Արոնյանի գերհարձակվողական խաղը սկսում է օգուտ բերել (կատարված քայլեր)
Նմանատիպ
Հավակնորդների մրցաշարի 8-րդ տուրում Լևոն Արոնյանը սև խաղաքարերով մրցել է չինացի Լիժեն Դինի հետ: Մրցաշարում անհաջող մեկնարկից հետո կորցրածը հետ բերելու համար Լևոնը ստիպված է ռիսկի դիմել, հարձակվողական խաղ ցուցադրել, որոնք երբեմն «արկածային» քայլերի են բերում:
Այդ մարտավորությունը տապալվեց Ֆաբիանո Կարուանայի դեմ նախորդ մրցախաղում, երբ Լևոնը սպիտակներով պարտվեց առաջատարին, սական Դինի հետ պարտիայում ինչ-որ չափով դրական արդյունք տվեց:
Գրանցվեց ոչ-ոքի, որը սպիտակներով խաղացող չինացու համար գոհացուցիչ արդյունք կարելի է համարել, քանզի նա 3 անգամ անընդմեջ կրկնեց նույն քայլը, որ հանդիպումն ինքնաբերաբար դադարեցվի:
Այսպիսով, 8-րդ տուրից հետո Արոնյանը 3 միավորով 7-րդ տեղում է: Առաջատար Կարուանան ունի 5,5 միավոր: Հաջորդ տուրում հայ գրոսմայստերը սպիտակներով մրցելու է ադրբեջանցի Շախրիյար Մամեդյարովի հետ:
Հետևեք մեզ նաև Telegram-ում