Ուժային եռամարտ. հայ մարզիկները երկրորդ տեղն են զբաղեցրել Եվրոպայի Գավաթում

ԵՐԵՎԱՆ, 2 ԱՊՐԻԼԻ, Panorama.am: Ուժային եռամարտի Եվրոպայի գավաթի առաջնությունում Հայաստանի ուժային եռամարտի ֆեդերացիայի մարզիկները՝ Մանվել Գասպարյանը, Արմեն Մարտիրոսյանը, Արա Հովհաննիսյանը, Լևոն Քոչարյանը, Թաթուլ Հարությունյանը, Արայիկ Առաքելյանը, Հարութ Ավանեսյանը, Արկադյա Զաքարյանը, Կարեն Ղահրամանյանը (հավաքականի մարզիչ՝ Սերգեյ Ասատուրով), թիմային հաշվարկով զբաղեցրել են 2-րդ տեղը։

Այս մասին հայտնում է ՀՀ սպորտի և երիտասարդության հարցերի նախարարության պաշտոնական կայքը:

Անհատական հաշվարկով մրցաշարի հաղթող է դարձել 59 կգ քաշային Մանվել Գասպարյանը (395 կգ), 2-րդ տեղը զբաղեցրել են 66 կգ քաշային Արմեն Մարտիրոսյանը (465 կգ), 74 կգ քաշային Արա Հովհաննիսյանը (510 կգ), 83 կգ քաշային Լևոն Քոչարյանը (սեղմում հենարանից՝ 165 կգ), Թաթուլ Հարությունյանը (545 կգ) և 93 կգ քաշային Արայիկ Առաքելյանը (սեղմում հենարանից՝ 130 կգ):

3-րդ տեղը զբաղեցրել են 105 կգ քաշային Հարութ Ավանեսյանը (597.5 կգ), 120 կգ քաշային Արկադյա Զաքարյանը (սեղմում հենարանից՝ 165 կգ) և Կարեն Ղահրամանյանը (642.5 կգ)։