Հայնկես․ Չենք հանձնվում, առջևում առնվազն 90 րոպե կա
26/04/2018 10:11
Նմանատիպ
Մյունխենի «Բավարիայի» գլխավոր մարզիչ Յուպ Հայնկեսը Չեմպիոնների լիգայի կիսաեզրափակիչ փուլի՝ Մադրիդի «Ռեալի» հետ առաջին խաղում կրած պարտության վերաբերյալ իր մեկնաբանությունն է տվել։
Հիշեցնենք, որ սեփական հարկի տակ «Բավարիան» պարտվել է 1։2 հաշվով, իսկ պատասխան խաղը կայանալու է մայիսի 1-ին։
-Մենք «Ռեալին» երկու գոլ նվիրեցինք, բայց ինքներս էլ շատ պահեր ունեցանք։ Ի՞նչը չբավարարեց։ Պարզապես չխփեցինք երկրորդ գոլը, իսկ Ռոբենի և Բոատենգի վնասվածքները մեծ խնդիրներ առաջացրին։ Ընդմիջումից առաջ հիմար գոլ բաց թողեցինք։ Կարելի է ասել՝ մրցակցի երկու գոլն էլ նվեր էր։ Մենք մի շարք հիանալի պահեր ստեղծեցինք, սակայն չօգտագործեցինք դրանք։ Ամեն դեպքում, չենք հանձնվում, առջևում առնվազն 90 րոպե կա,- Հայնկեսի խոսքը փոխանցում է ՈւԵՖԱ-ի մամուլի ծառայությունը։
Հետևեք մեզ նաև Telegram-ում