«Բանանց»-ը վերսկսել է մարզումները
17/06/2019 15:49
Նմանատիպ
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Երևանի «Բանանց» ֆուտբոլային ակումբը հանգստից հետո նորից մարզվում է:
«Արմենպրես»-ին այս մասին տեղեկացրին ակումբից: 15-օրյա հանգստից հետո թիմը վերադարձել է բնականոն մարզումներին: Երևանյան ակումբը նախապատրաստվում է Եվրոպայի լիգայի որակավորման առաջին փուլի խաղին:
Եվրոպայի լիգայի որակավորման փուլի վիճակահանությունը կկայանա հունիսի 18-ին և դրանից հետո միայն հայտնի կլինի հայկական ակումբի մրցակիցը:
Անցած մրցաշրջանում «Բանանց»-ը Հայաստանի առաջնության բարձրագույն խմբում զբաղեցրեց երրորդ հորիզոնականը: