«Տոտենհեմն» ու Պոչետինոն չեն կարողանում համաձայնության գալ
15/05/2018 12:30
Նմանատիպ
«Տոտենհեմի» ղեկավարությունը ցանկանում է երկարաձգել գլխավոր մարզիչ Մաուրիսիո Պոչետինոյի հետ պայմանագիրը։
Լոնդոնյան ակումբի նախագահ Դենիել Լևին պատրաստ է Պոչետինոյին տարեկան 8,5 միլիոն եվրո աշխատավարձով պայմանագիր առաջարկել, սակայն մարզիչն այլ պահանջներ ունի։ «The Telegraph»-ը հաղորդում է, որ Պոչետինոն ցանկանում է ամառային տրանսֆերային պատուհանի ժամանակ ձեռքբերումների համար իր տրամադրության տակ 150 միլիոն ֆունտ ունենալ։ Բացի այդ, արգենտինացի մասնագետը ցանկանում է երաշխիք ստանալ, որ Լևին կերկարաձգի թիմի առաջատարների հետ պայմանագրերը՝ բարելավելով դրանց պայմանները։
Վերոնշյալ աղբյուրի տեղեկացմամբ, Պոչետինոյի պայմանների առնչությամբ Դենիել Լևին դեռ վերջնական որոշում չի կայացրել։
Հետևեք մեզ նաև Telegram-ում