Չեմպիոնի ու փոխչեմպիոնի խաղում կրկին հաղթողը նույնն է (տեսանյութ)
Նմանատիպ
Բասկետբոլի ազգային ասոցիացիայում (NBA) այսօր կայացել է գործող չեմպիոն «Գոլդեն Սթեյթի» ու փոխչեմպիոն «Կլիվլենդի» միջև հերթական խաղը: «Ուորիորզը» մրցակցի հարկի տակ առավելության է հասել 118:108 հաշվով:
Մինչև երրորդ քառորդի միջնամասը «Կավալյերսն» առավելություն է ունեցել, սակայն մեծ ընդմիջումից հետո ավանդաբար հաջող գործող չեմպիոնը կարողացել է հաշվի մեջ առաջ անցնել և հետագայում պահպանել այն:
Հանդիպման ամենաարդյունավետ բասկետբոլիստներն են դարձել տանտերերի առաջատար Լեբրոն Ջեյմսն ու հյուրերի գերաստղ Քևին Դյուրանը: Երկուսն էլ վաստակել են 32-ական միավոր:
Այդ հաղթանակի շնորհիվ «Գոլդեն Սթեյթն» ավելի է ամրապնդվել Արևմտյան կոնֆերենցիայի առաջատարի դիրքում: «Կլիվլենդը» պարտվել է 4-րդ անընդմեջ խաղում և շարունակում է Արևելքում զբաղեցնել երրորդ տեղը:
Հիշեցնենք, որ ընթացիկ մրցաշրջանում այս թիմերի միջև կայացած առաջին խաղում կալիֆորնիացիները հաղթել էին 99:92 հաշվով:
Հետևեք մեզ նաև Telegram-ում