Ռոնալդուն գերազանցել է Կասիլյասի ռեկորդը
26/04/2018 12:50
Նմանատիպ
Չեմպիոնների լիգայի կիսաեզրափակիչ փուլի առաջին խաղում Մադրիդի «Ռեալը» 2։1 հաշվով հաղթել է «Բավարիային»։
Այս հաղթանակի շնորհիվ «սերուցքայինների» հարձակվող Կրիշտիանու Ռոնալդուն Չեմպիոնների լիգայի ռեկորդ է սահմանել՝ դառնալով մրցաշարում ամենաշատ հաղթանակներ տոնած ֆուտբոլիստը։ Ռոնալդուն գերազանցել է «Ռեալի» նախկին դարպասապահ Իկեր Կասիլյասի ցուցանիշը։ Ներկայումս «Պորտուում» հանդես եկող Կասիլյասը Չեմպիոնների լիգայում 95 հաղթանակ է տոնել, իսկ Ռոնալդուն՝ 96։ Նշենք, որ Կասիլյասը նման ցուցանիշի հասել է՝ մասնակցելով 171 հանդիպման, իսկ Ռոնալդուն՝ 154։
Հավելենք, որ այս ցուցանիշով երրորդ տեղում է «Բարսելոնայի» նախկին կիսապաշտպան Չավին՝ 91 հաղթանակ, իսկ նրան հաջորդում են Անդրես Ինյեստան և Ռաուլը (79-ական հաղթանակ)։
Հետևեք մեզ նաև Telegram-ում