Գործակալ. Մբապեն ցանկանում էր միայն «Բարսելոնա» տեղափոխվել, բայց…
Նմանատիպ
Ֆուտբոլային գործակալ Խոսեպ Մարիա Մինգելան պատմել է, որ հարձակվող Կիլիան Մբապեն կարող էր կարիերան շարունակել «Բարսելոնայում», այլ ոչ թե տեղափոխվել «Պարի Սեն Ժերմեն»:
«Երբ Մբապեն իմացավ, որ Նեյմարը տեղափոխվելու է ՊՍԺ, հայտարարեց, որ ցանկանում է կարիերան շարունակել «Բարսելոնայում»: «Ռեալի» տարբերակը նույնպես կար, սակայն Կիլիանը կարծում էր, որ Բեյլ-Բենզեմա-Ռոնալդու եռյակը կխանգարի նրան:
«Բարսան» կարող էր նրան ձեռք բերել 120 միլիոնով ու 30 միլիոնի հնարավոր պարգևավճարներով: Ես զրուցեցի Մբապեի հոր հետ: Կիլիանը ցանկանում էր Մեսսիի հետ միևնույն թիմում խաղալ: Տրանսֆերը կարող էր ձևակերպվել, բայց Բարտոմեուին դժվար է հասկացնել: Ես մեր ընդհանուր ընկերոջ միջոցով նրան նախապես հայտնեցի, որ Նեյմարի հեռանալն անխուսափելի է և հարկավոր է նրա փոխարեն Կիլիանին հրավիրել, բայց նա չլսեց ինձ»,- Մինգելայի խոսքերն է մեջբերում cope.es-ը:
Հիշեցնենք, որ ՊՍԺ-ն վարձակալել է 18-ամյա ֆրանսիացուն: Փարիզցիները պարտավորվել են 180 միլիոն եվրոյով գնել նրա ամբողջական տրանսֆերը:
Հետևեք մեզ նաև Telegram-ում