USD
EUR
RUB

Երյոմենկո. Հաճելի է, որ Հայաստանի հավաքականներ այդքան ֆուտբոլիստ ենք ուղարկում, բայց...

 

Հայաստանի առաջնության միակ արտասահմանցի մարզիչը «Փյունիկը» գլխավորող Սերգեյ Երյոմենկոն է: Ռուս մասնագետը ԶԼՄ-ների ներկայացուցիչների հետ հանդիպման ժամանակ խոսեց Բարձրագույն խմբի 5-րդ տուրում առաջատար «Շիրակից» կրած պարտության (0:2), ինչպես նաև այլ թեմաների շուրջ:

«Արդյունքից չենք կարող գոհ լինել: Խաղը հավասար էր: Առաջին կեսում, միգուցե, ավելի լավ տեսք ունեինք: Առաջին գոլը կարելի էր բաց չթողնել: Փորձեցինք կորցրածը հետ բերել, բայց փորձի ու կադրային խնդիրների բացակայությունը զգացնել տվեց: Հավաքականներից վնասվածքներով են վերադարձել Ալիկ Առաքելյանն ու Լևոն Հայրապետյանը, ովքեր մեր թիմի համար մեծ նշանակություն ունեն և առանց նրանց շատ դժվար էր: Առաջին հանդիպումն անցկացրեց Սերոբ Գրիգորյանը, ում խաղից շատ գոհ եմ: Առավելագույնն արեց այն ամենից, ինչ կարող էր: Խաղերը հաջորդում են միմյանց, այնպես որ՝ պարտության համար տխրելու շատ ժամանակ չունենք»:

Երյոմենկոն կարծում է, որ ներկայիս կազմով էլ կարելի է լուծել թիմի նպատակները` մտնել եվրագավաթներ.

«Դեռ խաղացողներ ունենք, ովքեր միանալու են թիմին և ավելի են ուժեղացնելու «Փյունիկը»: Հավաքականներին 11 ֆուտբոլիստ ենք ուղարկել, առանց նրանց ենք նախապատրաստվել: Հաճելի է, որ «Փյունիկը» հավաքականներին այդքան խաղացողներ է մատակարարում, սակայն մարզչի աշխատանքի համար դա լավ չէ: Եթե նրանք լինեին, կարող էինք այդ դադարը ավելի լավ օգտագործել: Աշխարհում հրաշքներ չկան: Մենք երիտասարդ թիմ ունենք` 23-24 տարեկան խաղացողներ»:

«Շիրակի» չեմպիոնության շանսերը

«Երևում էր, որ կազմակերպված թիմ է, լավ են համագործակցում ու խաղակցված են: Որքան տեղյակ եմ` նրանց մարզիչը մի քանի է տարի թիմի հետ է աշխատում (2011 թվականից-խմբ.): Եթե ակումբում համակարգը կայուն է, ակումբն իր փիլիսոփայություն ունի, դա արդեն լուրջ հաջողության գրավականն է: Հաղթողի հոգեբանությունը միայն հաղթանակներով է ձեռք բերվում: Կարծում եմ` «Շիրակը» չեմպիոնության գլխավոր ֆավորիտներից մեկն է»:

«Փյունիկը» երկու նորեկ ունի` Արթուր Միրանյան ու Դիդյե Կադիո Բորիսը: Sport.times.am-ը ռուս մասնագետից տեղեկացավ, թե այդ խաղացողներն ինչպիսի մարզավիճակում են և թե նրանց հետ մարզիչն ինչ հույսեր է կապում.

«Միրանյանը երեկ է միացել թիմին: Նա մեքենայով Երևան է եկել Ռոստովից, այնպես որ՝ դեռ չեմ կարող գնահատել նրա ֆունկցիոնալ վիճակը: Լավ բաներ եմ լսել Արթուրի մասին: Հավանաբար նրա մեջ ինչ-որ բան կա, բազմակողմանիություն կտա մեր թիմի հարձակման գծին: Ինչ վերաբերվում է Բորիսին, ապա նրան ծանոթ եմ Ղազախստանում համատեղ աշխատանքով: Նա խաղադաշտում իսկական առաջատար է: Նրա փորձը մեզ շատ կօգնի:

Առաջնությունում «Փյունիկը» 5 միավոր է վաստակել: Ռուս մարզիչը կարծում է, որ նրանք ավելիին էին արժանի.

«Պետք է առաջին տուրում հաղթեինք «Բանանցին», սակայն կորցրեցինք երկու գնդակի առավելությունը: «Արարատին» նույնպես կարող էինք հաղթել, լավ պահեր ունեինք: Կարծում եմ` 4 միավոր ավել կարող էինք վաստակել: «Գանձասար-Կապանի» հետ խաղում սպասվածից շատ վաստակեցի՞նք: Դա ձեր կարծիքն է»:

53-ամյա մասնագետը նախկինում հաճախ նշում էր, որ դեռ ծանոթ չէ իր խաղացողների հնարավորություններին: Sport.times.am-ը Երյոմենկոյին հարցրեց, թե որքան ժամանակ է հարկավոր թիմն ամբողջությամբ ճանաչելու համար:

«Արդեն գրեթե ամբողջությամբ ծանոթ եմ: Մրցումային հանդիպումները, որոնցում պետք է պայքարել արդյունքի համար, ցույց են տալիս, թե ֆուտոլիստն իրականում իրենից ինչ է ներկայացնում: Ֆուտբոլում չես կարող ձևացնել: Պատասխանատվությունը և այլ գործոններ ազդում են խաղացողների վրա: Օրինակ` նրանք կարդում են մամուլում ինչ է գրված և դա հոգեբանական տրամադրություն է ստեղծում:

Այդ ամենը հաշվի առնելով՝ կարելի է ասել` գրեթե բոլորին ճանաչում եմ: Գործի մեջ միայն չեմ տեսել Միրանյանին ու վնասվածքներից ապաքինվող Պետրոս Ավետիսյանին ու Էրիկ Վարդանյանին, որոնց մասին դրական խոսքեր եմ լսել»:

Լուսանկարները` «Փյունիկի» ֆեյսբուքյան էջի


Հայկ Հովհաննիսյան

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan