Մեր մրցակիցները. Իտալիան ջախջախեց Լիխտենշտեյնին, Հունաստանը խուսափեց պարտությունից
27/03/2019 09:54
Նմանատիպ
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Ֆուտբոլի Եվրոպայի 2020 թվականի ընտրական փուլի J խմբում, որտեղ նաև Հայաստանի հավաքականն է, կայացան մյուս զույգերի հանդիպումները:
«Արմենպրես»-ի հաղորդմամբ՝ Իտալիայի հավաքականը սեփական հարկի տակ խոշոր՝ 6:0 հաշվով ջախջախեց Լիխտենշտեյնին: Իտալիայի հավաքականից աչքի ընկան Ստեֆանո Սենսին, Մարկո Վերատին, Ֆաբիո Կվալյարելան (դուբլ), Մոյզե Քինը և Լեոնարդո Պավոլետին:
Միաժամանակ ընթացող խաղում Հունաստանի ընտրանին հյուրընկալվելով Բոսնիա և Հերցեգովինային խուսափեց պարտությունից: Այստեղ հանդիպումն ավարտվեց ոչ-ոքի՝ 2:2 հաշվով:
Հայաստանի ընտրանին Երևանում 0:2 հաշվով պարտվեց Ֆինլանդիային: