Ընթացիկ մրցաշրջանում տրանսֆերային գնի ամենամեծ աճն ունեցած ֆուտբոլիստները
Նմանատիպ
Ֆուտբոլային հետազոտությունների «CIES Football Observatory» կազմակերպությունը հաշվարկել է, թե ընթացիկ մրցաշրջանում որ ֆուտբոլիստների տրանսֆերային գներն են ամենամեծ աճը գրանցել: Շվեյցարական կազմակերպությունը համեմատական է անցկացրել նախորդ տարվա սեպտեմբերից մինչև այս տարվա մարտն ընկած ժամանակահատվածում իր սահմանած գների միջև։
«CIES Football Observatory»-ի սահմանած գները 80 տոկոս դեպքերում համընկել են գրանցված տրանսֆերների հետ: Նրանք մշակել են ալգորիթմ, որը հաշվում է ֆուտբոլիստների խաղային հատկությունները, տարիքը, գործող պայմանագրի ժամկետը և նրանց ծառայություններով հետաքրքրվող ակումբների մակարդակը: Վիճակագրական թվերը ստանալու համար հետազոտողների խումբը վերջին 6 տարիների ընթացքում 1600 տրանսֆեր է դիտարկել:
Այսպիսով, ընթացիկ մրցաշրջանում ամենամեծ աճը գրանցվել է «Լիվերպուլի» եզրային հարձակվող Մոհամեդ Սալահի տրանսֆերի արժեքում: Այն 88,1 միլիոն եվրոյից բարձրացել է մինչև 162,8 միլիոն: Մաքուր աճը կազմել է 74,7 միլիոն: Ընդմամենը 0,3 միլիոնով եգիպտացուն զիջել է «Մանչեսթեր Սիթիի» դարպասապահ Էդերսոնը:
Ներկայացնում ենք վերջին 8 ամսում տրանսֆերային գների ամենամեծ թանկացման թոփ-10-ը.
1. Մոհամեդ Սալահ («Լիվերպուլ») – տրանսֆերի մաքուր աճը` 74,7
2. Էդերսոն («Մանչեսթեր Սիթի») – 74,4
3. Լերոյ Սանե («Մանչեսթեր Սիթի») – 63,0
4. Կիլիան Մբապե (ՊՍԺ) – 54,7
5. Գաբրիել Ժեզուս («Մանչեսթեր Սիթի») – 53,1
6. Ջո Գոմես («Լիվերպուլ») – 48,3
7. Պաուլինյո («Բարսելոնա») – 42,4
8. Դավինսոն Սանչես («Տոտենհեմ») – 44,2
9. Սերգեյ Միլինկովիչ-Սավիչ («Լացիո») – 40,7
10. Ֆլորան Տովեն («Մարսել») – 38,4
Ամբողջական ցանկին կարող եք ծանոթանալ այստեղ:
Հետևեք մեզ նաև Telegram-ում