Հայնկես. «Բավարիայի» ներկայիս կազմն ավելի ուժեղ է, քան 2013 թվականին էր
26/02/2018 21:12
Նմանատիպ
«Բավարիայի» գլխավոր մարզիչ Յուպ Հայնկեսը մյունխենցիների ներկայիս կազմը համեմատել է 2013 թվականի թիմի հետ, որը նրա գլխավորությամբ դարձել է Չեմպիոնների լիգայի գավաթակիր:
«Մեր կազմը հիմա ավելի ուժեղ է, քան 2013 թվականին էր, սակայն այս ընթացքում Չեմպիոնների լիգան շատ է փոխվել: Վերջին տարիներին անգլիական 5 ակումբներ նոր խաղացողների տրանսֆերների համար 3 միլիարդ եվրո են ծախսել: Այդ պատճառով հաղթանակը մեզ համար երաշխավորված չէ: Այդ մրցաշարում մրցակցությունը շատ լուրջ է դարձել»,- գերմանացու խոսքն է մեջբերում as.com-ը:
Հիշեցնենք, որ Չեմպիոնների լիգայի 1/8 եզրափակչի առաջին խաղում «Բավարիան» 5:0 հաշվով առավելության է հասել «Բեշիկթաշի» նկատմամբ:
Հետևեք մեզ նաև Telegram-ում