«Մանչեսթեր Յունայթեդ» – «Տոտենհեմ». Լոնդոնցիները լուրջ կորուստ ունեն
27/10/2017 14:25
Նմանատիպ
Անգլիայի առաջնության 10-րդ տուրի կենտրոնական խաղում «Տոտենհեմը» հյուրընկալվելու է «Մանչեսթեր Յունայթեդին»: Հանդիպմանը չի մասնակցելու լոնդոնցիների առաջատար Հարի Քեյնը,- գրում է այդ ակումբի պաշտոնական կայքը: Անգլիացին մկանային թեթև վնասվածք է ստացել «Լիվերպուլի» դեմ նախորդ խաղում (4:1):
«Չենք կարող ռիսկի ենթարկել Քեյնի առողջությունը: Հուսանք` նա կկարողանա մասնակցել Չեմպիոնների լիգայի` «Ռեալի» դեմ հանդիպմանը: Վաղվա մրցավճում Հարիի մասնակցությունը բացառված է»,- ասել է «Տոտենհեմի» գլխավոր մարզիչ Մաուրիսիո Պոչետինոն:
ԱՊԼ-ի ընթացիկ խաղարկության 9 խաղում 24-ամյա հարձակվողը 8 գոլ է խփել ու մեկ գոլային փոխանցում կատարել:
«Մանչեսթեր Յունայթեդ» – «Տոտենհեմ» հանդիպումը կկայանա վաղը` հոկտեմբերի 28-ին և կմեկնարկի Երևանի ժամանակով 15:30-ին:
Հետևեք մեզ նաև Telegram-ում