«Ռեալ»-ն իր կազմում չի տեսնում Բեյլին
23/04/2019 11:50
Նմանատիպ
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Մադրիդի «Ռեալ»-ի հարձակվող Գարեթ Բեյլը առաջիկայում կարող է հեռանալ արքայական ակումբից:
«Արմենպրես»-ի հաղորդմամբ` այս մասին գրում է Marca-ն: «Ռեալ»-ի երկրպագուները նախորդ խաղերի ընթացքում սուլել են ուելսցի ֆուտբոլիստին: Արքայական ակումբը ձգտում է վաճառել նրան, նույնիսկ քննարկվում է հարձակվողին վարձավճարով այլ թիմի տրամադրելու տարբերակը:
Գարեթ Բեյլը «Ռեալ» է տեղափոխվել 2013 թվականին՝ այդ ժամանակ ռեկորդային գումարի դիմաց: Բեյլը պրոֆեսիոնալ կարիերան սկսել է «Սաութհեմփթոն»-ում։ 2007 թվականին նա տեղափոխվել է «Տոտենհեմ» 7 միլիոն եվրոյի դիմաց։