Կարեն Գրիգորյանը Վաշինգտոնի մրցաշարում կիսեց 1-2-րդ տեղերը
30/05/2019 16:57
Նմանատիպ
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Գրոսմայստեր Կարեն Գրիգորյանը Վաշինգտոնի միջազգային մրցաշարում կիսեց 1-2 տեղերը:
«Արմենպրես»-ի հաղորդմամբ` ԱՄՆ մայրաքաղաք Վաշինգտոնում ավարտվեց Չերրի Բլոսոմ միջազգային մրցաշարը, որն այս տարի անցկացվում էր 7-րդ անգամ: Մրցաշարին մասնակցում էին 10 երկրների 62 շախմատիստմ, այդ թվում՝ 12 գրոսմայստեր: Մրցաշարում Հայաստանը ներկայացնում էր գրոսմայստեր Կարեն Գրիգորյանը, ով 9 հնարավորից վաստակեց 7 միավոր և Չինաստանը ներկայացնող Ժոու Չիանչաոյի հետ կիսեց 1-2-րդ հորիզոնականները: Մրցաշարում լրացուցիչ ցուցանիշների հաշվարկ չէր իրականացվում: Գրիգորյանը նաև 15 կետով բարելավեց իր անհատական վարկանիշը: