«Արագածը» դուրս եկավ բասկետբոլի առաջնության եզրափակիչ
29/03/2019 10:09
Նմանատիպ
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Բասկետբոլի Հայաստանի առաջնության եզրափակիչի առաջին մասնակիցը «Արագածն» է:
«Արմենպրես»-ի հաղորդմամբ` Ա լիգայի 1/2 եզրափակիչում «Արագածը» հյուրընկալվելիս համառ պայքարում 92-90 հաշվով առավելության հասավ «Արթիկ-Ման Հոլդինգի» նկատմամբ և դուրս եկավ եզրափակիչ փուլ:
Հանդիպման ամենաարդյունավետ խաղացող ճանաչվեց Դեշան Փարսոնսը («Արագած»), ով վաստակեց 27 միավոր, 9 անգամ տիրեց օղակից անրադարձող գնդակին և կատարեց 4 արդյունավետ փոխանցում:
Ա լիգայի եզրափակիչում «Արագածը» ուժերը կչափի «Արցախ» – «Ուրարտու» զույգի հաղթողի հետ: