Կարեն Բարսեղյանը պաշտոնանկ է արվել

«Գանձասար-Կապանը» խզել է պայմանագիրը թիմի գլխավոր մարզիչ Կարեն Բարսեղյանի հետ: Այդ մասին տեղեկանում ենք կապանցիների մամուլի ծառայությունից:

Ակումբը մարզչին շնորհակալություն է հայտնել համատեղ աշխատանքի համար և հաջողություն մաղթել հետագա կարիերայում:

«Գանձասար-Կապանի» նոր գլխավոր մարզչի անունը հայտնի կդառնա ավելի ուշ: Հիշեցնենք, որ Բարսեղյանը «Գանձասարը» գլխավորել է 2017 թվականի ամռանը:

Հայաստանի առաջնության 19 տուրերից հետո թիմը վաստակել է 28 միավոր, կիսում է 2-3 տեղերը և առաջատար «Ալաշկերտին» զիջում է 6 միավորով: Կապանցիները հասել են նաև Հայաստանի գավաթի կիսաեզրափակիչ, որում «Շիրակի» դեմ առաջին խաղն ավարտվել է 1:1 հաշվով: