Արոնյանը ոչ-ոքի խաղաց Մաքսիմ Վաշիե-Լագրավի հետ
09/06/2019 16:35
Նմանատիպ
ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Հայկական շախմատի առաջատար Լևոն Արոնյանը Նորվեգիայի գերխոշոր մրցաշարի 4-րդ տուրում ոչ-ոքի ավարտեց մրցապայքարը Վաշիե-Լագրավի հետ:
«Արմենպրես»-ի հաղորդմամբ՝ Norway chess մրցաշարի հերթական՝ 4-րդ տուրում, Արոնյանը մրցեց Մաքսիմ Վաշիե-Լագրավի հետ և դասական պարտիան ավարտեց ոչ-ոքի արդյունքով: Այնուհետ գրոսմայստերները մրցեցին արագ շախմատում, որը ևս ավարտվեց խաղաղ արդյունքով:
Այժմ Արոնյանն ունի 4,5 միավոր և մրցաշարային աղյուսակում 4-րդ տեղում է: Առաջատարն աշխարհի գործող չեմպիոն Մագնուս Կարլսենն է 6,5 միավորով:
Արոնյանի հաջորդ մրցակիցը Չինաստանից Դին Լիրենն է: