Հայտնի են Հայաստանի լավագույն ֆուտբոլիստի թեկնածուները

Հայաստանի ֆուտբոլի ֆեդերացիան հայտարարել է Հայաստանի «Տարվա լավագույն ֆուտբոլիստի» քվեարկության սկիզբը:

Նախորդ տարիների համեմատ քվեարկության ընթացակարգում կատարվել են որոշակի փոփոխություններ: Մասնավորապես այս տարի լավագույն խաղացողին ընտրելու են միայն լրագրողները և ակումբների ներկայացուցիչները:

Նախկինում մասնակցում էին նաև ՀՖՖ-ի գործոմի անդամները, որոնց ներկայացրած տարբերակները բազմաթիվ դժգոհություններ էին առաջացրել: Մասնավորապես «Տարվա մարզչի» անվանակարգում Աբրահամ Խաշմանյանը երկու տարի անընդմեջ լրագրողների կողմից հսկայական առավելությամբ լավագույնն է եղել, սակայն ՀՖՖ գործկոմի ներկայացուցիչների տարօրինակ ընտրության պատճառով առաջին տեղը չի զբաղեցրել:

Լավագույն ֆուտբոլիստի կոչմանը հավակնելու է 75 թեկնածու: Այդ խաղացողներից 25-ը ներկայացնում են Հայաստանի ազգային հավաքականը, 24-ը` Երիտասարդական ընտրանին, իսկ 25-ը` Բարձրագույն խմբի ակումբները: Հինգ թիմեր` «Ալաշկերտը», «Գանձասար-Կապանը», «Բանանցը», «Շիրակը» և «Փյունիկն» իրենց կողմից առաջադրել են 5-ական թեկնածու:

«Արարատը» ոչ մի ֆուտբոլիստ չի առաջադրել, որովհետև կարծում է, որ նրա կազմում ոչ ոք արժանի չէ այդ կոչմանը:

Լավագույն ֆուտբոլիստի թեկնածուների ցանկին կարող եք ծանոթանալ այստեղ: Մրցույթի կանոնակարգը կարող եք կարդել հետևյալ հղումով:

Հիշեցնենք, որ վերջին 6 տարիներին լավագույնն է ճանաչվել Հենրիխ Մխիթարյանը: