USD
EUR
RUB

Սիմոն Մարտիրոսյան. Միանշանակ, այս հաղթանակն ամբողջ հայ ժողովրդինն է

 

ԵՐԵՎԱՆ, 13 ԱՊՐԻԼԻ, Times.am: «Եվրոպայի առաջնությունից առաջ դաստակիս վնասվածքը խանգարում էր, սակայն մրցման ժամանակ ամեն բան լավ անցավ, և այդ ցավը զգալ չտվեց: Գուցե ադրենալինն ու նպատակասլացությունը թույլ չտվեցին զգալ ցավը: Ավելի բարձր քաշերը թողել ենք աշխարհի առաջնության համար: Պետք է շատ մարզվել»,- ՀԱՕԿ-ի հաղորդմամբ՝ պատմել է Ռիո-2016 Օլիմպիական խաղերի փոխչեմպիոն Սիմոն Մարտիրոսյանը՝ Բաթումիում ընթացող ծանրամարտի Եվրոպայի առաջնության 109 կգ քաշային կարգի չեմպիոնի կոչումը նվաճելուց հետո:

Աշխարհի գործող չեմպիոնը երկամարտում գրանցել էր 427 (192+235) կգ արդյունք և 16 կգ գերազանցել երկրորդ տեղը գրաված բելառուս Անդրեյ Արամնաուին:

Նա նշել է, ոչ աշխարհի առաջնությունում հաղթանակից հետո պետք չէ թերագնահատել Եվրոպայի չեմպիոնի տիտղոսը, քանի որ ամեն ինչն էլ ունի իր տեղը:

«Զգացողություններն անկրկնելի են: Պետք է շարունակեմ աշխատել:

Մրցակցության մասին կասեմ, որ հաղթանակը հեշտ տրվեց ինձ: Ինքներդ տեսաք, որ կարող էի նույնիսկ չգալ հրում վարժության երկրորդ մոտեցմանը: Կատարեցի երկրորդ մոտեցումը, որպեսզի ապացուցեմ մրցակիցներիս, որ կարող եմ գերազանցել նրանց ցանկացած արդյունք եւ թույլ չտվեցի մտածել, որ կարող են հաղթել ինձ: Միանշանակ, այս հաղթանակն ամբողջ հայ ժողովրդինն է, այն մարդկանցը, ովքեր ունեն ներդրում՝ ծնողներս, մարզիչներս և պարոն Գագիկ Ծառուկյանը:

Շնորհավորում եմ բոլոր երկրպագուներին և կասեմ, որ սպասեն նորանոր հաղթանակների: Մարզադահլիճում երկրպագուական աջակցությունը շատ է ոգեւորում»,- նշել է Սիմոն Մարտիրոսյանը:

Հիշեցնենք, որ Սիմոն Մարտիրոսյանը փոքր ոսկե մեդալներ էր նվաճել նաև պոկում ու հրում վարժություններում: Նախորդ տարվա նոյեմբերին Թուրքմենստանի մայրաքաղաք Աշգաբադում անցկացված ծանրամարտի աշխարհի առաջնությունում Սիմոն Մարտիրոսյանը չեմպիոնի կոչումը նվաճել էր երկամարտի 435 (195+ 240) կգ արդյունքով և սահմանել աշխարհի ռեկորդ: Եվրոպայի առաջնությունում սա Հայաստանի չորրորդ մեդալն էր երկամարտում:

Ապրիլի 13-ին Հայաստանի ներկայացուցիչ Սամվել Գասպարյանը (102 կգ) դարձել էր Եվրոպայի փոխչեմպիոն: Ավելի վաղ 89 կգ քաշային կարգում Հակոբ Մկրտչյանը նվաճել էր Եվրոպայի չեմպիոնի կոչումը, իսկ Դավիթ Հովհաննիսյանը դարձել էր բրոնզե մեդալակիր: Եվրոպայի առաջնության վերջին օրը պայքարի մեջ կմտնեն նաև Արփինե Դալալյանը (+87 կգ), օլիմպիական փոխչեմպիոն Գոռ Մինասյանն ու Ռուբեն Ալեքսանյանը (+109 կգ):

Լրահոս
«Յուվենտուսը» պայմանավորվել է Սարիի հետ Լևոն Արոնյանը 3-րդն է Norway chess-ում Պաուլո Մալդինին դարձել է «Միլան»-ի տեխնիկական տնօրեն Մարզիկները պատրաստ են Եվրոպական երկրորդ խաղերին. ՀԱՕԿ նախագահը հանդիպեց նրանց Հայաստանի ֆուտբոլի ազգային հավաքականը ՖԻՖԱ-ի աղյուսակում առաջադիմել է 9 աստիճանով 4 շախմատիստ գլխավորում է Կարեն Ասրյանի հուշամրցաշարի աղյուսակը «Չելսիի» դարպասապահ Էդուարդուն տեղափոխվում է «Բրագա» «Ուրարտու»-ն ևս մեկ նոր բասկետբոլիստ ունի «Ալաշկերտը» կխաղա կանանց ՉԼ-ի որակավորման փուլում Կանանց Մ-19 հավաքականը սկսել է ուսումնամարզական հավաք «Ուրարտու»-ն նոր բասկետբոլիստ ունի Լևոն Արոնյանը Norway chess-ում դեռևս երկրորդ տեղում է «Արարատ»-ի ֆուտբոլիստը հեռացել է թիմից Հայ շախմատիստներից շատերը հաղթանակով են մեկնարկել Կարեն Ասրյանի հուշամրցաշարում Ազատ ոճային ըմբիշների մարզիչը գոհ է թիմից, բայց ավելին էր ակնկալում Հայաստանի ֆուտբոլի Մ18 հավաքականը խոշոր հաշվով հաղթեց Տաջիկստանին Դժվարին հաղթանակ էր. Արմեն Գյուլբուդաղյանց Մեր մրցակիցները. Իտալիան և Ֆինլանդիան հաղթեցին Հայաստանի ընտրանին J խմբում բարձրացավ երրորդ հորիզոնական Հայաստանի ֆուտբոլի թիմն Աթենքում հաղթեց Հունաստանին Ֆուտբոլի երիտասարդական ընտրանին հաղթեց Մոլդովային «Ռոմա»-ն պաշտոնապես նոր մարզիչ ունի Ռոնալդուն հրաժարվել է խոսել «Ոսկե գնդակ»-ից «Յուվենտուս»-ն ուզում է գնել «Ռեալ»-ի 4 ֆուտբոլիստի Չեմպիոնների լիգայի ձևաչափը չի փոխվի Ֆուտբոլի Հունաստանի ընտրանին կորուստ ունի Հայաստանի դեմ խաղից առաջ Ոչինչ չունենք ապացուցելու. Արմեն Գյուլբուդաղյանց Արոնյանը դեռևս երրորդն է Նորվեգիայի մրցաշարում Կարևորը 3 միավորն է. Գևորգ Ղազարյան Մահացել է «Տոտենհեմի» նախկին ֆուտբոլիստը ConiFA-ի առաջնության օրերին կառուցած կամուրջը հնարավորություն է միավորելու սերունդներին. Արցախի պետնախարար Նադալը մինչ Ուիմբլդոն ոչ մի մրցաշարի չի մասնակցի Պոլ Պոգբան կարող է միանալ «Յուվենտուս»-ին Կարեն Խաչանովը ATP լավագույն տասնյակում է Հունաստան-Հայաստան խաղը կսպասարկի Էստոնիայի մրցավարական անձնակազմը Պորտուգալիայի հավաքականը հաղթեց Ազգերի լիգայում Հարավային Օսիայի հավաքականը հռչակվեց CONIFA 2019-ի Եվրոպայի առաջնության հաղթող Ըմբիշ Հրաչյա Մարգարյանը դարձավ Եվրոպայի երիտասարդների չեմպիոն Արոնյանը ոչ-ոքի խաղաց Մաքսիմ Վաշիե-Լագրավի հետ Ազատ ոճային ըմբիշները 2 բրոնզե մեդալ են նվաճել ԵԱ-ում
website by Sargssyan