USD
EUR
RUB

5 հնարավոր տարբերակ Բեյլի կարիերան փրկելու համար

 

Գարեթ Բեյլի կարիերան մի կողմից հաճելի երազ է, մյուս կողմից՝ մղձավանջ: «Ռեալի» մարզահագուստն առաջին անգամ կրելիս նա թիմի ապագան էր համարվում, Ռոնալդուին փոխարինողը․․․ Հիմա Ռոնալդուն 32 տարեկան է և շարունակում է խաղալ հիմնական կազմում, իսկ ուելսցին ավելի շատ ժամանակ է ծախսում վնասվածքներից ապաքինվելու վրա, քան խաղադաշտում։ Պարբերական վնասվածքների պատճառով նա նախ մոռացավ (գուցե ժամանակավորապես) «Ոսկե գնդակի» մասին, իսկ հիմա արդիական է «Ռեալից» հեռանալու հարցը։

Իսպանական լրատվամիջոցները վստահեցնում են, որ մադրիդյան ակումբի նախագահ Ֆլորենտինո Պերեսն այլևս ուշադրություն չի դարձնում ուելսեցու տրանսֆերի մարքեթինգային շահին և մտադիր է հրաժեշտ տալ նրան։ Առողջական խնդիրները, բարձր աշխատավարձը և շրջանառվող լուրերը հաշվի առնելով՝ պետք է ենթադրել, որ ընդամենը մի քանի ակումբ կարող է իրեն նման տրանսֆեր թույլ տալ:

«Մանչեսթեր Յունայթեդ»

Ժոզե Մոուրինյուն առաջինն է, ով պատրաստ է իր թիմում տեղ տալ Բեյլին: «Մանչեսթեր Յունայթեդը» դեռևս Ալեքս Ֆերգյուսոնի ժամանակ էր ցանկանում գնել ուելսցուն, բայց «Տոտենհեմի» նախագահ Դանիել Լևին հրաժարվել էր մրցակցին զիջել խոստումնալից երիտասարդին: Հիմա իրավիճակն այլ է․ Գարեթն այլևս ի վիճակի չէ ուղիղ կերպով ազդել չեմպիոնական մրցավազքի վրա, իսկ տրանսֆերի գինը համեմատաբար խելամիտ կլինի:

Մոուրինյուն պարբերաբար մարտավարական փակուղու առաջ է կանգնում․ Ռաշֆորդին ու Լուկակուին Մարսիալից բացի լիարժեք փոխարինող չկա: 4-2-3-1 դասավորության ժամանակ աջ եզրում ամեն ինչ կախված է Անտոնիո Վալենսիայից: Բեյլի տեղափոխության դեպքում «Մանչեսթեր Յունայթեդը» կկարողանա երեք հարձակվողով դաշտ դուրս գալ: Բեյլն ինքն էլ դեմ չէ «Օլդ Թրաֆորդ» տեղափոխվել: «Don Balon»-ը վստահեցնում է, որ Գարեթն իր այդ մտադրության մասին տեղեկացրել է մադրիդյան ակումբում մտերիմ ընկեր Լուկա Մոդրիչին։

«Չելսի»

Առաջին տարին չէ, որ «Ռեալը» աչքի առաջ է պահում «Չելսիի» առաջատար Էդեն Ազարին: Ֆլորենտինո Պերեսը կարող է կլորիկ գումար տրամադրել բելգիացու տրանսֆերի համար, բայց Ռոման Աբրամովիչը նրանցից չէ, ում կարելի է զարմացնել զրոների քանակով: Հաշվի առնելով, որ Ազարին լիարժեք փոխարինել հնարավոր չէ, նրան որևէ մեկը վաճառել մտադիր չէ: Այլ բան է, որ Ազարը պարբերաբար ակնարկում է՝ դեմ չէ «Սանտյագո Բեռնաբեուում» խաղալ․․․ Այնպես որ՝ «Չելսին» գուցե ստիպված լինի զիջել: Ազարի ու Բեյլի փոխանակումը կարող է ձեռնտու լինել երկու կողմին էլ: «Ռեալը» կպահպանի տրանսֆերի համար նախատեսած գումարի մի մասը, Կոնտեն հիանալի ֆուտբոլիստի ձեռք կբերի: Բարդ է միայն գտնել այնպիսի շամանի, ով Գարեթին ոտքի կկանգնեցնի:

«Տոտենհեմ»

Այստեղ էլ իրավիճակը գրեթե նույնն է: «Ռեալի» ուշադրության կենտրոնում են Հարի Քեյնը և Դելե Ալին: Քեյնն ասես Պերեսի երազանքը լինի, բայց բոլոր կողմերի համաձայնության դեպքում նախագահը ստիպված կլինի մեծ գումար վճարել: «Տոտենհեմը» 200 միլիոն եվրոյից պակաս մտադիր չէ գնահատել իր առաջատարին: Գինը նվազեցնելու համար «Ռեալը» պատրաստ է Բենզեմային ու Բեյլին Լոնդոն ճանապարհել: Սակայն պետք է ընդգծել, որ «Տոտենհեմը» միայն ամռանն է պատրաստ տրանսֆերների մասին մտածել, իսկ, օրինակ, «Մանչեսթեր Յունայթեդը» դեմ չէ արդեն ձմռանը վճարել Բեյլի համար:

«Պարի Սեն Ժերմեն»

Նեյմարի տեղափոխությունից առաջ «Պարի Սեն Ժերմենը» դիտարկում էր Բեյլի տրանսֆերը և պատրաստ էր 175 մլն եվրո տրամադրել: Սակայն շեյխ Մանսուրը Մադրիդից հայացքն ուղղեց Բարսելոնայի կողմը: Հիմա, երբ Նեյմարի փարիզյան արկածները գնալով համալրվում են «Ռեալ» տեղափոխության մասին խոսակցություններով, ՊՍԺ-ն գուցե վերադառնա նախկին ծրագրերին: Իհարկե, ֆրանսիական ակումբը դժվար թե ցանկանա հրաժարվել իր գլխավոր աստղից, բայց Բեյլին գնելու տարբերակը բացառել պետք չէ:

«Միլան»

Քանի դեռ ՊՍԺ-ն հարստանում է արաբական նավթի դոլարներից, Միլանում աճում են չինական ներդրումները: Ամռանը տրանսֆերների համար 200 մլն եվրո ծախսելուց հետո «Միլանի» նոր սեփականատերերը մտադիր չեն կանգ առնել: Իտալական որոշ լրատվամիջոցներ վստահեցնում են, որ «Միլանի» հաջորդ նպատակը Գարեթ Բեյլն է: Չինացի սեփականատերերը կարծում են, որ Չեմպիոնների լիգայի համար միայն աստղային Բոնուչին և տաղանդավոր Դոնարուման բավական չեն: Բայց այստեղ մեկ կարևոր խնդիր կա՝ դեռ պետք է հասնել Չեմպիոնների լիգային․․․

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan