Ջաստին Կլյուվերտ. Ընդօրինակում եմ Ռոնալդուին, բայց երազում եմ խաղալ «Բարսելոնայում»
Նմանատիպ
Հոլանդիայի հավաքականի ու «Այաքսի» եզրային հարձակվող Ջասթին Կլյուվերտը հայտարարել է, թե ֆուտբոլիստերից ում է ցանկանում նմանվել և որտեղ շարունակել կարիերան:
«Ինձ համար օրինակելի ֆուտբոլիստը Կրիշտիանու Ռոնալդուն է: Դա միայն վարպետության պատճառով չէ, որի առկայությունը բոլորի համար ակնհայտ է: Ինձ դուր է գալիս նրա ապրելակերպը, սնունդ օգտագործելու կարգը, համառ մարզումները: Նա իսկապես կատարյալ օրինակ է:
Այնուամենայնիվ, երազում եմ խաղալ «Բարսելոնայում»: Հույս ունեմ առաջիկա 7 տարվա ընթացքում այդ թիմ տեղափոխվել: Մինչև այդ դեմ չեմ ուժերս փորձել Անգլիայում: Պրեմիեր լիգան ինձ շատ է դուր գալիս»,- 18-ամյա ֆուտբոլիստի խոսքերն է մեջբերում goal.com-ը:
Նշենք, որ Պատրիկ Կլյուվերտի որդին Հոլանդիայի հավաքականում նորամուտը նշել է Պորտուգալիայի ընտրանու դեմ մարտի 26-ին կայացած խաղում (3:0):
Պատանի վինգերը Հոլանդիայի ընթացիկ առաջնության 24 խաղում դարձել 7 գոլի ու 4 գոլային փոխանցման հեղինակ:
Հետևեք մեզ նաև Telegram-ում