«Արագածը» կրկին հաղթեց «Արթիկին». բասկետբոլ
27/03/2019 11:33
Նմանատիպ
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Հայաստանի բասկետբոլի Ա լիգայի կիսաեզրափակիչի հերթական խաղում «Արագածը» նորից հաղթանակ տոնեց:
«Արմենպրես»-ի հաղորդմամբ` Ա լիգայի 1/2 եզրափակիչում «Արագածը» սեփական հարկի տակ 86-74 հաշվով առավելության հասավ «Արթիկ-Ման Հոլդինգի» նկատմամբ և կիսաեզրափակիչում հաշիվը դարձրեց 3-1:
Հանդիպման ամենաարդյունավետ խաղացող ճանաչվեց Տամաս Բրյուսը («Արթիկ-Ման Հոլդինգ»), որը վաստակեց 31 միավոր, 13 անգամ տիրեց օղակից անրադարձող գնդակին և կատարեց 3 արդյունավետ փոխանցում:
1/2 եզրափակիչի մյուս խաղում, մարտի 27-ին միմյանց հետ ուժերը կչափեն «Արցախ» և «Ուրարտու Վիվարո» ակումբները: Հանդիպումը տեղի կունենա «ՄԻԿԱ» մարզադահլիճում ժամը 18:20-ին: