USD
EUR
RUB

Ո՞րն է Անդրեա Պիրլոյի յուրահատկությունը

 

ԱՄՆ-ի «Նյու-Յորք Սիթի» ակումբում 2 մրցաշրջան անցկացնելուց հետո Անդրեա Պիրլոն հայտարարեց, որ 38 տարեկանում ավարտում է ֆուտբոլային կարիերան:

«Դու միշտ հասկանում ես, երբ գալիս է քո ժամանակը։ Ամեն օր առողջական խնդիրների առաջ ես կանգնում ու այլևս չես կարողանում այնպես մարզվել, ինչպես ցանկանում ես: Իմ տարիքում նորմալ է ասել, որ իմ ժամանակը եկել է»,- հայտարարեց Պիրլոն։

Նրա մասին

«Նրա առավելությունը պետք է րոպեում 35 հարվածը լինի: Նա միշտ հանգիստ է փղի պես»: Ջանլուկա Վիալլի

«Երբ Անդրեան ասաց, որ «Յուվենտուս» է տեղափոխվում, առաջին հերթին մտածեցի. «Աստված գոյություն ունի»»: Ջանլուիջի Բուֆֆոն

«Պիրլոն լռակյաց առաջնորդ է: Նա ոտքերով է խոսում»: Մարչելո Լիպի

«Անդրեա Պիրլոյին գնդակ տալը նման է այն գաղտնապահարանում պահելուն»: Զբիգնև Բոնեկ

«Ամեն անգամ, երբ նրան գնդակով եմ տեսնում, հարցնում եմ, թե արդյոք ֆուտբոլիստ կոչվելու իրավունք ունեմ»:  Ջենարո Գատուզո

«Մեծատառով ֆուտբոլիստ, անհավատալի խաղացող: Բազմաթիվ անգամներ դիմակայել եմ նրան, պատանեկան թիմերից մինչև պրոֆեսիոնալ ֆուտբոլ, որտեղ նա հանդես է եկել Իտալիայի, «Միլանի» ու «Յուվենտուսի» կազմերում: Միշտ Պիրլոյի երկրպագուն եմ եղել»: Չավի Էրնանդես

Վիճակագրություն

  • Իտալիայի հավաքական. 116 խաղ, 13 գոլ
  • Եվրագավաթներ. 139 խաղ, 11 գոլ
  • Ազգային առաջնություններ Եվրոպայում. 556 խաղ, 61 գոլ


Կարիերայի ընթացքը

«Բրեշիա»

• Մեծահասակների ֆուտբոլում առաջին քայլերը 16 տարեկանում է կատարել, երբ «Ռեջինայի» դեմ խաղում դուրս է եկել փոխարինման: «Բրեշիայի» ակադեմիայի սանն իր վրա ուշադրություն է գրավել 1996-97թթ, երբ 17 խաղում 2 գոլ է խփել ու փայլել Ա Սերիայի ուղեգիր նվաճած թիմում:

• Հաջորդ մրցաշրջանում բարձրագույն լիգայում իր առաջին գոլն է խփել «Վինչենցայի» դարպասը (4:0): Մրցաշրջանն ավարտել է 29 խաղում 4 գոլ խփելով:

«Ինտեր»/«Ռեջինա»

• 1998-99թթ․ մրցաշրջանում Միրչե Լուչեսկուն երիտասարդ Պիրլոյին «Ինտեր» է հրավիրել, բայց կիսապաշտպանի գործերը լավ չդասավորվեցին, իսկ «Ռեջինան» վերադարձրեց նրա խաղի կրակը:

• Մարչելո Լիպպիի «Ինտեր» վերադարձը ևս սպասված արդյունքը չի տվել ու 2001-ի հունվարին Պիրլոն վարձավճարի դիմաց վերադարձել է «Բրեշիա», որտեղ Կարլո Մացոնեն առաջին անգամ նրան դաշտի խորքում է օգտագործել: «Սկզբում թիմն ինձ մեղադրում էր այդ որոշման համար, բայց ես պնդեցի, որ բոլորը նրան գնդակ փոխանցեին»,- ավելի ուշ ասել է Մացոնեն:

«Միլան»

• Պիրլոյի համար «Միլանը» «Ինտերին» է տվել արգենտինացի ֆուտբոլիստ Անդրես Գուլյելմինպյերոյին: «Միլանի» կազմում իտալացին շարունակել է խաղալ դաշտի խորքից: Հենց Անչելոտտիի թիմում է Պիրլոն աստղ դարձել ու 2003 և 2007 թվականներին «ռոսոներիին» օգնել նվաճել Չեմպիոնների լիգան:

• 2005թ. «Միլանը» հասել է եվրագավաթի եզրափակիչ, որտեղ պարտվել է «Լիվերպուլին»: «Այդ խաղից հետո կարիերաս ավարտելու մասին էի մտածում, քանի որ այլևս որևէ միտք չունեի: Այդ եզրափակիչը հետապնդում էր ինձ անքնությամբ, զայրույթի ցնցումներով, դեպրեսիայով, դատարկության զգացումով: Նոր հիվանդություն էինք հնարել. «Ստամբուլյան սինդրոմ»»,-հիշում է Պիրլոն

• «Միլանի» կազմում Պիրլոն բոլոր մրցաշարերում 401 խաղ է անցկացրել, 2 սկուդետո նվաճել, ՈւԵՖԱ-ի 2 Սուպերգավաթ, Իտալիայի ու աշխարհի ակումբային առաջնության գավաթ: Անչելոտին տեղափոխվել է «Չելսի», իսկ Պիրլոն մերժել նրան հետևելու առաջարկը: 2010-11թթ․ մրցաշրջանից հետո բոլորը կարծում էին, թե իտալացու լավագույն տարիներն անցյալում էին:

«Յուվենտուս»

• Իտալիայի 2011-12թթ. առաջնության և ոչ մի հանդիպում բաց չի թողել, Անտոնիո Կոնտեի թիմին օգնել է ոսկին նվաճել, ֆուտբոլիստների վարկածով դարձել Ա Սերիայի լավագույն խաղացողը:

• Եվս երեք սկուդետո է նվաճել ու հասել Չեմպիոնների լիգայի 2015թ. եզրափակիչ, որտեղ զիջել է «Բարսելոնային»: Այդ տարվա ամռանը տեղափոխվել է «Նու-Յորք Սիթի»:

Իտալիայի հավաքական

• Իտալիայի ընտրանու հետ հաղթել է երիտասարդական Եվրո 2000-ում, չեխերի դեմ եզրափակչում 2 գոլ խփել: Պիրլոն երկրորդն է իտալական «երիտասարդական» ընտրանու պատմության լավագույն ռմբարկուների ցուցակում:

• Հավաքականի գլխավոր թիմում նորամուտը նշել է 2004-ին, երբ դեռ Ջովանի Տրապատոնին էր թիմը մարզում: Պիրլոն հավաքականում լավագույն տարիները Լիպպիի հետ է անցկացրել: 2006 թվականի Աշխարհի առաջնությունում Իտալիայի հավաքականում առաջին գոլն է խփել (Գանայի դարպասը) և 11-մետրանոց հարվածաշարում մասնակցություն ունեցել Ֆրանսիայի դեմ եզրափակչում, որի արդյունքում Իտալիան դարձել է աշխարհի չեմպիոն:

• ԱԱ-2006-ի լավագույն ֆուտբոլիստի վերջնական քվեարկության ժամանակ 3-րդ հորիզոնականում է հայտնվել՝ զիջելով Զինեդին Զիդանին ու Ֆաբիո Կանավարոյին:

• Իտալացիներին օգնել է հասնել Եվրո 2012-ի եզրափակիչ, որտեղ սակայն, պարտվել են Իսպանիային: Մրցաշարի 1/4 եզրափակչում՝ անգլիացիների դեմ հանդիպման հետխաղյա 11-մետրանոց հարվածաշարում, Պանենկայի ոճով գոլ է խփել Ջո Հարտի դարպասը:

• Բրազիլիայում կայացած Կոնֆեդերացիաների գավաթի 2013 թվականի խաղարկությունում իր 100-րդ հանդիպումն է անցկացրել հավաքականի կազմում ու այն նշել մեքսիկացիների դարպասին խփած գոլով: Հավաքականում կարիերան ավարտել է 2015 թվականին` իր անվան դիմաց 116 խաղ գրանցելով: Նրանից ավելի այդ ժամանակ հավաքականում խաղացել էին միայն Ֆաբիո Կանավարոն ու Պաոլո Մալդինին:

Ի՞նչ կարող էինք չիմանալ

Պիրլոն լրագրողների հետ շփվելիս հայտնի է դեմքի լուրջ արտահայտությամբ, բայց խաղընկերները նրան որպես կատակասեր ֆուտբոլիստի են բնութագրում: Գատուզոն մի անգամ ասել է. «Մի անգամ նա վերցրեց հեռախոսս ու իմ անունից նամակ ուղարկեց «Միլանի» տնօրեն Արյեդո Բրայդեին, իբրև թե պատրաստ եմ քրոջս նոր պայմանագրի դիմաց զիջել»:

Պիրլոն իսկական փորձագետ է գինեգործության ոլորտում: 2007-ին սեփական տնտեսություն է հիմնել հոր հարազատ գյուղում՝ Կոլերում: «Միշտ գինի եմ խմել, փոքր տարիքից, երբ մայրս ինձ համար այն խառնում էր ջրի հետ։ Ինձ դուր էր գալիս կարդալ գինու մասին, գլուխ հանել դրանից ու փորձել տարբեր շրջանների ու ապրանքանիշերի գինիները»,- ասում է արդեն նախկին ֆուտբոլիստը։

Բրեշիայում «Պիրլո» կոկտել են մատուցում: «New York Times»-ն այն անվանել է 2017-ի լավագույն խմիչքը:

Պիրլոն «Յուվեի» երկրորդ ֆուտբոլիստն է Ալեսանդրո Դել Պյերոյից հետո, ով «Սանտյագո Բերնաբեու» մազադաշտում հոտնկայս ծափահարությունների է արժանացել երկրպագուների կողմից: Դա տեղի է ունեցել 2015-ին, երբ «Ռեալի» դեմ պատասխան խաղում (1:1) կիսապաշտպանը փոխարինվել է հանդիպման ավարտից 11 րոպե առաջ: Խաղի արդյունքում թուրինցիները եզրափակչի ուղեգիր են նվաճել:

Պիրլոն մեկն է 11 ֆուտբոլիստներից, ովքեր կարիերայի ընթացքում հանդես են եկել «Յուվենտուսի», «Միլանի» ու «Ինտերի» կազմում: Այդ արդյունքով կարող են հպարտանալ նաև Լուիջի Չևենինին, Ջուզեպե Մեացան, Էնրիկո Կանդիանին, Ալդո Սերենան, Ռոբերտո Բաջոն, Էդգար Դավիդսը, Կրիստիան Վյերին, Պատրիկ Վիեյրան, Զլատան Իբրահիմովիչը և Լեոնարդո Բոնուչչին:

Նա ասում է

«Գլխով են ֆուտբոլ խաղում: Ձեր ոտքերն ուղղակի գործիք են»:

«Հաղթելու համար պետք է ուժեղ անհատականություն լինել: Եթե բնավորություն չունես, մրցակիցներդ հում-հում կուտեն քեզ»:

«Ես ոչ մի կաթիլ ճնշում չեմ զգում: 2006-ի հուլիսի 9-ին, ամբողջ օրը քնել ու «PlayStation» եմ խաղացել: Երոկոյան գնացել եմ աշխարհի առաջնությունը հաղթելու»:

Աղբյուրը` uefa.com

Լրահոս
«Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է ՀՖՖ-ն երկարաձգել է պայմանագիրը Հայաստանի հավաքականի գլխավոր մարզիչ Խոակին Կապարոսի հետ Ռոնալդուն կրկնել է ազգային հավաքականում խփած գնդակների համաշխարհային ռեկորդը 7 ֆուտբոլիստ հեռացել է Նոայից Հայտնի է՝ երբ Բարսելոնան կհայտարարի Մեսսիի հետ պայմանագրի երկարաձգման մասին Մեսսին ու ընկերները տոնեցին առաջին հաղթանակը Սերխիո Ռամոսը պաշտոնապես հեռանում է «Ռեալ»-ից «Արարատ-Արմենիան» նոր գլխավոր մարզիչ ունի Եվրո-2020. ինչ հանդիպումներ կան Ռոջեր Ֆեդերերը լքել է Roland Garros-ի մրցաշարը՝ հրաժարվելով շարունակել պայքարը Հայ ըմբիշները 7 մեդալ են նվաճել Խարկովում Շվեդիա-Հայաստան․ մեր ընտրանու մեկնարկային կազմը «Վան»-ի 15 ֆուտբոլիստ հեռացել է ակումբից Ռոման շարունակում է դարպասապահի փնտրտուքները
website by Sargssyan