Նորայր Հախոյանը դուրս է եկել Թբիլիսիի մրցաշարի եզրափակիչ
08/08/2019 19:22
Նմանատիպ
ԵՐԵՎԱՆ, 8 ՕԳՈՍՏՈՍԻ, Panorama.am: 55 կգ քաշային հունահռոմեական ոճի ըմբիշ Նորայր Հախոյանը դուրս է եկել Վրաստանի մայրաքաղաք Թբիլիսիում ընթացող Բալավաձեի և Կարտոզիայի անվան ըմբշամարտի միջազգային մրցաշարի եզրափակիչ:
Հախոյանը ոսկե մեդալի համար կպայքարի իրանցի ըմբիշի հետ: Նույն քաշային կարգում բրոնզե մեդալի համար կպայքարի նաև Ռուդիկ Մկրտչյանը, որը պարտվել էր հենց Նորայր Հախոյանին:
Բրոնզե մեդալի համար կպայքարի նաև 72 կգ քաշային Հրանտ Կալաչյանը:
Մրցաշարի հաղթողը և մեդալակիրները կպարգևատրվեն համապատասխանաբար՝ 1000, 800 և 500-ական դոլարով:
Հետևեք մեզ նաև Telegram-ում