USD
EUR
RUB

Պաշտպան-հարձակվողը, ով դարձավ Ռոբերտո Կարլոսի արժանի հետնորդը

 

«Նա մարգարիտ էր, որին Եվրոպայի կեսը ցանկանում էր»,-ասել է «Ռեալի» նախկին նախագահ Ռոման Կալդերոնը: Այդպես էլ կա. «Ռեալը» մինչև այսօր երախտապարտ է ճակատագրին, որ ժամանակին կարողացել է երիտասարդ բրազիլացուն իր թևի տակ առնել:

Մարսելոյի տաղանդն ակնհայտ էր, ու «Ֆլումինենսեի» կազմում 30 հանդիպումից հետո երիտասարդի համար պայքար սկսեցին եվրոպական մի շարք ակումբներ: «Սևիլյան» մոտ էր հաղթանակին, բայց ինչ-որ մեկը Մարսելոյի ականջին շշնջաց «Ռեալի» հետաքրքրվածության մասին: Դրանից հետո նա որևէ այլ ակումբի մասին անգամ մտածել չէր կարող:

Առաջին բարդությունները

«Ռեալում» երիտասարդ ֆուտբոլիստները հազվադեպ են հնարավորություն ունենում մեկնարկային կազմում հայտնվելու, հատկապես, եթե նրանց դիրքում խաղում է, օրինակ, Ռոբերտո Կարլոսը:

Հենց այդ պատճառով մադրիդցիները ցանկանում էին, որ Մարսելոն նախ «Կաստիլյայում» խաղար։ Բայց Ֆաբիո Կապելոն, ով այդ ժամանակ թիմի մարզիչն էր, այլ կարծիքի էր: Նա ցանկանում էր, որ վունդերկինդին թույլ տային մարզվել մեծահասակների թիմում: Թեև հանրահայտ մարզադաշտում խաղալու հնարավորություն Մարսելոն չուներ, բայց չհանձնվեց:

Ի բախտավորություն բրազիլացու, նոր մարզիչ Բերնդտ Շուստերը չվախեցավ երիտասարդներին հնարավորություն տալ։ 2007-08թթ. Մարսելոն արդեն պարբերաբար խաղում էր մեկնարկային կազմում: Սակայն գերմանացուն փոխարինելու եկած Խուանդե Ռամոսը Մարսելոյին կիսապաշտպանությունում էր տեսնում: Պաշտպանությունում նա ավելի շատ Գաբրիել Հայնցեին էր վստահում: Մարսելոն չվախեցավ. նա տեխնիկա ուներ ու նոր դերը բարձր գլխով ստանձնեց, պահպանեց այն անգամ Մանուել Պելեգրինիի ժամանակ:

Երկար սպասված առաջընթաց

2010 թվականին ամեն ինչ վերջնականապես փոխվեց: «Սանտյագո Բեռնաբեու» մարզադաշտում ֆուտբոլիստներին հրահանգներ սկսեց տալ Ժոզե Մոուրինյուն: Պորտուգալացին Մարսելոյին վերադարձրեց ձախ պաշտպանի դիրք ու փոխեց մարտավարությունը՝ 4-2-3-1:

Փոփոխությունների արդյունքում թիմը 105 գոլ խփեց ու նվաճեց Իսպանիայի գավաթը: Մարսելոն լավն էր, ինչպես երբևէ ու մեծ ուշադրություն էր գրավում: Նա հավասարաչափ ուժեղ էր թե՛ պաշտպանությունում, թե՛ հարձակման գծում։ Մրցակիցները պետք է ոչ միայն Կրիշտիանու Ռոնալդուի հետ պայքարեին, այլ նաև Մարսելոյի: Մարսելոն այնպես էր խաղում, որ Ռոնալդուն դադարեց զուտ եզրային խաղացողը համարվել և աստիճանաբար սկսեց ավելի շատ կենտրոնում խաղալ։

Մոուրինյուի ղեկավարությամբ երկրորդ մրցաշրջանում «Ռեալը» դարձավ Իսպանիայի չեմպիոն, Մարսելոն 4 գոլ խփեց ու արդյունավետ 9 փոխանցում կատարեց:

Ամենասկզբից Մարսելոյին Կարլոսի հետնորդ էին անվանում: 5 տարի անց պարզ դարձավ, որ դա այն քիչ դեպքերից մեկն էր, երբ նման համեմատությունը հիմքեր ուներ: Մարսելոն արագ էր, տեխնիկապես հարուստ ու միշտ վտանգավոր: Անգամ Ֆաբիո Կուենտրաուի հայտնվելուց հետո նա չթուլացավ ու պահպանեց հիմնական կազմի ֆուտբոլիստի կարգավիճակը:

Մրցակցությունը Կուենտրաուի հետ

«Ռեալում» Կուենտրաուն 5 տարի խաղաց: Նա լավ պաշտպան է, բայց չունի այն կրակը, որ Մարսելոյի մեջ է: «Ռեալում» բավարար չէ միայն «լավ պաշտպան» լինելը, ու 18 տարեկանում Մադրիդ տեղափոխված Մարսելոն դա գիտեր, ինչպես ոչ ոք: Գուցե Կուենտրաուն լավագույն պաշտպանն էր, բայց մի՞թե ուներ նույնքան հատկանիշներ: Ոչ: Իր դիրքում Մարսելոն բազմաֆունկցիոնալ էր:

Մարսելոն, իհարկե, իդեալական չէ: Որևէ ֆուտբոլիստ կարիերայի ընթացքում քննադատությունից չի խուսափել: Մարսելոյի հետ ևս պատահել է: Վառ, կրքոտ ֆուտբոլիստը երբեմն բավարար չափով ուշադրություն չի դարձրել պաշտպանությանը: Նա միշտ չէ, որ ժամանակին է վերադարձել սեփական դարպասի մոտ, միշտ չէ, որ կարողացել է զսպել իրեն դաշտում:

Բրազիլացի պաշտպանների մասին այս խոսքերը հաճախ կարելի է լսել։ Դավիդ Լուիսից մինչև Դանի Ալվես․ նրանք հիանալի հարձակվում են, բայց երբեմն չափից ավելի են տարվում ու մոռանում իրենց հիմնական պարտականությունների մասին:

Մարսելոն ևս այդպիսին է: Սակայն ժամանակները փոխվում են, և այժմ մարզիչներն այլևս մաքուր պաշտպան չեն փնտրում։ Նրանց պետք է մեկը, ով մրցակցի տուգանայինում օգտակար է այնքան, որքան սեփական դարպասի մոտ: «Հարձակումը պաշտպանության լավագույն ձևն է», սա վերաբերում է նաև ֆուտբոլին: Ժամանակակից ֆուտբոլում գրոհը շատ հաճախ հենց պաշտպանությունից է սկսվում: 

Մեծ պահերի մարդը

2013-ին մադրիդյան թիմը գլխավորեց Կարլո Անչելոտին ու իր հետ 4-3-3 ձևաչափը բերեց: Եզրային պաշտպանի դերը հարձակման գծում մեծացավ: Կուենտրաուն և Մարսելոն հերթափոխով էին խաղում, բայց Չեմպիոնների լիգայի եզրափակչում հենց բրազիլացին դարձավ լավագույններից մեկը:

Կուենտրաուին երկրորդ խաղակեսում փոխարինելով՝ Մարսելոն Ռոնալդուին թույլ տվեց կենտրոն տեղափոխվել: Իրեն ենթարկեց եզրը, խփեց երրորդ գոլն ու հերոսացավ:

Ինչ-որ բան փոխվում է, երբ Մարսելոն դաշտում է: Թիմից սպասելիքները ևս ուրիշ են դառնում: Նա արդյունք է տալիս, լինի դա «Բավարիայի» դեմ խաղը Չեմպիոնների լիգայի 1/4 եզրափակչում, թե Լա լիգայում «Վալենսիայի» դեմ առանցքային հանդիպումը: Մարսելոն անձնավորում է «Ռեալը», ինչպես Զիդանն է կարծում:

Քամբեքի վարպետներից

Զինեդին Զիդանի «Ռեալը» բազմիցս դրամատիկ գոլերով ու հաղթանակերով է աչքի ընկել: Գրեթե միշտ այդ հաղթանակները կերտողներից մեկը Մարսելոն է եղել: Բրազիլացին չի հանձնվում ու առաջ գնալու կարողությամբ հիացնում է երկրպագուներին: «Ռեալի» պես ակումբի յուրաքանչյուր ֆուտբոլիստ պետք է այդպիսին լինի:

Մարսելոն հիմա փոխավագ է: Նա ավելի քան 10 տարի ակումբում է, ու «Ռեալը» հարազատ է նրան: Իր գիտելիքները Մարսելոն փոխանցում է մյուսներին: Խթանում է երիտասարդներին, հանգստացնում Ռամոսին, Ռոնալդուի հետ ուժեղագույն դուետի մի մասն է: Թվում է՝ նա հենց Ռոբերտո Կարլոսի մակարդակին է․․․

«Ռեալի» համար շատ շահավետ էր Մարսելոյին գտնել հենց այն ժամանակ, երբ Կարլոսը պատրաստվում էր հեռանալ: Մնում է հուսալ, որ բրազիլացուն էլ փոխարինող կգտնվի: Հիմա նա դեռևս անփոխարինելի է: 

Լրահոս
Բենզեման կհեռանա Ռեալից, եթե ակումբը գնի Մբապպեին Լոռին տանը նվազագույն հաշվով հաղթեց Արարատին ՄՕԿ-ը մտահոգ է ծանրամարտի ֆեդերացիայում տեղի ունեցած զարգացումներով Ռամոսն ու Ռեալը չեն կարողանում համաձայնության գալ 200 հազար դրամ՝ հիմնադրամներին․ Կայացավ գրոսմայստեր Մարիա Գևորգյանի բարեգործական մրցաշարը Հավաքականի 3 ֆուտբոլիստ Whoscored-ի վարկածով` ԱL-ի C դիվիզիոնի 2-րդ խմբի` տուրի խորհրդանշական հավաքականում Altibox Norway Chess. Արոնյանը հաղթեց 9-րդ տուրում, Կարլսենը՝ մրցաշարի հաղթող Սոլոմոն Ուդոն նշեց նորամուտը Հայաստանի հավաքականում Ազարը չի խաղա Բարսելոնայի դեմ Դենիս Ջորկաեֆը կոչով դիմել է Էմանուել Մակրոնին (տեսանյութ) Հայտնի է Էստոնիա-Հայաստան խաղը սպասարկող մրցավարական անձնակազմը Ըմբշամարտ. Աշխարհի առաջնությունը կկայանա Բելգրադում Հայերի հզոր երթը. Մխիթարյանը՝ Լոս Անջելեսի բողոքի ցույցերի մասին Հայաստանի համար. Ալաշկերտի չեռնոգորացի դարպասապահի գրառումը՝ Ադրբեջանին հաղթելուց հետո Արցախում արիաբար զոհվել է Նաիրի բասկետբոլի թիմի սան Աշոտ Խաչատրյանը Բաչկով․ Ձեր կողքին ենք, զինվոր եղբայրներ Նշան Մունչյան․ Բոլորս պետք է համախմբված լինենք՝ որպես մի բռունցք, մի սիրտ, մի հավատ Հայաստանի հավաքականը ժամանեց Լեհաստան (լուսանկարներ) Մարզիկ Էրիկ Օհանյանը վիրավորվել է առաջնագծում Norway Chess. Արոնյանը պարտվեց 4-րդ տուրում Հովհաննես Բաչկովն այսօր կանցկացնի իր առաջին մենամարտը պրոֆեսիոնալ ռինգում Մալանգ Սարրը կարիերան կշարունակի Պորտուի կազմում ՈՒԵՖԱ-ն փոխել է Հայաստան-Վրաստան հանդիպման անցկացման վայրը Մխիթարյանը շնորհակալություն է հայտնել Ռոնդա Ռոուզիին Արցախին աջակցելու համար Ադրբեջանի ագրեսիայի հետևանքով զոհվել է բասկետբոլի պատանեկան հավաքականի նախկին անդամը Պաշտոնական. Հայաստան-Ալբանիա խաղը չեղարկվել է Ալեկո Էսկանդարյան. Թույլ մի տվեք ձեզ շեղվել այն փաստից, որ Թուրքիան/Ադրբեջանը անմեղ հայերի են սպանում Արցախում Ադամյանն ու Օզբիլիսը իրենց աջակցությունն են հայտնել հայ զինվորներին Մխիթարյանի մտքերն Արցախում են. Ռոման աջակցում է հայ ֆուտբոլիստին ու պատրաստ է հանգիստ տալ Բունդեսլիգա․Այնտրախտը արտագնա խաղում հաղթեց Հերտային. ՏԵՍԱՆՅՈՒԹ Զիդան. Մենք հրաշալի կազմ ունենք Լիգա 1․ Լիլը հաղթանակ տարավ և գլխավորեց մրցաշարային աղյուսակը Էդգար Բաբայանը խփել է հաղթական գնդակն ու հեռացվել խաղադաշտից ԵԼ․ Արարատ-Արմենիան դժվարին պայքարում հաղթեց Ցելյեին ու դուրս եկավ որակավորման փլեյ-օֆֆ (տեսանյութ) Սուարեսը հաջող բուժզննում անցավ ու պայմանագիր ստորագրեց Ֆարերյան թիմը ջախջախեց Թբիլիսիի Դինամոյին, Միլանն ու Տոտենհեմը շարունակում են պայքարը․ ԵԼ-ի 3-րդ որակավորման փուլի ամփոփում Բեյլը՝ Ռեալից հեռանալու մասին. Ոչ մի բանի համար չեմ զղջում Դրաքսլերը հրաժարվել է տեղափոխվել Լիդս Պյանիչ. Բավարիայից կրած 2-8 հաշվով պարտությունն ուղղակի պատահականություն էր Բավարիան լրացուցիչ ժամանակում հաղթեց Սևիլիային ու նվաճեց ՈՒԵՖԱ-ի սուպերգավաթը (տեսանյութ)
website by Sargssyan