«Բարսելոնա»-ն Ռակիտիչին «Մանչեսթեր Սիթի»-ն կվաճառի միայն 50 միլիոն եվրոյի դիմաց
29/06/2019 11:54
Նմանատիպ
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Կատալոնական «Բարսելոնա»-ն պատրաստ է հրաժարվել խորվաթ ֆուտբոիստ Իվան Ռակիտիչի ծառայություններից միայն 50 միլիոն եվրո ստանալու դեպքում:
«Արմենպրես»-ի հաղորդմամբ` այս մասին գրում է Diario Sport-ը: Ըստ պարբերականի «Բարսելոնա»-ն պատրաստ է խորվաթ ֆուտբոլիստին վաճառել անգլիական «Մանչեսթեր Սիթի»-ին: «Քաղաքայինների» ղեկավարությունն արդեն կապ է հաստատել իսպանական թիմի հետ և ֆուտբոլիստի համար առաջարկել է 35 միլիոն եվրո: Սակայն «կապտանռնագույնները» մտադիր են ֆուտբոլիստի համար ստանալ 50 միլիոն եվրոյից ոչ պակաս:
31-ամյա Ռակիտիչը «Բարսելոնա»-ում հանդես է գալիս 2014 թվականից: Իսկ 2018 թվականի խորվաթ ֆուտբոլիստն աշխարհի առաջնության ժամանակ ազգային ընտրանու կազմում դարձավ Մունդիալի բրոնզե մեդալակիր: