Հաղթելու համար մենք պետք է անթերի գործենք. Յուրգեն Կլոպ
Նմանատիպ
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: «Լիվերպուլ»-ի գլխավոր մարզիչ Յուրգեն Կլոպը կարծում է, որ «Բարսելոնա»-ին` Չեմպիոնների լիգայի կիսաեզրափակչի պատասխան խաղում հաղթելու համար, անգլիական ակումբը պարզապես պետք է անթերի գործի:
«Իհարկե, ոչ մեկ չէր ցանկանա հայտնվել այնպիսի իրավիճում, ինչպես մենք, երբ առաջին խաղում պարտվել են 3:0 հաշվով: Մենք պետք է խփենք 4 գոլ եզրափակիչ դուրս գալու համար, այնինչ մեզ չեն օգնելու աշխարհում լավագույնների մեջ մտնող 2 հարձակվողները: Բարդ իրավիճակում ենք: Սակայն մենք փորձելու ենք ամեն ինչ անել: Հաղթելու համար մենք պետք է անթերի գործենք»,-«Արմենպրես»-ի հաղորդմամբ` ասել է Կլոպը:
Գերմանացի մասնագետը իր միտք եզրափակել է` շեշտելով, որ գուցե սա «Լիվերպուլ»-ի վերջին խաղն է Չեմպիոնների լիգայի ընթացիկ մրցաշրջանում և պետք է խաղից պարզապես հաճույք ստանալ:
Թիմերն ընդհանուր առմամբ միմյանց դեմ մրցել են 9-ն անգամ, 3 հաղթանակ տոնել է «Բարսելոնա»-ն, 3-ը` «Լիվերպուլ»-ը և 3 խաղ ավարտվել է խաղաղ արդյունքով: «Բարսելոնա»-ն խփել է 9 գոլ, իսկ «Լիվերպուլ»-ը` 6: Չեմպիոնների լիգայի կիսաեզրափակչի «Լիվերպուլ»-«Բարսելոնա» խաղը կկայանա մայիսի 7-ին և կմեկնարկի Երևանի ժամանակով 23:00-ին: