«Այաքս»-ը Չեմպիոնների լիգայի կիսաեզրափակչի առաջին խաղում հաղթեց «Տոտենհեմ»-ին
01/05/2019 10:32
Նմանատիպ
ԵՐԵՎԱՆ, 1 ՄԱՅԻՍԻ, ԱՐՄԵՆՊՐԵՍ: Ֆուտբոլի Չեմպիոնների լիգայի 2018/19 մրցաշրջանի կիսաեզրափակչի առաջին խաղում «Այաքս»-ը նվազագույն հաշվով հաղթեց «Տոտենհեմ»-ին (0:1):
«Արմենպրես»-ի հաղորդմամբ՝ մեկնարկային 10 րոպեների ընթացքում թիմերը շատ հաշվենկատ էին գործում: Եվ առաջինն իր հնաավորությունն արդյունավետը օգտագործեց Ամստերդամի «Այաքս»-ը, երբ մրցակցի տուգանային հրապարակում առաջինը կողմնորոշվեց վան դե Բեկը՝ ճիշտ հարվածով առաջ մղեց թիմին:
Երկրորդ կեսում խաղային իրավիճակին ավելի շատ տիրում էր «Տոտենհեմ»-ը: Ի վերջո անգլիական ակումբը չկարողացավ որևէ փոփոխություն մտցնել հաշվի մեջ և «Այաքս»-ը հաղթեց նվազագույն հաշվով:
Այս թիմերի պատասխան հանդիպումը կկայանա մայիսի 8-ին՝ Ամստերդամում: