«Նոա» ֆուտբոլային ակումբից հեռացել է 6 ֆուտբոլիստ
22/06/2019 15:00
Նմանատիպ
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Երևանի «Նոա» ֆուտբոլային ակումբից հեռացել է 6 ֆուտբոլիստ։
«Արմենպրես»-ի հաղորդմամբ՝ ակումբի հետ երկկողմ համաձայնությամբ խզվել են կիսապաշտպաններ Արթուր Գրիգորյանի և Էդուարդ Ավագյանի պայմանագրերը, հարձակվող Վարդան Բակալյանի, կիսապաշտպան Եմիլ Եղիազարյանի և դարպասապահ Սամուր Ագամագոմեդովի պայմանագրերը ավարտվել ու չեն երկարաձգվել, ավարտվել է նաև պաշտպան Հակոբ Համբարձումյանի վարձավճարի ժամկետը։
«Արցախ»-ը պաշտոնապես անվանափոխվել է Երևանի «Նոա» ֆուտբոլային ակումբ, այս անվան տակ էլ թիմը հանդես կգա Հայաստանի Ֆուտբոլի Բարձրագույն խմբի 2019-20թթ. առաջնությունում։
Անցած մրցաշրջանում «Արցախ» ակումբը մրցաշարային աղյուսակում նախավերջին տեղում էր:
Հետևեք մեզ նաև Telegram-ում