Ալեքս Օքսլեյդ Չեմբերլենին: Միաժամանակ, վարձավճարով «Վոլֆսբուրգ» է ուղարկվել հարձակվող Դիվոկ Օրիգին, իսկ 28 միլիոնով «Քրիսթալ Փելասին» վաճառվել Մամադու Սախոյի տրանսֆերը: 

5. «Տոտենհեմն» ամրապնդվեց երկու խաղացողներով: Լոնդոնցիները 25 միլիոն եվրոյով ձեռք բերեցին աջ պաշտպան Սերժ Օրյեին ու 13 միլիոնով` հարձակվող Ֆերնանդո Լյորենտեին:

6. «Չելսին» մտադիր էր երեք տրանսֆեր կատարել, սակայն միայն երկուսը ստացվեց: 25 միլիոն եվրոյով «Տորինոյից» հրավիրվեց լատերալ Դավիդե Ձակապոստան, իսկ «Լեսթերից» ձեռք բերվեց Դենի Դրինկուոթերը: Ռոս Բարկլին «Չելսիին» միանալուց հրաժարվել է բուժզննման ընթացքում, իսկ Օքսլեյդ Չեմբերլենն ընտրել է «Լիվերպուլը»: Լյորենտեն նույնպես տեսադաշտում էր, բայց... 

7. Իր չափանիշներով երկու խոշոր գործարք է կատարել «Բայերը»: Լևերկուզենցիները 22 միլիոն եվրոյով (ռեկորդ) «Օլիմպիակոսից» գնել են 19-ամյա պաշտպան Պատայոտիս Ռեցոսին ու 20 միլիոնով «Լեյպցիգին» վաճառել կիսապաշտպան Կևին Կամպլին:

8. «Բավարիայի» կիսապաշտպան Ռենատո Սանշեշը վարձակալությամբ կխաղա «Սուոնսիում»: Նրա թիմակիցը կդառնա Վիլֆրիդ Բոնին, ով Ուելս է վերադարձել «Մանչեսթեր Սիթիից»:

9. Տրանսֆերային լուրջ դեդլայն անցկացրեց «Տորինոն», որը Ձակապոստային վաճառելուց բացի, «Ուդինեզե» ուղարկեց Մաքսի Լոպեսին, ինչպես նաև ձեռք բերեց «Միլանի» հարձակվող Մբայե Նիյանգին, անվանի պաշտպաններ Կրիստիան Անսալդիին ու Նիկոլաս Բուրդիսոյին:

10. Լուիշ Նանին իր հանրահայտ խաբքերի հավաքածուն «Վալենսիայից» տարավ Հռոմ, որտեղ պայմանագիր կնքեց «Լացիոյի» հետ: Սկզբի համար` վարձավճար:

_____________________________________________________________________________

09:10. «Լիվերպուլն» ու «Քրիսթալ Փելասը» նույնպես հասցրել են գրանցել պաշտպան Մամադու Սախոյի տրանսֆերը: Ֆրանսիացին 28 միլիոն եվրոյի դիմաց տեղափոխվել է լոնդոնյան ակումբ:

08:00. «Չելսին», այնուամենայնիվ, հասցրել է գրանցել «Լեսթերի» կիսապաշտպան Դենի Դրինկուոթերի տրանսֆերը: Ավելի վաղ հայտնի էր դարձել, որ այն կազմելու է 39 միլիոն եվրո:

04:00. BBC Sport-ը հայտնում է` Վինսենտ Յանսենը հրաժարվել է տեղափոխվել «Բրայթոն» և կմնա «Տոտենհեմում»:

03:15. «Բրայթոնը» թույլտվություն է խնդրել լրացուցիչ ժամանակ ստանալ «Տոտենհեմի» հարձակվող Վինսենտ Յանսենին ձեռք բերելու համար, քանի որ ֆուտբոլիստը վերջին ժամերին մասնակցում էր Ֆրանսիա - Հոլանդիա խաղին:

02:46. Անդրե Գոմեշի` «Բարսելոնայից» «Տոտենհեմ» տեղափոխությունը խափանվել է:

02:40. «Բենֆիկայի» հարձակվող Կոստաս Միտրօղլուն ելույթները կշարունակի Մարսելի «Օլիմպիկում»: Ոչ պաշտոնական տվյալներով` տրանսֆերը կազմել է 15 միլիոն եվրո:

02:37. «Բրայթոնը» վարձակալել է «Նյուքասլի» դարպասապահ Տիմ Կրուլին: Հենց այն դարպասապահին, ում Վան Գալը ԱԱ-2014-ի ժամանակ 11-մետրանոց հարվածաշարից մեկ րոպե առաջ խաղադաշտ դուրս բերեց: 

02:30. «Մարսելի» կիսապաշտպան Ռեմի Կաբելան առաջիկա մեկ տարին կանցկացնի «Սենտ Էտիենում»: 

02:25. «Սուոնսիում» Լյորենտեին փոխարինելու «Մանչեսթեր Սիթիի» հարձակվող Վիլֆրիդ Բոնին: «Կարապները» հաստատեցին լուրը: Տրանսֆերը` 13 միլիոն եվրո: Իվուարցին հենց ուելսյան թիմից էր տեղափոխվել Մանչեսթեր: 

02:16. Պաշտոնական. «Սուոնսիի» հարձակվող Ֆերնանդո Լյորենտեն դարձել է «Տոտենհեմի» ֆուտբոլիստ: «Կարապները» հրաժարվել են հայտնել տրանսֆերի գինը: 

02:12. Պաշտոնական. ոզրային պաշտպան Դավիդե Ձակապոստան տեղափոխվեց «Չելսի»: Տրանսֆերը գնահատվում է 25 միլիոն եվրո: 

02:05. Անսպասելի տրանսֆեր «Լեսթերի» կատարմամբ: «Աղվեսներն» իրենց խորամանկության շնորհիվ կարողացել են «Բայերից» վարձակալել կենտրոնական պաշտպան Ալեքսանդր Դրագովիչին, ով բավականին բարձր պահանջ ունի Եվրոպայում: Նման խաղացողի դժվար է վարձակալել: 

02:00: Վերջ: Անգլիայում, Ֆրանսիայում ու Իտալիայում նույնպես տրանսֆերային պատուհանները փակվեցին: Բայց նորությունները դեռ կարող են հայտնվել, քանի որ կարևորն այն է, որ ակումբները հասցրած լինեն գրանցել գործարքները, իսկ հայտարարել կարող են՝ երբ ցանկանան: Իսպանիայում տրանսֆերային պատուհանը բաց է ևս 24 ժամ: 

01:55. «Բետիսը» վարձակալել է «Արսենալի» հարձակվողական ոճի կիսապաշտպան Խոել Քեմբելին: Կոստառիկացին 2012-13 մրցաշրջանում արդեն խաղացել է սևիլյացիների կազմում:

01:50. «Նապոլին» 10 միլիոն եվրոյով գնել է «Կիևոյի» հարձակվող Ռոբերտո Ինգլեսեին ու անմիջապես նրան վարձավճարով տվել վերոնացիներին:

01:47. «Յուվենտուսի» ծագող աստղ համարվող 17-ամյա հարձակվող Մոյզե Կինն ընթացիկ մրցարջանը վարձակալությամբ կանցկացնի «Վերոնայում»:

01:45. Երկու նորություն «Ինտերից»: Հարձակվող Գաբրիել Բարբոսան վարձակալությամբ տեղափոխվեց «Բենֆիկա»: Գործարքում առկա է հետագայում 25 միլիոնով տրանսֆերը գնելու հնարավորություն:

«Ներաձուրիները» երկու տարով վարձակալել են ֆրանսիական «Կանի» հարձակվող Յան Կարամոյին: Միլանցիները պարտավորվել են 2019 թվականին գնել 19-ամյա ֆուտբոլիստի տրանսֆերը: «Ինտերի» կազմում նա խաղալու է 17 համարի մարզաշապիկով:

01:40. «Լեսթերի» կիսապաշտպան Դենի Դրինկուոթերը ժամանել է «Չելսիի» մարզաբազա: Սպասվում է, որ շուտով կհայտարարվի տրանսֆերի մասին, որը կազմելու է 40 միլիոն եվրո: 

01:00. «Էվերթոնի» կիսապաշտպան Ռոս Բարկլին բուժզննում  է անցել «Չելսիի» համար, սակայն հանկարծ մտափոխվել է ու հրաժարվել տրանսֆերից: Լիվերպուլյան ու լոնդոնյան ակումբները 34 միլիոն եվրոյով համաձայնեցրել էին տեղափոխությունը:

00:16. Կրիստիան Անսալդին «Ինտերից» տեղափոխվել է «Տորինո»: Արգենտինացին դառնալու է Ձակապոստային փոխարինողը:

00:10. Դավիդե Ձակապոստան արդեն բուժզննում է անցնում «Չելսիի» համար:

00:01. Կարևոր տեղեկություն: Գերմանիայում տրանսֆերային պատուհանն արդեն փակվել է: Անգլիայում, Իտալիայում ու Ֆրանսիայում կփակվի 02:00-ին: Իսպանիայում` մեկ օր հետո` գիշերվա 02:00-ին, այսինքն 26 ժամից: Այնպես որ՝ «Բարսելոնան» դեռ մեկ օր ունի Կոուտինյոյի տրանսֆերի համար: Տրանսֆերներ կկարողան գնել միայն իսպանական թիմերը: 

23:58. «Sky Sports»-ը հայտնում է, որ Վիրջիլ վան Դեյկը մնալու է «Սաութհեմփթոնում» և չի տեղափոխվելու «Լիվերպուլ» կամ որևէ այլ ակումբ:  Երեք ամիս շարունակ թափված ջանքերն ապարդյուն էին:

23:40. «Սամպդորիան» 22 միլիոն եվրո է վճարել «Նապոլիի» ֆուտբոլիստներ Դուվան Սապատայի ու Իվան Ստրինչիչի համար:

22:35. «Բարսելոնան» մեկ տարով «Բենֆիկա» է ուղարկել աջ պաշտպան Դուգլասին:

22:22. Բոյան Կրիկիչը վերադարձավ Իսպանիա: Հարձակվողը խաղալու է «Ալավեսում»:

22:11. BBC Sport-ը հայտնում է, որ «Լիվերպուլը» համաձայնել է 28,3 միլիոն եվրոյով «Քրիսթալ Փելասին» վաճառել կենտրոնական պաշտպան Մամադու Սախոյի տրանսֆերը: Ֆրանսիացին արդեն բուժզննում է անցնում Լոնդոնում: 

22:08. «Արսենալի» հարձակվող Լուկաս Պերեսը վերդարձավ «Դեպորտիվո»: Վարձակալություն:

21:55. Ուշագրավ փաստ, որը ֆրանսիացի լրագրողներին է հաջողվել ճշտել: ՊՍԺ-ն կարող է միայն մեկ դեպքում ազատվել Մբապեի ամբողջական տրանսֆերը գնելու պարտավորությունից: Դա կլինի, եթե փարիզցիները... դուրս մնան Լիգա 1-ից:

21:33. Պաշտոնական. Մպաբեն տեղափոխվեց «Պարի Սեն Ժերմեն»:  Մանրամասները:

21:25. Յոան Մոլոն, ով երեկ խզել էր «Զենիթի» հետ պայմանագիրը, միացել է «Ֆուլհեմին»:

21:15. Ջակապոստան մեկնել է Լոնդոն, որպեսզի պայմանագիր կնքի «Չելսիի» հետ: Տրանսֆերը կկազմի 25 միլիոն եվրո:

20:47. Վերջապես նորություն Մադրիդի «Ռեալից»: «Սերուցքայինները» հենակետային կիսապաշտպան Մարկոս Լյորենտեի տեղափոխության շուրջ 20 ակումբներից առաջարկներ են ստացել: 

20:45. «Sky Sports»-ը հայտնում է, որ Լեմարը ցանկանում է միանալ «Լիվերպուլին», որպեսզի հանդես գա Չեմպիոնների լիգայում: Այդ տրանսֆերը անչափ ձեռնտու կլիներ «Բարսելոնային»:

20:40. Մաքսի Լոպեսը շարունակում է փոխել թիմերը: Այս անգամ արգենտինացին «Տորինոյից» միացել է «Ուդինեզեին»:

20:36. Պաշտոնական. «Միլանի» հարձակվող Մբայե Նիանգը տեղափոխվել է «Տորինո»: Վարձակալություն` ամբողջական տրանսֆերը գնելու պարտավորությամբ: 20 միլիոն եվրո:

20:30. «Բենֆիկան» վարձակալելու է «Ինտերի» հարձակվող Գաբրիել Բարբոսային: Լիսաբոնցիներն իրավունքն կունենան 25 միլիոն եվրոյով գնելու ամբողջական տրանսֆերը: Հետագա վերավաճառքի ժամանակ գումարի 25 տոկոսը կուղարկվի միլանցիներին:

20:19. Նոր մանրամասներ Անդրե Գոմեշի` «Տոտենհեմ» սպասվող տեղափոխությունից: Լոնդոնցիները մեկ տարով վարձակալելու են «Բարսելոնայի» ֆուտբոլիստին, ինչպես նաև պարտավորվելու են հաջորդ ամռանը 45 միլիոն եվրոյով գնել ամբողջական տրանսֆերը,- գրում է «Daily Mail»-ը:

20:15. Պորտուգալիայի հավաքականի ու «Վոլֆսբուրգի» կիսապաշտպան Վիերինյան տեղափոխվել է հունական ՊԱՕԿ:

20:09. «The Guardian»-ը գրում է, որ «Արսենալը» հետ է վերցրել Լեմարի համար ուղարկված 100-միլիոնանոց առաջարկը և որոշել է թիմում պահել Սանչեսին: Պատճառը` չեն հասցնի ձևակերպել փաստաթղթերը: 

19:53. Առաջիկայում սպասվող տրանսֆերներ:



19:43. Չիլիական մամուլը հայտնում է, որ Ալեքսիս Սանչեսն ազգային հավաքականի մարզման ժամանակ իր թիմակիցներին ասել է, որ տեղափոխվում է «Մանչեսթեր Սիթի»:

19:38. Դորտնումդի «Բորուսսիան» վարձակալել է «Մանչեսթեր Սիթիի» 17-ամյա կիսապաշտպան Ջեյդոն Սանչոյին և նրան Դեմբելեին նախկինում պատկանող «7» համարը տվել:

19:32. Լավ նորություն «Բարսելոնայի» երկրպագուներից շատերի համար․ Անդրե Գոմեշը մոտ է «Տոտենհեմ» տեղափոխվելուն:

19:19. «Sky Sports»-ի աղբյուրները հաստատում են․ «Արսենալն» իսկապես 100 միլիոն եվրո է առաջարկել «Մոնակոյին»` Տոմա Լեմարի տրանսֆերի համար: 

18:58. Պաշտոնական. Նանին դարձավ «Լացիոյի» ֆուտբոլիստ: Մեկ տարվա վարձակալություն: Պորտուգալացու տրանսֆերային իրավունքները պատկանում են «Վալենսիային»:

18:50. «Արսենալն» ընդունել է Ալեքսիս Սանչեսի տրանսֆերի շուրջ «Մանչեսթեր Սիթիի» 65 միլիոն եվրոյի առաջարկը: Գործարքը տեղի կունենա, եթե լոնդոնցիները համաձայնեցնեն չիլիացու փոխարինողի հարցը: Հիմնական թեկնածուն Տոմա Լեմարն է:

18:36. Մի քանի տարի առաջ լուրջ ակնկալիքներ կային կենտրոնական կիսապաշտպան Ջելեյն Իմբուլայից, սակայն նրա կարիերան անհաջող է ընթանում: Միգուցե, նրան օգնի «Սթոք Սիթիից» «Թուլուզ» վարձավճարով տեղափոխությունը:

18:33. «Ռոստովի» արդեն 5-րդ ֆուտբոլիստն այս ամռան ընթացքում տեղափոխվեց «Զենիթ»: Երոխինին, Նոբոային, Պոլոզին ու Տերենտևին հաջորդեց կենտրոնական պաշտպան Միխա Մեվլյան: Սլովենացու համար 4 միլիոն եվրո է վճարվելու: 

18:28. «Մոնակոն» շարունակում է հարձակվող Լասինա Տրաորեին վարձակալությունների համաշխարհային ուղևորության ուղարկել: Հերթական կայանատեղը ֆրանսիական «Ամյեն» ակումբն է:

18:10. Պաշտոնական. «Լիվերպուլի» հարձակվող Դիվոկ Օրիգին ընթացիկ մրցաշրջանը վարձավճարով կանցկացնի «Վոլֆսբուրգի» կազմում:

17:47. «Արսենալն» իր պատմության ամենախոշոր տրանսֆերի շեմին է: Լոնդոնցիները, ամենայն հավանականությամբ, «Մանչեսթեր Սիթիին» են վաճառելու Ալեքսիս Սանչեսին: Չիլիացուն փոխարինելու համար «զինագործները» 100 միլիոն եվրո են առաջարկել Տոմա Լեմարի («Մոնակո») համար,- վստահեցնում է «Daily Mail»-ը: «Արսենալն» այս ամռանը ռեկորդ էր սահմանել` 53 միլիոն եվրոյով (+ հնարավոր բոնուսներ) ձեռք բերելով Ալեքսանդր Լակազետին: 

17:41. «The Guardian»-ը հիշեցնում է, որ այս ամռանը «Չելսին» 8 ֆուտբոլիստ է վաճառել ու 5 նորեկ ունեցել: Լոնդոնցիներն «ընդամենը» 19,5 միլիոն եվրոյի ծախս են կատարել, ուստի իրենց տրանսֆերային բյուջեում դեռ լուրջ գումար ունեն:

17:37. Մահրեզի տրանսֆերի համար ֆավորիտ դարձավ «Չելսին»։ Լոնդոնցիները կարող են առաջիկա ժամերի ընթացքում հայտարարել տրանսֆերի մասին: Այդ տեղեկությունն ամրապնդվում է «Բարսելոնայի»` ալժիրցուն ձեռք բերելու մասին լուրը հերքելու պատճառով: 

17:28. «Զենիթի» կենտրոնական պաշտպան Լուիշ Նետուն վարձակալությամբ կխաղա «Ֆեներբախչեում»: 

17:22. Պարտվելով Օքսլեյդ Չեմբերլենի համար պայքարը` «Չելսին» ուշադրությունը բևեռել է «Տորինոյի» լատերալ Դավիդե Ջակապոստայի կողմը: Լոնդոնցիները համաձայն են իտալացու համար 25 միլիոն եվրո վճարել,- հայտնում է «Football Italia»-ն:

17:08. Պաշտոնական.  «Բավարիայի» կիսապաշտպան Ռենատու Սանշեշն առաջիկա մեկ տարին վարձակալությամբ կանցկացնի «Սուոնսիում»: Գործարքը` 5 միլիոն եվրո: Պորտուգալացին կխաղա Պոլ Կլեմենտի գլխավորությամբ, ում ծանոթ է «Բավարիայում» անցկացրած առաջին կես տարուց: Այդ մարզիչը Անչելոտիի օգնականն էր:

16:50. Սեսար Նավասը վերադարձավ «Ռուբին»: Կուրբան Բերդիևն առանց իր սիրելի պաշտպանի չի կարող:

16:37. «Բարսելոնայի» հարավկորեացի կիսապաշտպան Լի Սին Վու, ում մեծ ապագա էին խոստանում, մեկ տարվա տրանսֆերային արգելքից հետո չկարողացավ գտնել իր նախկին խաղը: Այսօր նա հեռացավ Կատալոնիայից և համալրեց Ա Սերիայի նորեկ «Վերոնիայի» շարքերը:

16:28. «Մանչեսթեր Սիթին» 70 միլիոն եվրո է առաջարկել Ալեքսիս Սանչեսի համար: «Արսենալը» մի քանի ժամ է խնդրել, որպեսզի կարողանա չիլիացու փոխարեն ձեռք բերել «Մոնակոյի վինգեր Տոմա Լեմարին,- հայտնում է «Sky Sports»-ի լրագրող Գիլյեմ Բալագեն:

16:15. Sport.es-ի լրագրող Սարա Մենաին հայտնում է, որ Ռիյադ Մարեզը Բարսելոնայի օդանավակայանում է: Կատալոնական ակումբ տեղափոխվելու նրա շանսերը կտրուկ մեծացան: 

15:55. Անգլիական մամուլը գրում է, որ տեղական ժամանակով 19:00-ին` Երևանի ժամանակով 22:00-ին, կհայտարարվի Կոուտինյոյի` «Բարսելոնա» տեղափոխության մասին:

15:50. «Չելսին» առաջարկ է ուղարկել «Բավարիային» եզրային պաշտպան Ռաֆինյայի տրանսֆերի շուրջ: Մյունխենցիները մերժել են:

15:40. «Լեսթերը» մերժել է Դեմորայ Գրեյին 27 միլիոն եվրոյով վաճառելու «Բորնմութի» առաջարկը: 

15:37. Պաշտոնական. Սերժ Օրյեն «Պարի Սեն Ժերմենից» տեղափոխվեց «Տոտենհեմ»:

15:26. «Սուոնսին» նույնպես զգալիորեն համալրվելու է: «Կարապները» մոտ են Ռենատու Սանշեշին («Բավարիա») և Վիլֆրիդ Բոնիին («Մանչեսթեր Սիթի») ձեռք բերելուն,- հայտնում է BBC-ին:

15:15. Պաշտոնական. Ալեքս Օքսլեյդ Չեմբերլենը` «Լիվերպուլի» ֆուտբոլիստ: Մանրամասները:

14:58. Կևին Կապմլը հերթական գերմանական թիմը փոխեց: «Բայերի» ֆուտբոլիստը 20 միլիոն եվրոյի դիմաց տեղափոխվել է «ՌԲ Լեյպցիգ»:

14:30. Լևերկուզենի «Բայերն» իր համար ռեկորդային` 22 միլիոն եվրոյով ձեռք է բերել «Օլիմպիակոսի» պաշտպան Պանայոտիս Ռեցոսին:

14:07. «Տոտենհեմը» հաղթող է դարձել «Սուոնսիի» հարձակվող Ֆերնանդո Լյորենտեի համար պայքարում: Իսպանացուն վաղուց ցանկանում էր գնել «Չելսին», սակայն ձախողվել է: «Տոտենհեմն» ու «Սուոնսին» արդեն համաձայնության են հասել: Լոնդոնցիներին մնում է պայմանավորվել 32-ամյա խաղացողի հետ:

13:56. Մեկ նորություն «հայկական» «Վարդարից»: Մակեդոնիայի չեմպիոնը պայմանագիր է կնքել լիտվական «Տրակայի» հարձակվող Մաքսիմ Մաքսիմովի հետ: Ռուս հարձակվողն այս ամռանն անուն հանեց Եվրոպա լիգայի որակավորման փուլի լավագույն ռմբարկու դառնալու շնորհիվ: Նա 5 խաղում 7 գոլ է հեղինակել:

13:27. Կոուտինյոյի տրանսֆերից առաջ «Բարսելոնան» ստուգում է այլընտրանքային տարբերակների հավանականությունները: Պարգևավճարների հետ միասին 160 միլիոն եվրո է առաջարկվել «Յուվենտուսին»` Պաուլո Դիբալայի համար: Թուրինցիները մերժել են: Նշանակում է՝ «բլաուգրանան» ավելի մեծ ուժեր կկենտրոնացնի Կոուիտինոյի վրա:

13:19. Ռիյադ Մարեզը հեռացել է Ալժիրի հավաքականի ճամբարից, որպեսզի պայմանագիր կնքի նոր ակումբի հետ: Հավանական թեկնածուներն են «Բարսելոնան», «Չելսին», «Մոնակոն»:

13:10. Մոսկվայի «Սպարտակը» վերջապես սկսեց ծախսել: Բրազիլական «Գրեմիոյից» 12 միլիոն եվրոյով ձեռք է բերվել եզրային հարձակվող Պեդրո Ռոշան:

13:02. Պորտուգալիայի հավաքականի ու «Վալենսիայի» կիսապաշտպան Նանին ժամանել է Հռոմ, որպեսզի պայմանագիր կնքի «Լացիոյի» հետ:

13:00. Ալեքս Օքսլեյդ Չեմբերլենին արդեն նկատել են «Լիվերպուլի» մարզաշապիկով: Պաշտոնական տեղափոխությանը քիչ մնաց:

_______________________________________________________________________________

Օրվա ամենասպասված տրանսֆերները


1. «Պարի Սեն Ժերմենը» պետք է այսօր վերջապես հայտարարի «Մոնակոյի» հարձակվող Կիլիան Մբապեի տեղափոխության մասին:

2. «Բարսելոնան» վերջին փորձը կկատարի «Լիվերպուլի» կիսապաշտպան Ֆիլիպե Կոուտինյոյին ձեռք բերելու համար: Այլընտրանքնային տարբերակներ են Տոմա Լեմարը («Մոնակո»), Անխել Դի Մարիան (ՊՍԺ) և Ռիյադ Մարեզը («Լեսթեր»):

3. Տևական ընդմիջումից հետո «Մանչեսթեր Սիթին» նոր հարձակում է սկսել «Արսենալի» առաջատար Ալքեսիս Սանչեսին հրավիրելու համար: «Քաղաքայինները» պատրաստ են մինչև 60-70 միլիոն եվրո վճարել:

4. Արդեն գրեթե կայացած է «Արսենալի» մեկ այլ ֆուտբոլիստի` Ալեքս Օքսլեյդ Չեմբերլենի` «Լիվերպուլ» տեղափոխությունը: Այսօր սպասում ենք պաշտոնական հայտարարությանը:

5. Սպասում է, որ «Չելսին» նույնպես մի քանի աղմկալի գործարքներ կկատարի: Թեկնածուների թվում են Դենի Դրինկուոթերը («Լեսթեր»), նույն Ռիյադ Մարեզը («Լեսթեր») և Ռոս Բարկլին («Էվերթոն»):

6. Այսօր վերջանակապես կլուծվի Դիեգո Կոստայի ճակատագիրը: Սկանդալային հարձակվողի համար կատարյալ սցենարը կայանում է նրանում, որ «Ատլետիկոն» գնի նրա տրանսֆերը և 4 ամսով վարձակալության ուղարկի այլ ակումբ:

_______________________________________________________________________________

Այսօր` օգոստոսի 31-ին տրանսֆերային պատուհանի վերջին օրն է: Sport.times.am-ը մինչև ուշ գիշեր հետևելու է տրանսֆերային զարգացումներին:

Լրահոս
Անհավատալի քամբեք, խենթագույն եզրափակիչ․ Նոան հաղթեց Արարատ-Արմենիային ու նվաճեց Հայաստանի գավաթը Հույն ունեմ Հենդերսոնը շուտ կմիանա մեզ. Կլոպ Sportitalia․ Ռոման համաձայնեցրել է Սմոլինգի տրանսֆերը ՄՅՈւ-ի հետ Բունդեսլիգա. մրցաշրջանի լավագույն գոլերը (տեսանյութ) Հայաստանի հավաքականը Երևանում ընկերական հանդիպում կանցկացնի Քուվեյթի ընտրանու հետ Մխիթարյանի գոլն ու նրա փոխանցումից հետո Վերետուի դիպուկ հարվածը հաղթանակ բերեցին Ռոմային Պարմայի դեմ խաղում (տեսանյութեր) Ռեալը վերջին 4 տարիներին գրեթե 250 մլն եվրո է աշխատել ակադեմիայի սաների վաճառքից Մխիթարյանը մեծ ֆուտբոլիստ է, պետք է սովորենք նրանից․ Վերետու Ջոկովիչ․ Չգիտեմ՝ կխաղամ US Open-ը, թե ոչ Լայպցիգը պատրաստ չէ 25 միլիոն եվրո վճարել Վերդերի հարձակվողի համար Իտալիայի հավաքականի ֆուտբոլիստը խնդրում է Չելսիին վաճառել իրեն Գվարդիոլա. Մենք կպարտվենք Ռեալին, եթե խաղանք այնպես, ինչպես Սաութհեմփթոնի դեմ Ըմբշամարտ. Ազատ ոճայինները փակ հավաք կանցկացնեն Ծաղկաձորում Ալաշկերտը հաղթեց Լոռիին ու ապահովեց տեղը եվրագավաթներում (տեսանյութ) Ալաշկերտ-Լոռի․ մեկնարկային կազմեր, ուղիղ եթեր Տոտենհեմը նվազագույն հաշվով հաղթեց Էվերտոնին Սևիլյան հաղթեց Էյբարին՝ ամրապնդվելով լավագույն քառյակում Ասել, որ Ռոնալդուն ամենատաղանդավորն է, ում հետ խաղացել եմ միևնույն թիմում, չեմ կարող․ Ֆերնանդեշ Լեգենդար Պիսարոն ավարտեց կարիերան Մոուրինյուն հինգերորդ մարզիչն է, ով 200 հաղթանակ է տարել ԱՊԼ-ում Ռեալի հայտացուցակը Աթլետիկի դեմ խաղում Armsport սկետչ․ Մեսսիի 700-րդ գոլը․ նոր ռեկորդը դեռ Բարսայի հաղթնակի գրավականը չէ Բարսելոնայի հայտացուցակը Վիլյառեալի հետ խաղի համար Մագնուս Կարլսենը՝ Chessable Masters առցանց մրցաշարի հաղթող Լիոնել Մեսսին կարող է շարունակել կարիերան «Մանչեսթեր Սիթիում» Շնորհակալ եմ Գվարդիոլային, ով ինձ ավելի լավը դարձրեց․ Սանե Ջեկոն կարող է տեղափոխվել Յուվենտուս Բարձրագույն խմբի ձևաչափ և լեգեոներների սահմանափակում. Արմեն Մելիքբեկյանը դիմել է ակումբների նախագահներին Ինտերը պատրաստ է Սանչեսին գնել ՄՅՈՒ-ից ՀՖՖ-ն դադարեցրեց Առաջին խմբի առաջնությունը. 58 անձ որակազրկվել է Սուլշեր․ Գրինվուդի համար սահմաններ չկան Վեսթ Արմենիան խզել է պայմանագրերը 5 ֆուտբոլիստի հետ Չեմպիոնների լիգայի 2020/21 մրցաշրջանի ժամանակացույցը Շիրակ-Լոռի. Զրոներ՝ առաջին խաղակեսից հետո Ըմբշամարտ․ Մեծահասակների աշխարհի առաջնությունն այս տարի կկայանա Սերբիայում Յուվենտուսը և Դիբալան համաձայնության են հասել նոր պայմանագրի շուրջ Խաղընկերներս աջակցում էին ինձ․ Սեդրիկը՝ Արսենալում նորամուտը նշելու մասին Վեսթ Հեմը արդյունավետ խաղում հաղթեց Չելսիին (տեսանյութ) Զիդան․ Մենք դեռ ոչինչ չեն հաղթել․ ունենք 6 եզրափակիչ, որոնցից մեկը վաղն է Առաջին խումբ. Մասիսն ու Տորպեդոն ոչ-ոքի խաղաց
website by Sargssyan