USD
EUR
RUB

Սկանդալ հայկական ֆուտբոլում․ «Շիրակից» հանվել է 12 միավոր, Արարատ Հարությունյանը ցմահ որակազրկվել է

 

Մայիսի 5-ին տեղի ունեցավ Հայաստանի ֆուտբոլի ֆեդերացիայի կարգապահական կոմիտեի հերթական նիստը` ՀՖՖ Կարգապահական կոմիտեի նախագահ Ռուբեն Սինոյանի նախագահությամբ: Նիստի արձանագրությունը կարող եք կարդալ ստորև:

ՕՐԱԿԱՐԳ՝ Բանանց ՖԱ-ի դիմումի քննարկումը կապված պայմանավորված խաղի կազմակերպման հետ

Հարցը ներկայացվեց Կոմիտեի նախագահ՝ Ռ.Սինոյանի կողմից: Նա հայտնեց, որ Բանանց ՖԱ-ն 04.05.2018թ. ՀՖՖ-ին ուղղված գրությամբ հայտնել է, որ Բանանց ՖԱ-ի ֆուտբոլիստ Էդվարդ Կպոդոն 03.05.2018թ-ին դիմել է իրենց /դիմումը կից ներկայացված է/ և տեղեկացրել է, որ իրեն Շիրակ ՖԱ մարզիչ Արարատ Հարությունյանի կողմից առաջարկվել է իրականացնել պայմանավորված խաղի կազմակերպում 05.05.2018 թվականին կայանալիք ՀՀ Բարձրագույն խմբի Բանանց-Շիրակ հանդիպման ժամանակ:

Համաձայն Էդվարդ Կպոդոի կողմից ակումբին ներկայացված դիմումի՝ Արարատ Հարությունյանի կողմից իրեն տրվել է նախնական 1000 ԱՄՆ դոլար կանխավճար, իսկ խաղի ընթացքում սխալներ թույլ տալու համար, որի հետևանքով։

Նշված հարցը ներկայացվել է ՀՖՖ փորձագիտական կոմիտեին, որն էլ տվել է եզրակացություն այն մասին, որ՝ «Փորձագիտական կոմիտեն, ուսումնասիրելով Բանանց ՖԱ-ի գրությունը և դրան կից ներկայացված ֆուտբոլիստի (Էդվարդ Կպոդո) համապատասխան հայտարարությունը, ինչպես նաև ֆուտբոլիստի և Արարատ Հարությունյանի միջև հեռախոսազրույցի ձայնագրությունն ու դրա սղագրությունը, եկավ այն համոզման, որ Արարատ Հարությունյանն իր գործողություններով կատարել է ՀՖՖ Կարգապահական կանոնակարգի 12-րդ հոդվածի 1-ին մասով նախատեսված արարք:

Ինչ վերաբերում է Շիրակ ՖԱ-ի այն պնդմանը, որ ակումբը տեղեկացված չի եղել իր աշխատակից Արարատ Հարությունյանի վերոնշյալ արարքի մասին, ապա փորձագիտական կոմիտեն եկավ այն համոզման, որ գործին կցված հեռախոսազրույցների ձայնագրությունները և սղագրություններն այլն են ապացուցում: Բացի այդ, նման պայմաններում Շիրակ ՖԱ-ն ակնհայտորեն հանդիսանում էր իր աշխատակցի գործողությունների շահառուն և հետևաբար նաև պատասխանատուն»:

Կարգապահական կոմիտեն նիստին հրավիրել էր նաև Արարատ Հարությունյանին, ով թեև չներկայացավ նիստին, սակայն հեռախոսակապով ներկայացրեց իր դիրքորոշումը հարցի վերաբերյալ, ինչն իր գիտությամբ նաև ձայնագրվում էր (կցվում է): Վերջինս, մասնավորապես, հայտնեց, որ իր խոսակցությունները ֆուտբոլիստի հետ կապված են եղել ֆուտբոլիստի ապագա հնարավոր տրանսֆերի կազմակերպման և նախկինում նրա հասանելիք պարգևավճարների հետ և որ ինքը որևէ գումար ֆուտբոլիստին խաղի արդյունքների վրա ազդելու համար չի տվել: Արարատ Հարությունյանն ընդհանուր առմամբ փորձեց ներկայացնել իրականությունն այնպես, որ խաղի արդյունքի վրա ազդելու առաջարկը եղել է ֆուտբոլիստի, այլ ոչ իր կողմից, և որին ինքն՝ ըստ էության չի մերժել, փորձել է օգտագործել առիթը, երևի սխալվել է, մեղավոր է:

Կարգապահական կոմիտեի անդամների տարբեր հարցերին, փաստարկներին և ֆուտբոլիստի հետ իր իսկ խոսակցության սղագրության մեջբերումներին Արարատ Հարությունյանը տվեց ընդհանուր առմամբ իրարամերժ, անտրամաբանական, ոչ համոզիչ և փաստական ապացույցներին չհամապատասխանող պատասխաններ:

Համաձայն ՀՖՖ Կարգապահական կանոնակարգի 12 հոդվածի 1-ին կետի`

«1. Պայմանավորված խաղերի կազմակերպումը, մասնավորապես` Ֆուտբոլիստներին, մրցավարներին, մարզիչներին, թիմերի ղեկավարներին կամ ՀՖՖ հովանու ներքո անցկացվող պրոֆեսիոնալ (ոչ սիրողական) ֆուտբոլի մրցումների մյուս մասնակիցներին, կազմակերպիչներին և ֆուտբոլային այլ սուբյեկտներին անձամբ կամ միջնորդի միջոցով նրանց կամ որևէ այլ անձի համար դրամ, տարադրամ, գույք, գույքի նկատամբ իրավունք, արժեթղթեր կամ որևէ այլ առավելություն խոստանալը կամ առաջարկելը կամ տրամադրելը կամ նույն անձանց կողմից ստանալը` այդ մրցումների արդյունքների վրա ազդելու նպատակով

Պատժվում է

Ֆիզիկական անձանց համար`

- տուգանքով նվազագույն աշխատավարձի երկուհազարապատիկից մինչև հինգհազարապատիկ ՀՀ
դրամի չափով
- և/կամ որակազրկմամբ /ֆուտբոլիստի համար/ 1-ից մինչև 2 տարի ժամկետով
- և/կամ որևէ ֆուտբոլային գործունեությամբ զբաղվելու արգելքով, 3 տարուց մինչև ցմահ ժամկետով:

Իրավաբանական անձանց համար`

- տուգանքով նվազագույն աշխատավարձի հինգհազարապատիկից մինչև տասնհինգհազարապատիկ
ՀՀ դրամի չափով
- և/կամ թիմի միավորների նվազեցմամբ 12 միավորի չափով
- և/կամ նվաճած մրցանակներից զրկմամբ
-և/կամ տվյալ առաջնության մասնակցությունից զրկմամբ 12 - և/կամ թիմին ավելի ցածր առաջնություն
տեղափոխմամբ
- և/կամ որևէ ֆուտբոլային առաջնությանը մասնակցելու /թիմեր ներկայացնելու/ արգելքով 1-ից մինչև
3 տարի ժամկետով:»

Համաձայն ՀՖՖ Կարգապահական կանոնակարգի 3-րդ հոդվածի 2-րդ կետի`

«2. Ֆուտբոլային սուբյեկտները պատասխանատվություն են կրում իրենց անդամների և իրենց կողմից ներգրավված այլ պաշտոնատար անձանց անվայել վարքի և իրենց ծառայողական պարտականությունները ոչ պատշաճ կերպով կատարելու համար»։

Կարգապահական կոմիտեն արձանագրեց նաև, որ պայմանավորված խաղի արդյունքում իրական շահառուն Շիրակ ՖԱ-ն է և որ համաձայն Կարգապահական կանոնակարգի 3-րդ հոդվածի 2-րդ կետի վերջինս, որպես ֆոտբոլային սուբյեկտ՝ ևս պատասխանատվություն է կրում իր պաշտոնատար անձի կողմից կատարված արարքների համար:

Արդյունքում, կարգապահական կոմիտեն, մանրամասն քննելով գործին կցված բոլոր ապացույցները ինչպես առանձին-առանձին, այնպես էլ համակցության մեջ՝ եկավ այն համոզման, որ իրականում տեղի է ունեցել ՀՀ Բարձրագույն խմբի 2017-2018թթ մրցաշրջանի 27-րդ մրցափուլի Բանանց-Շիրակ թիմերի միջև 05.05.2018թ-ին կայանալիք հանդիպման արդյունքների վրա ազդելու նպատակով պայնավորված խաղի կազմակերպում / ՀՖՖ Կարգապահական կանոնակարգի 12 հոդվածի 1-ին կետ/ և որ պայմանավորված խաղի կազմակերպան գործընթացի մեջ անմիջականորեն ներգրավված է եղել Շիրակ ՖԱ-ի մարզիչ Արարատ Հարությունյանը:

Ելնելով վերոգրյալներից՝ կարգապահական կոմիտեն միաձայն որոշեց.

1. Արարատ Հարությունյանին ցմահ արգելել զբաղվելու որևէ ֆուտբոլային գործունեությամբ:

2. Շիրակ ՖԱ–ին տուգանել նվազագույն աշխատավարձի յոթհազարապատիկի չափով և ՀՀ Ֆուտբոլի բարձրագույն խմբի ընթացիկ առաջնության Շիրակ թիմի արդյունքները նվազեցնել 12 միավորով:

3. Սույն որոշումը կարող է բողոքարկվել ՀՖՖ բողոքարկման կոմիտե այն ստանալու պահից յոթ օրվա ընթացքում:

Լրահոս
Անիելին ասել է, թե որքան գումար է ֆուտբոլը կորցնելու կորոնավիրուսի պատճառով 2 տարում ՀԲՖ նախագահի ընտրությունները կանցկացնի սպորտի նախարարությունը. Արթուր Գևորգյանը չի առաջադրվի Պաշտոնական․ Ռազմիկ Գրիգորյանը նշանակվել է Հայաստանի Մ-19 հավաքականի գլխավոր մարզիչ Կա մրցակից և կանք մենք, ամեն ինչ որոշվում է խաղադաշտում. ԲԿՄԱ-ի տնօրենը՝ Գավաթի 1/4 եզրափակչի վիճակահանության մասին Ամենաբարձր եկամուտ ունեցող եվրոպական ակումբները Լիվերպուլը ցանկանում է ձեռք բերել Դերբիի 16-ամյա խաղացողին Սուարեսի գոլն օգնեց Աթլետիկոյին հաղթել Վալենսիային (տեսանյութ) Ես չեմ կարող հենց այնպես րոպեներ տալ ֆուտբոլիստներին․ Մոուրինյուն՝ Բեյլի մասին Կրեսպոն առաջին տիտղոսն է նվաճել որպես մարզիչ․ այն էլ՝ միջազգային տիտղոս Ա սերիա․ Միլան – Ատալանտա․ մեկնարկային կազմեր, ուղիղ եթեր Հենրիխ Մխիթարյանն ընդգրկված չէ «Ռոմայի» մեկնարկային կազմում Բռնցքամարտի Հայաստանի հավաքականի մարզումը Ծաղկաձորում (լուսանկարներ) Արարատ-Արմենիան նորեկ ունի Ալեքսեյ Բերեզուցկին ընդգրկվել է Մոսկվայի ԲԿՄԱ-ի մարզչական շտաբում Աղբյուր․ Վալերի Հովհաննիսյանը հեռացել է Տամբովից մեկ շաբաթ առաջ նշանակվելուց հետո Պարման վարձակալական հիմունքներով ձեռք է բերել Միլանի պաշտպանին Ռոնալդուն հավասարվել է Չավիին նվաճած տիտղոսների քանակով․ պատմության մեջ նրանք 9-րդն են Մխիթարյանը «Ռոմա»-ի ընդհանուր հայտացուցակում է Ռաուլը վարակվել է կորոնավիրուսով․ նա բաց կթողնի Կաստիլիայի առաջիկա խաղը Բարսելոնան կբողոքարկի Մեսսիի որակազրկման որոշումը Մեսսին որակազրկվել է երկու խաղով Լեոնարդո․ Ես չեմ կարծում, որ որևէ թիմ կարող է վճարել Մբապեի կամ Նեյմարի աշխատավարձը Զիդանը՝ Յովիչի մասին․ Սա այն դեպքը չէ, երբ կարելի է մեղադրել մարզչին․ Ռեալում միշտ մեծ մրցակցություն կա Հայտնի է՝ երբ կորոշվի Մեսսիի որակազրկման ժամկետը Օլիմպիական խաղերը կանցկացվեն ըստ ժամանակացույցի․ Ճապոնիայի կառավարության ներկայացուցիչ Մեսսին կարող է որակազրկվել 4 խաղով Ա սերիա․ Ինտերը վստահ հաղթանակ տարավ Յուվենտուսի նկատմամբ (տեսանյութ) Ինչպես զբաղվել պրոֆեսիոնալ սպորտով 53 տարեկանում․ Միուրան բացահայտել է գաղտնիքը Կլոպ․ ՄՅՈՒ-ն երբեք չի կարող աութսայդեր լինել ՄՅՈՒ-ի պաշտպանը՝ Բարսելոնայի դիտակետում Աղբյուր․ Մաքսիմ Մայրովիչը կհեռանա Նոայից Պոգբա․ ՄՅՈՒ-ն հիմա Լիվերպուլի մակարդակին չէ, բայց մենք ուզում ենք հաղթել ԱՊԼ-ի չեմպիոնին Արոնյանն ընդգրկվել է Grand Chess Tour-ի հիմնական կազմում Ինտերի պաշտպանը մոտ է Լա լիգա տեղափոխվելուն Մխիթարյան. Ռոման պատրաստ է Լացիոյի դեմ պայքարին Իրանցի կարատեիստն իր ոսկե մեդալը նվիրել է Արցախում զոհված Արթուր Սուքիասյանի ընտանիքին Բունդեսլիգա. 15-րդ տուրի լավագույն գոլերը (տեսանյութ) Բարսելոնայի նախկին նախագահ. Մենք հրաժարվել ենք Ռոնալդուից և ես չեմ փոշմանում Ռեալ Սոսյեդադի հարձակվող. Աբսուրդ է ասելը, թե Մեսսիի հետ ամեն ինչ վերջացած է Օբամեյանգ. Այս մրցաշրջանում ես չեմ ցուցադրում իմ լավագույն խաղը, բայց դա կարելի է շտկել
website by Sargssyan