USD
EUR
RUB

Ֆուտբոլի Իռլանդիայի թիմի մարզիչը Հայաստանի ընտրանուն լուրջ հակառակորդ է համարում

 

ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Ֆուտբոլի Իռլանդիայի մինչև 19 տարեկանների թիմի գլխավոր մարզիչ Թոմ Մոհանը Եվրո-2019-ի առաջնությունում Հայաստանի ընտրանուն լուրջ մրցակից է համարում:

«Արմենպրես»-ի հաղորդմամբ` ՀՖՖ պաշտոնական կայքը շարունակում է Մ-19 Եվրո-2019-ի մասնակից հավաքականների գլխավոր մարզիչների հետ հարցազրույցների շարքը: Իռլանդիայի Մ-19 հավաքականը մեկ շնչով անցկացրեց որակավորման փուլը՝ վստահորեն հաղթելով իր բոլոր մրցակիցներին. Էլիտ փուլի 3 խաղում իռլանդացիները 10 գոլ խփեցին։ Գլխավոր մարզիչ Թոմ Մոհանը Հայաստան թիմ առաջնորդելու փորձ ունի։

-Ինչպե՞ս կամփոփեք որակավորման նախնական և էլիտ փուլերը Իռլանդիայի հավաքականի համար։

-Մեր թիմը հաջողությամբ խաղաց որակավորման ողջ ընթացքում։ Ընտրական բարդ խմբում ընդգրկվեցինք, բայց կարողացանք հաղթել Բոսնիայի և Հերցեգովինայի, Ֆարերյան կղզիների և Նիդերլանդների հավաքականներին։ Վիճակահանությանը լավագույնների հետ մասնակցելը մեծ խթան է մեր խաղացողների համար։ Բացի այդ, դժվար ուղևորություն ունեցանք դեպի Կրասնոդար, որտեղ ուժերը չափեցինք ոճով և համակարգերով իրարից տարբերվող 3 թիմի հետ (Ռումինիա, Ադրբեջան, Ռուսաստան)։ Այս անգամ էլ տղաները ցույց տվեցին, որ ունակ են հաղթահարելու այսպիսի բարդ արգելք և որակավորվել եզրափակիչ փուլի համար։ Ֆուտբոլիստների և անձնակազմի մարտական ոգին բարձր է։ Թիմի որակյալ ելույթով երկիրը հպարտ է։ Մարդկանց մեծ խմբի ջանքերի շնորհիվ այս ֆուտբոլիստները կրթվել են՝ անցնելով մասսայական ֆուտբոլից ազգային լիգայի և Միացյալ Թագավորության այլ ակումբներ։ Այս ֆուտբոլիստները վաղուց կառուցվածքային միևնույն համակարգի մասն են։ Եվրոպայի մինչև 17 տարեկանների առաջնության եզրափակիչ փուլին մասնակցելու փորձ ունեն։

-Եզրափակիչ փուլի մասնակիցներից միայն երեքը՝ նույն թվում Իռլանդիան, Եվրոպայի չեմպիոնի կոչումը չի նվաճել։ Ի՞նչ եք սպասում այս անգամ։

-Պետք է համբերենք վիճակահանությանը, որ պարզենք մեր մրցակիցներին, հետո կենտրոնանանք ամեն հերթական խաղին։ Ամբողջ մրցաշրջանում պատրաստվել ենք խմբից դուրս գալու տեսլականով։ Անձնակազմիս հետ ծանր աշխատանք ենք կատարելու խաղացողներին տակտիկապես ու ֆիզիկապես նախապատրաստելու համար։ Նպատակն է բարձրակարգ մրցակիցների դեմ լավագույնս ներկայանալ. Թեժ է լինելու։ Մեր խաղացողները ֆանտաստիկ ունակություններ ու կայունություն դրսևորեցին եզրափակչի ճանապարհին։ Այս անգամ հնարավորություն ունեն ուժերը չափելու այս տարիքային խմբի եվրոպական էլիտայի հետ։ Կարևոր է վայելել այս առաջնությունը և անպայման իրացնել մեծ ֆուտբոլ փոխադրվելու հնարավորությունը, ինչպես ժամանակին արել են ազգային թիմի գործող ու նախկին ֆուտբոլիստները։

-Ըստ Ձեզ՝ ո՞ր թիմերն են հավակնում Եվրոպայի Մ-19 առաջնության չեմպիոնի կոչմանը։

-Վիճակահանությունից շատ բան է կախված, դժվար է կանխավ ինչ-որ բան ասել։ Բարձրակարգ հավաքականներից մասնակցում են Իսպանիան, Ֆրանսիան, նախորդ առաջնության եզրափակիչում իրար հանդիպած Պորտուգալիան և Իտալիան։ Գերմանիայի և Անգլիայի պես հավաքականները չորակավորվեցին, ինչը վկայում է Չեխիայի (խմբում շրջանցեց բոլորին, նույն թվում՝ Անգլիային) ու Նորվեգիայի (հաղթեց Գերմանիայի մասնակցությամբ խմբային մրցաշարում) որակակական բարձր հատկանիշների մասին։ Հայաստանի հավաքականն առավելություն կունենա որպես տանտեր, լավագույնս կնախապատրաստվի եղանակային շոգ պայմաններին։ Տարիքային այս առանձնահատուկ խմբում Հայաստանի հավաքականն ամեն բան կանի ամբողջովին կենտրոնացած ներկայանալու համար։

-Ի՞նչ գիտեք Հայաստնի մասին։

-Մարզում էի Իռլանդիայի Մ-17 հավաքականին, երբ 2013-ին Հայաստանում խաղացինք Ջիբրալթարի, Անգլիայի և տեղի հավաքականների հետ։ Անձնակազմիս մյուս անդամներն էլ լավ հիշողություններ ունեն Երևանից: Ծանոթ ենք Հայաստանի մշակույթին ու ժողովրդին, սա լրացուցիչ իմացություն է մեզ համար։ Ակնկալում ենք տեսնել Հայաստանի՝ բավական լավ պատրաստված հավաքականի, որը մեծ հպարտությամբ հյուրընկալելու է մյուս մասնակիցներին։ Անկասկած, դժվար մրցակից կդառնա ցանկացած թիմի համար։ Տեղյակ եմ, որ Հայաստանի Մ-19 հավաքականի ֆուտբոլիստները ժամանակին որակավորվել են Մ-17 Էլիտ փուլի համար՝ ճանապարհին հաղթելով Իսլանդիային, ոչ-ոքի խաղալով Լեհաստանի հետ։

 

 

Լրահոս
Գրոսմայստեր Կարեն Գրիգորյանը՝ Սիուդադ դե Տրես Կանտոս Օփենի հաղթող Գրոսմայստեր Տիգրան Հարությունյանը հաջող մասնակցություն է ունեցել իսպանական երկու մրցաշարում «Բարսելոնա»-ն 10-րդ պայմանագիրը կառաջարկի Մեսսիին «Յուվենտուս»-ը ևս հետաքրքրված է Նեյմարով «Ռեալ»-ն աշխարհի ամենաթանկ ֆուտբոլային ակումբն է Ռակիտիչն ուզում է մնալ «Բարսելոնա»-ում Հայկ Մարտիրոսյանը երկրորդն է արագ շախմատում Խամես Ռոդրիգեսը կարող է հաջորդ շաբաթ միանալ «Ատլետիկո»-ին Աշխարհի ուժեղագույն ֆուտբոլիստը՝ ըստ Նեյմարի Մուհամեդ Սալահին առաջարկում են ռեկորդային աշխատավարձ Սկանդալ «Բարսելոնա» ակումբի շուրջ Կլոպը նոր մրցաշրջանի ֆավորիտ է համարում «Մանչեսթեր Սիթի»-ն Ռոբերտ Հովհաննիսյանը հաղթել է Իսպանիայի շախմատային մրցաշարում Սևանում անցկացվեց Շինկիոկուշին կարատեի ֆեդերացիայի կողմից կազմակերպված ուսումնա-մարզական ջամբարը «Արարատ-Արմենիա»-ն դեռ աճի տեղ ունի. Վարդան Մինասյան «Ռեալ»-ը պատրաստ է վաճառել Իսկոյին Շնորհակալություն, Լոս Անջելե՛ս. Հենրիխ Մխիթարյան Հայաստանի Գավաթ. հայտնի են 2019/20 խաղարկության ձևաչափը և խաղացանկը ԵԼ․ «Բանանցը» պարտվեց և լքեց պայքարը Հայաստանի ֆուտբոլի առաջնությունը կմեկնարկի օգոստոսի 2-ին Մոդրիչը կարող է տեղափոխվել «Միլան» Վարդան Մինասյանի «Արարատ-Արմենիան» չի պատրաստվում միայն պաշտպանվել «Արսենալն» առաջիկայում նոր համալրումներ կունենա Հունահռոմեական ոճի հայ ըմբիշները կմասնակցեն միջազգային մրցաշարերի Ալաշկերտը ժամանել է Սկոպյե Դատարանը Մեսսիին կոչ է արել ներողություն խնդրել Զիդանի որդին հանդես կգա Պորտուգալիայի առաջնությունում «Արսենալ»-ն ընկերական խաղում հաղթել է ամերիկյան թիմին Հայաստան -Իսպանիա. 1:4 Ջոկովիչ. Նադալն ու Ֆեդերերը հիմնական պատճառներն են, թե ինչու եմ շարունակում խաղալ «Բարսելոնան» տրանսֆերների վրա 5 տարում մեկ միլիարդ եվրոյից ավելի է ծախսել Արթուր Ոսկանյան. Պատրաստ ենք նման թիմերի դեմ խաղալուն Հայաստանի Մ20 հավաքականը պարտվել է Շվեդիային Ֆեդերերը հաղթել է Նադալին և դուրս եկել Ուիմբլդոնի եզրափակիչ ԵԼ․ «Բանանցը» պարտվել է առաջին խաղում «ՄՅու»-ն Լուկակուի համար «Ինտերից» 85 միլիոն եվրո է պահանջում Ալեքսանդր Կարապետյանը տեղափոխվել է «Սոչի» ակումբ «Արսենալի» խաղացողն արտասվել է ռասիստական վիրավորանքի պատճառով և լքել դաշտը Եվրո-2019-ի ամեն խաղի հաղթանակի հասնելու ձգտումով ենք մասնակցելու. Արթուր Ոսկանյան «Լիվերպուլի» երկրպագուին արգելել են երեք տարով այցելել խաղերին
website by Sargssyan