ՊՍԺ-ն Նեյմարին վաճառելու համար ավելի քիչ գումար է ուզում
30/07/2019 13:49
Նմանատիպ
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Ֆրանսիական ՊՍԺ ֆուտբոլային ակումբը Նեյմարի հրաժարագինն իջեցրել է:
«Արմենպրես»-ի հաղորդմամբ` վերջին շաբաթների ընթացքում ՊՍԺ-ն հրաժարվում էր վաճառել բրազիլացի հարձակվողին և պահանջում էր 300 միլիոն եվրո հրաժարագին: Այժմ ակումբը Նեյմարին վաճառելու համար պահանջում է 180 միլիոն:
Ավելի վաղ հայտնի դարձավ, որ Նեյմարը չի մասնակցի ՊՍԺ-ի մինչ մրցաշրջանի մեկնարկի խաղերին, այդ թվում նաև օգոստոսի 3-ին կայանալիք Ֆրանսիայի սուպեր գավաթին, որտեղ ՊՍԺ-ն կմրցի «Ռեն»-ի հետ:
Բրազիլացին կարող է միանալ կատալոնական «Բարսելոնա»-ին, որտեղ հանդես էր գալիս 2012-2017 թվականներին կամ էլ միանալ Թուրինի «Յու վենտուս»-ին: