«Փյունիկ»-ի գլխավոր մարզչի պաշտոնում նշանակվել է Ալեքսանդր Տարխանովը
Նմանատիպ
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Երևանի «Փյունիկ»-ի գլխավոր մարզչի պաշտոնում նշանակվել է ռուսաստանցի Ալեքսանդր Տարխանովը: Ինչպես փոխանցում է «Արմենպրես»-ը, այդ մասին հայտնում է ակումբի մամուլի ծառայությունը։
Տարխանովը 1989 թվականին եղել է Աբովյանի «Կոտայքի» մարզչական շտաբում։
64-ամյա մասնագետը աշխատել է նաեւ ԲԿՄԱ-ում, «Կռիլյա Սովետովում», «Թերեկում», «Կուբանում», «Խիմկիում», «Ուրալում», որը նրա գլխավորությամբ դուրս է եկել 2017թ․ Ռուսաստանի գավաթի խաղարկության եզրափակիչ։
Տարխանովը նաեւ մարզել է Լիտվայի «Վետրայում», բուլղարական «Սլավիայում», վերջին շրջանում նա «Ուրալի» նախագահի խորհրդականն էր։
Անդրեյ Տալալաևը «Փյունիկը» գլխավորում էր 2018թ. հունիսից:
46-ամյա մասնագետի գլխավորությամբ «Փյունիկը» 2018/19թթ. Եվրոպայի լիգայում դուրս եկավ որակավորման 3-րդ փուլ: Անդրեյ Տալալաևը ճանաչվեց նաև 2018թ. Հայաստանի լավագույն մարզիչ: