«Goal.com»․ ՊՍԺ-ն Նեյմարին թույլ կտա տեղափոխվել «Ռեալ» միայն մեկ դեպքում

«Պարի Սեն Ժերմենի» ղեկավարությունը պատրաստ է բաժանվել աստղային բրազիլացուց միայն մեկ դեպքում։

«Goal.com»-ը հաղորդում է, որ փարիզյան ակումբի նախագահ Նասեր Ալ-Հելաիֆին Նեյմարին խոստացել է, որ նրա տրանսֆերը կվաճառի Մադրիդի «Ռեալին», եթե այս մրցաշրջանում ՊՍԺ-ն դառնա Չեմպիոնների լիգայի գավաթակիր։ Նույն աղբյուրը հաղորդում է, որ Նեյմարը մտերիմներին արդեն տեղեկացրել է, որ ցանկանում է վերադառնալ Իսպանիա և հանդես գալ «Ռեալի» կազմում։

Ավելի վաղ հայտնի էր դարձել, որ Նեյմարը «Ռեալի» համար առաջիկա ամառային տրանսֆերային պատուհանի գերնպատակն է։ Մադրիդյան ակումբն ակտիվորեն հետևում է բրազիլացու շուրջ ստեղծված իրավիճակին։

Հիշեցնենք, որ Նեյմարը 2017 թվականի ամռանն է «Բարսելոնայից» «Պարի Սեն Ժերմեն» տեղափոխվել։ Նրա տրանսֆերի համար փարիզյան ակումբը վճարել է ռեկորդային 222 միլիոն եվրո։