«Ռեալ»-ն աշխարհի ամենաթանկ ֆուտբոլային ակումբն է
23/07/2019 11:32
Նմանատիպ
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Մադրիդի «Ռեալ»-ն աշխարհի ամենաթանկ ֆուտբոլային ակումբն է:
«Արմենպրես»-ի հաղորդմամբ` այս մասին գրում է Forbes-ը: «Արքայական» ակումբը գլխավորում է Forbes-ի կազմած աղյուսակը: Թիմի արժեքը ընդհանուր առմամբ կազմում է 4,42 միլիարդ ԱՄՆ դոլար: Միայն 2018 թվականին Չեմպիոնների լիգայում երրորդ անընդմեջ հաղթանակի շնորհիվ ակումբը ստացել է 100 միլիոն դոլար: «Սերուցքայինները» կարող են նաև պայմանագիր կնքել Adidas-ի հետ, որը կկազմի 1,8 միլիարդ ԱՄՆ դոլար:
Forbes-ի կազմած աղյուսակի երկրորդ տեղում կատալոնական «Բարսելոնա»-ն է, որն արժե 4 միլիարդ դոլար: Իսկ եռյակի վերջում անգլիական «Մանչեսթեր Յունայթեդ»-ն է (3,8 միլիարդ դոլար):