21-րդ դարում NBA-ի ամենախոշոր հաշվով հաղթանակը
23/03/2018 17:03
Նմանատիպ
Բասկետբոլի ազգային ասոցիացիայի (NBA) կանոնավոր առաջնությունում այսօր յուրահատուկ հաշիվ է գրանցվել: «Շարլոտը» սեփական հարկի տակ 140:79 հաշվով պարտության է մատնել «Մեմֆիսին»:
Espn.com-ից տեղեկանում ենք, որ 21-րդ դարում NBA-ի դեռ ոչ մի թիմի չէր հաջողվել 61 և ավելի միավորի տարբերությամբ հաղթանակ տոնել: «Հորնեթսի» կազմում 46 միավոր է վաստակել խաղարկող Կեմբա Ուոքերը:
Հատկանշական է, որ այդ հաղթանակը պատմության մեջ 6-րդ ամենախոշորն է: Բացարձակ ռեկորդը գրանցվել է 1991 թվականին: Այդ ժամանակ «Կլիվլենդը» 68 միավորի տարբերությամբ առավելության է հասել «Մայամիի» նկատմամբ:
Հետևեք մեզ նաև Telegram-ում