Պաշտոնական. Դեուլոֆեուն կես տարով հեռացավ «Բարսելոնայից»
30/01/2018 10:55
Նմանատիպ
«Բարսելոնայի» եզրային հարձակվող Ժերար Դեուլոֆեուն կարիերան շարունակելու է «Ուոթֆորդում»:
Կատալոնական ակումբի պաշտոնական կայքը հայտնում է, որ 23-ամյա ֆուտբոլիստին վարձավճարով է զիջել «ոսկե տղաներին»: Գործարքը նախատեսված է մինչև ընթացիկ մրցաշրջանի ավարտը:
Անգլիական ակումբը վճարելու է կատալոնացու աշխատավարձը: Վինգերի հաջող ելույթների դեպքում «բլաուգրանան» 1 միլիոն եվրոյի պարգևավճար կստանա:
Նախորդ ամռանը «Բարսելոնա» վերադառնալուց հետո Դեուլոֆեուն մասնակցել է 17 պաշտոնական խաղի, որոնցում 2 գոլ է խփել ու 4 գոլային փոխանցում կատարել:
Հետևեք մեզ նաև Telegram-ում