USD
EUR
RUB

«Բարձրացա սեղանի վրա ու սկսեցի պարել». Աշխարհի չեմպիոն դարձած հայ ֆուտբոլիստը

 

Յուրի Ջորկաեֆի մասին պատմության առաջին մասը ներկայացված է այս հղմամբ։

«1998 թվականի Աշխարհի առաջնությունից առաջ ես, Յուրին ու Մարսել Դեսային Ֆրանսիայի ֆուտբոլի ֆեդերացիայի հետ բանակցում էինք պարգևավճարների հարցի շուրջ։ Այդ ժամանակ երևաց Ջորկաեֆի հայ լինելը: Նա պարտադրեց մեր պահանջները և կտրականապես հրաժարվեց զիջումների գնալ»,- պատմել է Դիդյե Դեշամը։

Մունդիալում Յուրին 4 գոլային փոխանցում կատարեց՝ մասնավորապես կիսաեզրափակչում ու եզրափակչում, և 11-մետրանոց հարվածով գրավեց Դանիայի դարպասը: Իսկ ահա Իտալիայի դեմ հետխաղյա 11-մետրանոց հարվածաշարի ժամանակ նախընտրեց չմոտենալ նշակետին, քանի որ կարծում էր՝ ռիկսային է հարվածել, երբ դարպասում Ջանլուկա Պալյուկան է կանգնած: Նրանք «Ինտերում» համատեղ երկու տարի էին անցկացրել․ և իտալացին շատ լավ էր հետազոտել Ջորկաեֆի հարվածները:

«Տնային Աշխարհի առաջնությունից առաջ հասկացա, որ հարկավոր է հանուն թիմի զսպել եսասիրությունը։ Չէի ցանկանում 6 գոլ խփել ու խմբային փուլից հետո տուն մեկնել, ինչպես դա Մունդիալ-94-ում արեց Օլեգ Սալենկոն: Ես ցույց տվեցի, որ խաղադաշտ եմ դուրս գալիս ոչ միայն գոլ խփելու համար»,- ինքնակենսագրական գրքում ընդգծել է Ջորկաեֆը:

Յուրին Աշխարհի առաջնության եզրափակչում չխփեց հաղթական գոլը, ինչպես երազում էր 10 տարեկանում, բայց իր փոխանցումով օգնեց դա անել Զիդանին, և դարձավ մրցաշարի ամենաշատ գոլային փոխանցում կատարողը:

«1998 թվականին հայրս պետք է Հայաստանի հավաքականը գլխավորեր: Նրան հրավիրում էր ֆուտբոլի ֆեդերացիայի նախագահը, սակայն անհասկանալի քաղաքական պատճառներով պայմանագիր այդպես էլ չկնքեցին: Հաջորդ տարի Ֆրանսիան ու Հայաստանը հանդիպեցին «Ստադ դը Ֆրանսում»` Եվրո-2000-ի ընտրական փուլի շրջանակում: Առաջին, պատվավոր հարվածը կատարեց Շարլ Ազնավուրը: Հայաստանի դարպասապահ Ռոման Բերեզովսկին հրաշքներ էր ցուցադրում, բայց Ֆրանսիան հաղթեց 2:0 հաշվով: Երկրորդ գոլը կազմակերպեցինք ես ու Ալեն Բոգոսյանը: Ալենը 17 տարեկանում կորցրել է հորը և Հայաստանի հետ կապն այդքան ուժեղ չէր զգում, ինչպես ես (Բոգոսյանի մայրը արգենտինուհի է): Բայց ես նրան համոզեցի, որ չմոռանա իր արմատները: Մոռանալ նշանակում է դավաճանել»,- ինքնակենսագրական գրքում գրել է Ջորկաեֆը:

1999 թվականի աշնանը Երևանում նախանշված հանդիպումից առաջ Ջորեկաեֆն իր թիմակիցներին համոզեց 100-ական դոլար նվիրաբերել, այնուհետև ընդհանուր գումարը կրկնապատկեց ֆեդերացիայի նախագահ Կլոդ Սիմոնեն: Յուրին այդ գումարը նվիրաբերեց երևանյան դպրոցներից մեկի վերանորոգման համար: Ֆրանսիան հաղթեց 3:2 հաշվով, իսկ Ջորկաեֆը խփեց առաջին գոլը: Հետո նա թիմին ճանապարհեց մինչև օդանավակայան, ապա ևս 2 օր մնաց ազգականների ու ընկերների շրջապատում: Իր գրքում նա հիշում է.

«Մենք մոտ 20 հոգով քայլում էինք փողոցներով ու ամբողջ կոկորդով գոռում, իսկ հետո բոլորով սեղանի շուրջ նստեցինք: Որոշ հյուրեր հանեցին ատրճանակները և սկսեցին օդ կրակել: Քեֆի գագաթնակետի պահին հանեցի շապիկս, բարձրացա սեղանի վրա ու սկսեցի պարել: Այո, այդպիսին է իսկական Յուրին»:

Հաջորդ օրը նախագահ Ռոբերտ Քոչարյանի կողմից Ջորկաեֆը ստացավ Հայաստանի անձնագիր, իսկ վարչապետ Վազգեն Սարգսյանի հետ հաճախեց Մայր Աթոռ Սուրբ Էջմիածին եկեղեցի:

Յուրի Ջորկաեֆն ու Հենրիխ Մխիթարյանը

Այդ ժամանակ նա արդեն ելույթ էր ունենում գերմանական «Կայզերսլաուտերնի» կազմում: «Ինտերում» ամեն ինչ հիանալի էր, բացի այն, որ թիմը չէր կարողանում չեմպիոն դառնալ: Մորատին այդ խնդիրը լուծելու համար լավագույն մարզչին հրավիրեց` Մարչելո Լիպպիին, ով Յուրիին անկեղծորեն ասաց, որ նրա հետ հույսեր չի կապում: Այդ ժամանակ կիսապաշտպանը մեկնեց գերմանացի մարզիչ Օտտո Ռեհագելի մոտ, ում գլխավորած «Վերդերին» պարտվել էր 1992 թվականի Գավաթակիրների գավաթի եզրափակչում:

«Ահա իմ հեռախոսահամարը: Ցանկացած խնդրի դեպքում, օրվա ցանկացած ժամի զանգահարիր ինձ»,- ասաց գերմանացին «Ֆրից Վալտեր» մարզադաշտում պայմանագիր կնքելու ժամանակ: «Իսկ այժմ գնանք խաղադաշտի մոտ, այնտեղ մի քանի մարդ ցանկանում է ողջունել քեզ»: Խոտածածկին մոտենալիս Յուրին անակնկալի եկավ. մարզադաշտում հավաքված էր 30 հազար երկրպագու…

Ջորկաեֆը հաջող անցկացրեց առաջին գերմանական մրցաշրջանը` Բունդեսլիգայում և ՈւԵՖԱ-ի գավաթում խփելով 13 գոլ՝ չնայած գարնանն աջ ազդրի վնասվածքի պատճառով բաց թողեց երկու ամիս: Այնուհետև, 2000 թվականի աշնանը Ռեհագելին փոխարինեց Անդրեաս Բրեմեն, ով Մունդիալ-1990-ի եզրափակչում հաղթական գոլն էր խփել: Բրեմեն Ջորկաեֆին «փակեց» պահեստայինների նստարանում, իսկ հետո ընդհանրապես հեռացրեց մարզումներից:

«Նրա կարծիքով թիմում կարող էր միայն մեկ աշխարհի չեմպիոն լինել: Նա նախանձում էր իմ հաջողություններին: Օգտվելով առիթից, որ ես գերմաներեն չէի խոսում՝ նա մյուս ֆուտբոլիստների մոտ ծաղրում էր ինձ»,- վստահ էր Յուրին: Ջորկաեֆը կես տարի տրանսֆեր էր պահանջում: Վերջապես, ակումբի նախագահ Յուրգեն Ֆրիդրիխը նրան առաջարկեց. «Օգնիր մեր քաղաքին ընդունել 2006 թվականի Աշխարհի առաջնությունը, և ես բաց կթողնեմ քեզ»: Յուրին նկարահանվեց Կայզերսլաուտերն քաղաքի գովազդային հոլովակում, պայմանավորվեց «Բոլթոնի» մարզիչ Սեմ Էլարդայսի հետ, սակայն Ֆրիդրիխը չորսամսյա վարձակալության համար 33-ամյա ֆուտբոլիստի դիմաց կես միլիոն եվրո պահանջեց: Տեղափոխությունը խափանվեց, իսկ Ջորակեֆը սպառնաց, որ լրագրողներին կպատմի մարզիչ Բրեմեի ռասիստական խոսքերի և ակումբի «մութ» գործերի մասին, եթե նրան բաց չթողնեն «Բոլթոն»:

- Դու դաստիարակված մարդ ես Յուրի, նման բան չես անի:

- Ինձ լավ չեք ճանաչում:

Ջորակեֆին բաց թողեցին և նա ավտոմեքենայով գնաց Լիոն, որպեսզի այնտեղից մեկնի Մանչեսթեր (այդտեղ է գտնվում Բոլթոնին ամենամոտ օդանավակայանը): Ճանապարհին հեռախոսազանգ ստացավ: Փաստաբանն էր:

- Որտե՞ղ ես:

- Ֆրանսիայի սահմանից 20 կիլոմետր հեռու:

- Շուտ փախչիր: Այսօր առավոտյան քո բնակարան ոստիկաններ են եկել, նրանք քեզ ձերբակալելու հրաման ունեն:

- Բայց այնտեղ են մնացել Սոֆին ու երեխաները:

- Նրանց ոչինչ չի սպառնում: Հրամանը միայն քո անունով է:

Պարզվեց 2001 թվականի ամռանը Յուրին ուրիշի մեքենայի «բամպերին» էր բախվել, վարորդին տվել իր ապահովագրական ընկերության հեռախոսահամարը և արձակուրդի մեկնել: Նա այդպես էլ չէր տեսել նամակը, որով նրան պարտադրում էին 5 օրվա ընթացքում ոստիկանություն ներկայանալ: Անգլիա տեղափոխվելուց հետո Յուրին գերմանական ոստիկանությանը փաստաթղթերով ապացուցեց, որ լքել է երկիրը և չէր կարող ստանալ նամակը: Նրան այլևս չանհանգստացրեցին: 2002 թվականի նոյեմբերին Բրեմեն «Կայզերսլաուտերնին» իջեցրեց մինչև 16-րդ հորիզոնականը և լքեց ակումբը, իսկ նոյեմբերին հաշվապահական խախտումների համար պաշտոնանկ արվեց նաև Ֆրիդրիխը: Մեկ տարի անց նրան ձերբակալեցին` մեղադրելով հարկերից խուսափելու մեջ:

Միաժամանակ Ջորակեֆը «Բոլթոնին» օգնեց մնալ Պրեմիեր լիգայում, դարձավ թիմի ավագը, իսկ 2003 թվականի դեկտեմբերին նրա գոլային փոխանցումը Բրյունո Նգոտիին, սենսացիոն հաղթանակ պարգևեց Աբրամովիչի դարաշրջանի առաջին տարվա «Չելսիի» նկատմամբ: Դրանից մեկ օր առաջ սաստիկ անձրև էր եկել, և Էլարդայսը որոշել էր մարզումի փոխարեն թիմում բիլիարդի մրցաշար անցկացնել: 2004 թվականին կիսապաշտպանը «Բոլթոնի» հետ դուրս եկավ Լիգայի գավաթի եզրափակիչ և կիսեց Անգլիայի Պրեմիեր լիգայում ակումբի լավագույն ռմբարկուի կոչումը, սակայն ամռանը նոր պայմանագրի շուրջ բանակցությունների ժամանակ Էլարդայսն ասաց. «Կներես, մենք ավելի քիչ գումար ունենք, քան սպասվում էր»:

«Բոլթոնից» հետո «Բլեքբեռնում» կարճ ժամանակահատվածից հետո Յուրին կարիերայի վերջին տարիներն անցկացնելու համար մեկնեց Նյու Յորք, ինչպես երազում էր 10 տարեկանում: Նա հանգրվանեց հարավային Մանհեթենում, Գրամերսի այգու մոտ, որտեղ ծառերի ու ծաղիկների մոտ կանգնած է լեգենդար ամերիկացի դերասան Էդվին Բուտի արձանը: Էդվինը հարկադրված լքել էր թատրոնը, երբ նրա փոքր եղբայրը սպանել էր ԱՄՆ-ի նախագահ Աբրահամ Լինկոլնին, սակայն հետո վերադարձել էր ու խաղացել իր կյանքի լավագույն դերը` Համլետը: Յուրիի շրջապատում նոր ընկերներ հայտնվեցին. դերասանուհի Ջուլիա Ռոբերտսը, ֆրանսիացի նավաստիներ, «Rolling Stones» խմբի կիթառահար Ռոն Վուդը… Վերջինս համերգներից մեկից հետո կիսապաշտպանին հրավիրեց ռեստորան:

«Մետրոստարս» թիմում (որը հետագայում անվանափոխվեց և դարձավ «Նյու Յորք Ռեդ Բուլս») անցկացրած 1,5 տարվա ընթացքում Ջորակեֆը 13 գոլ խփեց և 2006 թվականի աշնանն ավարտեց կարիերան:

11 տարի անց` 2017 թվականի սեպտեմբերին նրա որդին, «Նանտի» կիսապաշտպան Օհան Ջորկաեֆը սկսեց մարզվել Հայաստանի երիտասարդական հավաքականի կազմում:


Աղբյուրը` sports.ru

Լրահոս
Մխիթարյանի գոլն ու նրա փոխանցումից հետո Վերետուի դիպուկ հարվածը հաղթանակ բերեցին Ռոմային Պարմայի դեմ խաղում (տեսանյութեր) Ռեալը վերջին 4 տարիներին գրեթե 250 մլն եվրո է աշխատել ակադեմիայի սաների վաճառքից Մխիթարյանը մեծ ֆուտբոլիստ է, պետք է սովորենք նրանից․ Վերետու Ջոկովիչ․ Չգիտեմ՝ կխաղամ US Open-ը, թե ոչ Լայպցիգը պատրաստ չէ 25 միլիոն եվրո վճարել Վերդերի հարձակվողի համար Իտալիայի հավաքականի ֆուտբոլիստը խնդրում է Չելսիին վաճառել իրեն Գվարդիոլա. Մենք կպարտվենք Ռեալին, եթե խաղանք այնպես, ինչպես Սաութհեմփթոնի դեմ Ըմբշամարտ. Ազատ ոճայինները փակ հավաք կանցկացնեն Ծաղկաձորում Ալաշկերտը հաղթեց Լոռիին ու ապահովեց տեղը եվրագավաթներում (տեսանյութ) Ալաշկերտ-Լոռի․ մեկնարկային կազմեր, ուղիղ եթեր Տոտենհեմը նվազագույն հաշվով հաղթեց Էվերտոնին Սևիլյան հաղթեց Էյբարին՝ ամրապնդվելով լավագույն քառյակում Ասել, որ Ռոնալդուն ամենատաղանդավորն է, ում հետ խաղացել եմ միևնույն թիմում, չեմ կարող․ Ֆերնանդեշ Լեգենդար Պիսարոն ավարտեց կարիերան Մոուրինյուն հինգերորդ մարզիչն է, ով 200 հաղթանակ է տարել ԱՊԼ-ում Ռեալի հայտացուցակը Աթլետիկի դեմ խաղում Armsport սկետչ․ Մեսսիի 700-րդ գոլը․ նոր ռեկորդը դեռ Բարսայի հաղթնակի գրավականը չէ Բարսելոնայի հայտացուցակը Վիլյառեալի հետ խաղի համար Մագնուս Կարլսենը՝ Chessable Masters առցանց մրցաշարի հաղթող Լիոնել Մեսսին կարող է շարունակել կարիերան «Մանչեսթեր Սիթիում» Շնորհակալ եմ Գվարդիոլային, ով ինձ ավելի լավը դարձրեց․ Սանե Ջեկոն կարող է տեղափոխվել Յուվենտուս Բարձրագույն խմբի ձևաչափ և լեգեոներների սահմանափակում. Արմեն Մելիքբեկյանը դիմել է ակումբների նախագահներին Ինտերը պատրաստ է Սանչեսին գնել ՄՅՈՒ-ից ՀՖՖ-ն դադարեցրեց Առաջին խմբի առաջնությունը. 58 անձ որակազրկվել է Սուլշեր․ Գրինվուդի համար սահմաններ չկան Վեսթ Արմենիան խզել է պայմանագրերը 5 ֆուտբոլիստի հետ Չեմպիոնների լիգայի 2020/21 մրցաշրջանի ժամանակացույցը Շիրակ-Լոռի. Զրոներ՝ առաջին խաղակեսից հետո Ըմբշամարտ․ Մեծահասակների աշխարհի առաջնությունն այս տարի կկայանա Սերբիայում Յուվենտուսը և Դիբալան համաձայնության են հասել նոր պայմանագրի շուրջ Խաղընկերներս աջակցում էին ինձ․ Սեդրիկը՝ Արսենալում նորամուտը նշելու մասին Վեսթ Հեմը արդյունավետ խաղում հաղթեց Չելսիին (տեսանյութ) Զիդան․ Մենք դեռ ոչինչ չեն հաղթել․ ունենք 6 եզրափակիչ, որոնցից մեկը վաղն է Առաջին խումբ. Մասիսն ու Տորպեդոն ոչ-ոքի խաղաց Միլանը 15 միլիոն եվրո կառաջարկի Ֆիորենտինայի պաշտպանի համար Մխիթարյան. Շատ ուրախ է, որ վերջապես կարողացանք գալ համաձայնության Յուվենտուսի մեկնարկային կազմը Ջենոայի դեմ խաղում. ուղիղ եթեր Բարսելոնա – Աթլետիկո․ մեկնարկային կազմեր. ուղիղ եթեր Պաշտոնական․ Արաս Օզբիլիսը երկարաձգել է պայմանագիրը Փյունիկի հետ մինչև 2021 թվականը
website by Sargssyan