USD
EUR
RUB

Թոփ-15․ Մարզիչներից ո՞ւմ աշխատանքն է ամենաբարձրը գնահատվում

 

«Մանչեսթեր Սիթիի» ղեկավարությունը տարեկան 20 միլիոն ֆունտ սթերլինգ արժեցող նոր պայմանագիր է առաջարկել Խոսեպ Գվարդիոլային: Քանի դեռ կատալոնացի մասնագետը չի ընդունել առաջարկը, տեսնենք՝ այժմ որ մարզիչներն են առանձնանում բարձր աշխատավարձով։

15. Ռաֆայել Բենիտես, 4 մլն ֆունտ սթերլինգ

«Նյուքասլում» իսպանացի մարզիչը տարեկան մոտ 4.5 մլն ֆունտ է վաստակում: Ոչ պաշտոնական տվյալներով, նույնքան վաստակում է նաև «Զենիթում» աշխատող Ռոբերտո Մանչինին: Բենիտեսը Պրեմիեր լիգայից դուրս մնացած թիմի ղեկը ստանձնել էր 2016-ի գարնանը, ապա այն առաջնորդել դեպի բարձրագույն առաջնություն: 

14. Ունայի Էմերի, 5 մլն եվրո

Էմերին արդեն երկրորդ մրցաշրջանն է, որ 5 մլն եվրո տարեկան աշխատավարձի դիմաց գլխավորում է «Պարի Սեն Ժերմենը»: Նա բարդ խնդիր ունի իր առջև դրված՝ գլուխ հանել իրենից բարձր աշխատավարձ ստացող աստղային ֆուտբոլիստների հետ: Թիմի համար դեռևս բարենպաստ շրջան է Լիգա 1-ում և Չեմպիոնների լիգայում, թեև Էմերին գերխնդիր ՉԼ-ում, որի 1/8 եզրափակչում հանդիպելու է գործող գավաթակիր «Ռեալին»: Պարտվելու դեպքում կվտանգի աշխատանքը:

13. Դիեգո Սիմեոնե, 6 մլն եվրո

Դիեգոն բազմիցս կարող էր լքել «Ատլետիկոն» ու ավելի բարձր աշխատավարձով այլ ակումբ տեղափոխվել, բայց արգենտինացին շարունակում է կարիերա կերտել իսպանական թիմում ու ընդհանուր առմամբ վատ չի վարձատրվում: 

12. Մաուրիսիո Պոչետինո, 5.46 մլն ֆունտ սթերլինգ

Եվս մեկ արգենտինացի մեր ցուցակում: «Տոտենհեմը» գլխավորող Պոչետինոն 1.5 տարի առաջ նոր պայմանագիր կնքեց ակումբի հետ ու հիմա տարեկան 6.1 մլն եվրո է վաստակում: Վատ չէ դեռևս տիտղոս չնվաճած մարզչի համար: 

11. Ռոնալդ Կուման, 6 մլն ֆունտ սթերլինգ

Հոլանդացուն արդեն հասցրել են հեռացնել «Էվերթոնից», բայց նրա բանկային հաշիվը դրանից չի նվազել: Կումանը տարեկան 6.8 մլն եվրո էր վաստակում: Ըստ մարզչի, իր գլխավոր անհաջողությունն այն էր, որ ակումբը որպես Ռոմելու Լուկակուին փոխարինող չգնեց Օլիվյե Ժիրուի տրանսֆերը։

10. Անտոնիո Կոնտե, 6.5 մլն ֆունտ սթերլինգ

Այս տարվա ամռանը Կոնտեն «Չելսիի» հետ նոր պայմանագիր կնքեց․ Ռոման Աբրամովիչը շտապեց շնորհակալություն հայտնել Անգլիայի առաջնության չեմպիոն թիմի մարզչին: Ըստ նոր պայմանագրի, մարզիչը 7.3 մլն եվրո է վաստակում ամեն տարվա աշխատանքի դիմաց: 

9. Յուրգեն Կլոպ, 7 մլն ֆունտ սթերլինգ

«Լիվերպուլում» տարեկան 7.9 մլն եվրո վաստակելով՝ Կլոպը լավ արդյունք է ցույց տալիս: ԱՊԼ-ում թիմը պայքարում է լավագույն քառյակի համար, իսկ Չեմպիոնների լիգայի 1/8 եզրափակչում հանդիպելու է «Պորտուին»։

8. Զինեդին Զիդան, 8 մլն եվրո

Չեմպիոնների լիգայում երկու անգամ անընդմեջ չեմպիոնական տիտղոսը նվաճած մարզիչը նույնիսկ հնգյակում չէ: Միայն 2017-ի ամռան վերջում «Ռեալի» ղեկավարությունը նոր պայմանագիր առաջարկեց Զիդանին ու կրկնակի բարձրացրեց աշխատավարձը: Ասում են, որ ֆրանսիացին առանց սակարկելու է ստորագրել պայմանագիրը: 

7. Արսեն Վենգեր, 8 մլն ֆունտ սթերլինգ

Ակումբի երկրպագուներից շատերը ցանկանում էին, որ Վենգերը հեռանար «Արսենալից», բայց նա ոչ միայն մնաց, այլև տարեկան 9 մլն եվրո արժողությամբ նոր պայմանագիր ստորագրեց: Ֆրանսիացին իրեն լավ է զգում «Արսենալում», թեև թիմի խաղում առաջընթաց չկա: 

6. Ֆաբիո Կապելո, 10 մլն եվրո

Ռուսաստանի հավաքականի հետ աշխատանքից հետո Կապելոն դադար վերցրեց: Հետո Չինաստանից գայթակղիչ առաջարկ ստացավ ու չերկմտեց: «Ցզյանսու Սունինի» ղեկին նա տարեկան 10 մլն եվրո է վաստակում:

5. Անդրե Վիլաշ-Բոաշ, 12 մլն եվրո

Մոտ մեկ ամիս առաջ ավարտվեց մարզչի ու «Շանհայ ՍԻՊԳ»-ի պայմանագիրը: Նա Չինաստանում տարեկան 12 մլն եվրո էր վաստակում, բայց մերժեց երկարաձգել պայմանագիրը: Պրտուգալացին չկարողացավ հաղթել չինական Սուպերլիգայում, երկրի գավաթի խաղարկությունում պարտվեց եզրափակչում, իսկ ասիական Չեմպիոնների լիգայում դուրս մնաց կիսաեզրափակչից։ 

4. Կարլո Անչելոտի, 15 մլն եվրո

Անչելոտին էլ այսօր աշխատանք չունի և գումար ստանում է հեռացման դիմաց: «Բավարիան» լուրջ պարտավորություններ ստանձնեց իտալացու հետ պայմանագիր կնքելիս: Անչելոտին մինչև այդ աշխարհում երկրորդ մարզիչն էր, ում հաջողվել էր 3 անգամ հաղթել Չեմպիոնների լիգայում։ Այնպես որ՝ նա արժանի էր տարեկան 15 մլն եվրո արժողությամբ պայմանագրի։

3. Ժոզե Մոուրինյու, 15 մլն ֆունտ սթերլինգ

Պորտուգալացին պատրաստ է երկարաձգել «Մանչեսթեր Յունայթեդի» հետ պայմանագիրը, եթե ակումբը բարձրացնի աշխատավարձը: Դա Յուրահատուկի հերթական պահանջն է: Մի տեսակ հարիր չէ նաև Գվարդիոլայից պակաս վաստակել: Բրիտանական ԶԼՄ-ների տեղեկություններով, այժմ Մոուրինյուն տարեկան 17 մլն եվրո է վաստակում: Թիմը դժվար թե Պրեմիեր լիգայում տիտղոս նվաճի, բայց Չեմպիոնների լիգայում հույսեր ունենալ կարող է։ 

2. Խոսեպ Գվարդիոլա, 15.3 մլն ֆունտ սթերլինգ

Գործող պայմանագրով Գվարդիոլան «Մանչեսթեր Սիթիում» 17.3 մլն եվրո աշխատավարձ է ստանում: Թիմն այնքան հաջող է ելույթ ունենում, որ ղեկավարությունը պատրաստ է կատալոնացուն տարեկան 20 մլն ֆունտ արժեքով նոր պայմանագիր առաջարկել: Եթե որևէ բան չխանգարի, Պեպը կդառնա աշխարհի ամենաբարձր վարձատրվող մարզիչը:

1. Մարչելո Լիպի, 20 մլն եվրո

Առաջատարը դեռևս Լիպին է, ով Մունդիալում հաղթել է Իտալիայի հետ, իսկ Չեմպիոնների լիգայում՝ «Յուվենտուսի»: Չինաստանում էլ նվաճումներ է ունեցել «Գուանչժոու Էվերգրադի» հետ ու զարմանալի չէ, որ 2016-ի հոկտեմբերին նրան առաջարկեցին գլխավորել երկրի ընտրանին՝ դարձնելով ամենաբարձր վարձատրությամբ մարզիչը։ Առանց նրա Չինաստանը 4 խաղում 1 միավոր էր վաստակել, նրա հետ՝ 11 միավոր 6 խաղում: Մի փոքր էլ ու թիմը կկարողանար մասնակցել Մունդիալ-2018-ին:

Լրահոս
Հայ բռնցքամարտիկները 2 մեդալ են նվաճել միջազգային մրցաշարում Տարվա լավագույն ֆուտբոլիստի և մարզչի ընտրությունը կկայանա 2020 թ. հունվարին Մեսսիի դեմ խաղալը դժվար էր. Մխիթարյան Հայաստանի շախմատի առաջնությանը կմասնակցի 12 գրոսմայստեր Գատուզոն կգլխավորի «Նապոլին», աշխատավարձը տարեկան կկազմի 3 միլիոն եվրո Ռուսաստանցի ֆուտբոլիստները Մունդիալին կարող են մասնակցել պայմանով Ռամոսը «Ոսկե գնդակ»-ի պարգևատրման իր ձևաչափն է առաջարկել Արթուր Պետրոսյանը եվրոպական թիմ կգլխավորի Խաչատուրովը հեռացավ «Լոռի»-ից Լա Լիգա. Ռեալը հաղթեց Էսպանյոլին Երբ ես խաղում էի Բարսելոնայում, իմ անվտանգությունն ապահովված չէր. Ֆիգու Գաբրիել Սարգսյանը՝ արագ շախմատի Եվրոպայի չեմպիոն «Ռոմա»-«Ինտեր»` 0:0 (Տեսանյութ) Ֆուտբոլի ֆեդերացիայի նախագահի պաշտոնում առաջադրվել է 3 թեկնածու «Ուրարտու»-ն երկարաձգել է պայմանագիրը իր կիսապաշտպանի հետ Բերեզովսկին կհեռանա «Սոչի»-ի գլխավոր մարզչի ժամանակավոր պաշտոնակատարի պաշտոնից Հայաստանի ֆուտբոլի ազգային թիմի ֆուտբոլիստը կարող է միանալ «Բոկա Խունիորս»-ին Հագը կարող է հաջորդ մրցաշրջանում գլխավորել «Բավարիա»-ն 6 ֆուտբոլիստ հեռացել է Գանձասար-Կապանից Իսպանիայի ֆուտբոլի ֆեդերացիան կկանգնեցնի Մեսսիի արձանը Բեյլը կարող է բաց թողնել «Բարսելոնա»-ի հետ հանդիպումը Գաբրիել Սարգսյանն արագ շախմատի Եվրոպայի առաջնությունում առայժմ 3-րդն է Անդրանիկ Ոսկանյանը հեռացել է Ուրարտուից Էդուարդ Սահակյան. Կաշխատենք շտկել սխալները Grand Chess Tour. Լևոն Արոնյանը պարտվել է կիսաեզրափակիչում Մարկոս Պիզելին դեռ չի միանում «Արարատ-Արմենիա»-ին Մխիթարյանը «Ռոմա»-ի ընդլայնված հայտացուցակում է «Ուրարտու»-ի մի շարք ֆուտբոլիստներ հեռացել են ակումբից Դրսևորել զսպվածություն. ՀՖՖ-ն հայտարարություն է տարածել Անաստասիա Գալուստյանը՝ միջազգային մրցաշարի հաղթող Հունահռոմեական ոճի ըմբշամարտի չեմպիոնները հայտնի են «Շիրակ»-ը մեկնել է արձակուրդ Մեսսին խոսել է Ռոնալդուի մասին Էրիկ Վարդանյանը վիրահատվել է Հայտնի են Ազգերի լիգայում Հայաստանի ֆուտբոլի Մ19 հավաքականի մրցակիցները Հակոբ Սերոբյան. Օլիմպիական խաղերին լուրջ ենք պատրաստվելու Ռոնալդուն ստացել է Սերիա Ա-ի լավագույն ֆուտբոլիստի կոչումը «Նոա»-ն և «Գանձասար-Կապան»-ը հաղթեցին 15-րդ տուրում Լիլիթ Մկրտչյանը մասնակցել է արագ և կայծակնային շախմատի ԵԱ-ին Սամբիստ Վահագն Չալյանը՝ աշխարհի գավաթի խաղարկության արծաթե մեդալակիր
website by Sargssyan