ՀՖՖ խոստորեն դատապարտել է «Բանանց»-ին

ՀՖՖ խոստորեն դատապարտել է «Բանանց»-ին

ԵՐԵՎԱՆ, 23 ԱՊՐԻԼԻ, Times.am: Հայաստանի ֆուտբոլի ֆեդերացիան դատապարտել է «Բանանց»-ի՝ Հայաստանի գավաթի խաղարկության կիսաեզրափկչի խաղից հրաժարվելու փաստը:

Ֆեդերացիայի տարածած հաղորդագրության մեջ մասնավորապես ասվում է. «Հայաստանի ֆուտբոլի ֆեդերացիան խստորեն դատապարտում է Ջևան Չելոյանցի վարքագիծը: Որևէ ակումբ կամ անձ իրավունք չունի պայմաններ թելադրելու Հայաստանի ֆուտբոլի ֆեդերացիային: Որևէ մեկը նաև իրավունք չունի խաթարելու ՀՖՖ հովանու ներքո անցկացվող միջոցառումների բնականոն կազմակերպումն ու ընթացքը: Մրցավարների ընտրությունը և նրանց գործողություններին գնահատական տալը բացառապես Հայաստանի ֆուտբոլի ֆեդերացիայի իրավասությունն է: Համապատասխան պատժամիջոցները կսահմանվեն ՀՖՖ Կարգապահական կոմիտեի կողմից՝ գործող կանոնակարգի համաձայն»:

Ֆուտբոլի Հայաստանի գավաթի խաղարկության կիսաեզրափակչում «Բանանց»-ը տեխնիկական պարտություն կրեց և դուրս մնաց պայքարից:Վանաձորի ֆուտբոլի ակադեմիայում կայանալիք խաղի մեկնարկում «Բանանց»-ի ֆուտբոլիստները դուրս եկան մարզադաշտ, ողջունեցին «Լոռի»-ի ֆուտբոլիստներին: Այնուհետև «Բանանց»-ի ֆուտբոլիստները և մարզչական շտաբը լքեցին մարզադաշտը:

Հետևեք մեզ նաև Telegram-ում