Գրոսմայստեր Կարեն Գրիգորյանը և Վահե Դանիելյանը Իրանի մրցաշարի առաջատարից հետ են կես միավորով

Գրոսմայստեր Կարեն Գրիգորյանը և Վահե Դանիելյանը Իրանի մրցաշարի առաջատարից հետ են կես միավորով

ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Իրանում ընթացող շախմատի Կարուն Մասթերս մրցաշարի առաջատարների շարքում նաև Հայաստանի ներկայացուցիչներն են:

«Արմենպրես»-ի փոխանցմամբ` մրցաշարի 5-րդ տուրում Կարեն Գրիգորյանը, Վահե Դանիելյանը և Գրիգոր Դիլանյանը հաղթանակներ տոնեցին: Պարտություն կրեց Սուսաննա Գաբոյանը:

Այժմ 5 հնարավորից հավաքելով 4 միավոր Կարեն Գրիգորյանը և Վահե Դանիելյանը կես միավոր են զիջում մրցաշարային աղյուսակի առաջատարին:

Իրանի մրցաշարին մասնակցում են 11 երկրների 53 շախմատիստ, այդ թվում՝ 6 գրոսմայստեր: Մրցաշարում Հայաստանը ներկայացնում են գրոսմայստեր Կարեն Գրիգորյանը, ով նաև մրցաշարի առաջին դասակարգված շախմատիստն է, կանանց միջազգային վարպետ Սուսաննա Գաբոյանը և ՖԻԴԵ-ի վարպետներ Գրիգոր Դիլանյանը և Վահե Դանիելյանը:

Մրցաշարի ավարտին մնացել է 4 տուր:

Հետևեք մեզ նաև Telegram-ում