USD
EUR
RUB

Պատմության ամենաեկամտաբեր տրանսֆերները

 

Տրանսֆերային աշխարհի փոփոխություններով պայմանավորված՝ ակումբները գնալով ավելի ու ավելի շատ եկամուտ են ստանում ֆուտբոլիստների վաճառքից։ Տեսնենք, որ ֆուտբոլիստների տրանսֆերներն են առավել եկամտաբեր եղել իրենց ակումբների համար։

10. Լուիշ Ֆիգու («Բարսելոնայից» դեպի «Ռեալ», 2000թ.)
Գինը «Բարսելոնայի» համար՝ 2.5 մլն եվրո
Գինը «Ռեալի» համար՝ 60 մլն եվրո
Տրանսֆերի եկամուտը՝ 57.5 մլն եվրո

Հասկանալու համար, թե մի քանի տարվա ընթացքում որքան է փոխվել տրանսֆերային քաղաքականությունը, պետք է հիշել Կրեսպոյին, ով վերջերս այս ցուցակում 10-րդն էր։ Նա 4 մլն եվրոյի դիմաց «Պարմա» էր տեղափոխվել, իսկ հետո 55 մլն եվրոյի դիմաց՝ «Լացիո»: Հիմա Էրնանը 21-րդ հորիզոնականում է, իսկ Ֆիգուի սկանդալյին տեղափոխությունն ընդամենը 10-րդ հորիզոնականում է:

9. Ռահիմ Սթերլինգ («Լիվերպուլից» դեպի «Մանչեսթեր Սիթի», 2015թ.)
Գինը «Լիվերպուլի» համար՝ ակումբի սան
Գինը «Մանչեսթեր Սիթիի» համար՝ 60.5 մլն եվրո
Տրանսֆերի եկամուտը՝ 60.5 մլն եվրո

Ինչպես տեսնում եք, տասնյակում 57 մլն եվրոյից պակաս շահույթ բերած ֆուտբոլիստ չկա, իսկ Ռահիմն անգամ 60-ի սահմանն է անցել: 

8. Զինեդին Զիդան («Յուվենտուսից» դեպի «Ռեալ», 2001թ.)
Գինը «Յուվենտուսի» համար՝ 3.5 մլն եվրո
Գինը «Ռեալի» համար՝ 73.5 մլն եվրո
Տրանսֆերի եկամուտը՝ 70 մլն եվրո

Լավ ժամանակներ էին. Ֆիգուին կարելի էր 2.5 մլն եվրոյի դիմաց գնել ու վաճառել 60-ով: Զիդանը 3.5 մլն եվրոյի դիմաց Թուրին գնաց, իսկ Ֆիգուի տրանսֆերից 4 տարի անց՝ «Ռեալ»: Թեև 16 տարի է անցել, բայց Զիդանը դեռ ամենաշահութաբեր ֆուտբոլիստների տասնյակում է: Զարմանալի չէ, քանի որ Ֆրանսիային համաշխարհային ֆուտբոլ տարած ֆուտբոլիստը պետք է 20 անգամ ավելի թանկ արժենար, քան երիտասարդ տարիքում:

7. Կրիշտիանու Ռոնալդու («Մանչեսթեր Յունայթեդից» դեպի «Ռեալ», 2009թ.)
Գինը «Մանչեսթեր Յունայթեդի» համար՝ 19 մլն եվրո
Գինը «Ռեալի» համար՝ 94 մլն եվրո
Տրանսֆերի եկամուտը՝ 75 մլն եվրո

Վարկանիշային աղյուսակը, որում Ռոնալդուն 7-րդն է, չի կարելի շարքային ու կանխատեսելի համարել: Չմոռանանք, որ ժամանակին Ալեքս Ֆերգյուսոնը մի լավ քննադատության արժանացավ պորտուգալացի երիտասարդի համար 19 մլն եվրո վճարելիս: Սակայն մարզիչը վստահ էր, որ Կրիշտիանուն կարդարացնի սպասելիքները, իսկ պորտուգալացին հուսախաբ չարեց ինչպես մարզական տեսանկյունից, այնպես էլ ֆինանսական։

6. Գարեթ Բեյլ («Տոտենհեմից» դեպի «Ռեալ», 2013թ.)
Գինը «Տոտենհեմի» համար՝ 14.7 մլն եվրո
Գինը «Ռեալի» համար՝ 101 մլն եվրո
Տրանսֆերի եկամուտը՝ 86.3 մլն եվրո

Ահա և պատմության ամենամեծ շահույթը բերած բրիտանացին: Եթե Սթերլինգն առաջինն էր անգլիացիների մեջ, ապա Բեյլը՝ բրիտանացիների: Աշխարհի երբեմնի ամենաթանկ ֆուտբոլիստը «Տոտենհեմին» 86.3 մլն եվրո եկամուտ է բերել։ «Ռեա՞լը»․․․ Բավարարվենք ասելով՝ Բեյլը միշտ չէ, որ արդարացնում է իր համար վճարած 101 մլն եվրոն:

5. Նեյմար («Սանտոսից» դեպի «Բարսելոնա», 2013թ.)
Գինը «Սանտոսի» համար՝ ակումբի սան
Գինը «Բարսելոնայի» համար՝ 88.2 մլն եվրո
Տրանսֆերի եկամուտը՝ 88.2 մլն եվրո

Սկզբում հասկանանք՝ հավատա՞լ «Բարսելոնայի» ղեկավարության հայտարարությանը, ըստ որի Նեյմարի տրանսֆերն ընդամենը 57.1 եվրո է կազմել: Դատարանը դեռ օրինականության մասին հարցին է պատասխանել, իսկ գնի մասին վեճերը շարունակվում են, դրա համար էլ հավատանք 88.2 մլն եվրոյի վարկածին։

4. Ուսման Դեմբելե («Բորուսիայից» դեպի «Բարսելոնա», 2017թ.)
Գինը « Բորուսսիայի» համար՝ 15 մլն եվրո
Գինը «Բարսելոնայի» համար՝ 105 մլն եվրո
Տրանսֆերի եկամուտը՝ 90 մլն եվրո

«Բարսելոնան» հետաքրքրված էր Անխել դի Մարիայի ծառայություններով, բայց 30-ամյա արգենտինացու համար 60 մլն եվրո չվճարեց ու 2 անգամ ավելի լայն բացեց դրամապանակը երիտասարդ ֆրանսիացու համար: Ուշագրավ է, որ «Բարսելոնան» անցյալ տարի հրաժարվել է Դեմբելեի տրանսֆերը ձեռք բերելու մտադրությունից, քանի որ «Ռենը» 30 մլն է պահանջել։ Միևնույն ժամանակ «Բորուսսիան» բանակցել է 15-ի համար ու համաձայնության հասել։ Արդյունքում շահեց և՛ դորտմունդյան ակումբը, և՛ ֆրանսիականը, որը հիմա էլ տոկոսներ է ստանալու գործարքից:

3. Պոլ Պոգբա («Յուվենտուսից» դեպի «Մանչեսթեր Յունայթեդ», 2016թ.)
Գինը «Յուվենտուսի» համար՝ ազատ գործակալ
Գինը «Մանչեսթեր Յունայթեդի» համար՝ 105 մլն եվրո
Տրանսֆերի եկամուտը՝ 105 մլն եվրո

Հենց Պոլ Պոգբայի տրանսֆերն էր ամենաշահութաբերը, քանի դեռ «Պարի Սեն Ժերմենը» չէր որոշել ռեկորդներ գրանցել: Հիմա Պոգբան ուրախ է, որ ավելի շատ իր խաղի, ոչ թե տրանսֆերի մասին են խոսում, քանի որ Դեմբելեի, Նեյմարի, Մբապեի տրանսֆերներից հետո նրանն այնքան էլ հնչեղ չի թվում:

2. Նեյմար («Բարսելոնայից» դեպի ՊՍԺ, 2017թ.)
Գինը «Բարսելոնայի» համար՝ 88.2 մլն եվրո
Գինը ՊՍԺ-ի համար՝ 222 մլն եվրո
Տրանսֆերի եկամուտը՝ 133.8 մլն եվրո

222 մլն եվրոյի կտրոնը ձեռքին եկավ կատալոնացիների գրասենյակ, ապա գնաց Փարիզ՝ հարստացնելով և՛ «Բարսելոնային» և հարազատ «Սանտոսին»։ Այստեղ հաշվարկ անելն ավելի բարդ է, քան մյուս դեպքերում: ՖԻՖԱ-ն դեռ միայն օրինական է ճանաչել տրանսֆերը, բայց «Սանտոսի», կատալոնացիների ու Նեյմարի հոր խնդիրները դեռ քննարկման առարկա են դատարաններում: Պաշտոնական տեղափոխությունն իբրև թե 57.1 մլն եվրո արժեր, բայց հայցվորներն անհամեմատ ավելի բարձր գին են ասում: Ամեն դեպքում, այս աղյուսակի երկրորդ հորիզոնականը ևս Նեյմարինն է։

1. Կիլիան Մբապե («Մոնակոյից» դեպի ՊՍԺ, 2018թ.)
Գինը «Մոնակո» համար՝ ակումբի սան
Գինը ՊՍԺ-ի համար՝ 180 մլն եվրո
Տրանսֆերի եկամուտը՝ 180 մլն եվրո

Քանի որ Մբապեն երիտասարդ է, «Պարի Սեն Ժերմենի» հետ գործարքի որոշ մասը կարող է փոխանցվել «Կլերֆոնտենին», որտեղ Մբապեն մի քանի տարի ուսանել է: «Մոնակոն» ամեն դեպքում ռեկորդային շահույթ կստանա, երբ այս մրցաշրջանի ավարտից հետո փարիզյան կողմը ձեռք բերի ֆուտբոլիստի ամբողջական տրանսֆերը (այժմ Մբապեն վարձակալությամբ է խաղում «Պարի Սեն Ժերմենում»)։

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan