Հայաստանի հավաքականի խաղերի տոմսերն արդեն վաճառքում են

ԵՐԵՎԱՆ, 26 ՕԳՈՍՏՈՍԻ, Panorama.am: Օգոստոսի 26-ից սկսվում է Եվրո-2020-ի ընտրական փուլի Հայաստան – Իտալիա և Հայաստան – Բոսնիա և Հերցեգովինա խաղերի տոմսերի վաճառքը։

ՀՖՖ-ի գնային նոր քաղաքականության համաձայն՝ կրկին մեծամասնություն կկազմեն 1000 դրամ արժողությամբ տոմսերը։

Ֆեդերացիայից տեղեկացնում են, որ Հայաստան – Իտալիա հանդիպումը նախատեսված է սեպտեմբերի 5-ին՝ ժամը 20։00-ին, Հայաստան – Բոսնիա և Հերցեգովինա մրցավեճը՝ սեպտեմբերի 8-ին՝ ժամը 17։00-ին։

Տոմսերը կարելի է ձեռք բերել «Հանրապետական» մարզադաշտի՝ Վրացյան և Չարենցի փողոցներում տեղակայված տոմսարկղերից։ Տոմսարկղերը կգործեն ամեն օր՝ ժամը 12։00-ից 20։00-ը։ Միևնույն անձի կողմից 5 տոմսից ավելի ձեռք բերելու դեպքում ինքնությունը հաստատող փատաթղթի առկայությունը պարտադիր է։ Կուտակումներից խուսափելու համար ՀՖՖ-ն հորդորում է խաղի օրը մարզադաշտ գալ մեկնարկից 2 ժամ առաջ։

Տոմսերի արժեքը՝ ըստ խաղերի՝

Հայաստան – Իտալիա՝

Արևմտյան տրիբունայի կենտրոնական հատված -12000 դրամ

Արևմտյան տրիբունայի կողային հատվածներ – 10000 դրամ

Արևելյան տրիբունայի կենտրոնական հատված -6000 դրամ

Արևելյան տրիբունայի կողային հատվածներ -3000 դրամ

Հյուսիսային և հարավային տրիբունաներ – 1000 դրամ

Հայաստան – Բոսնիա և Հերցեգովինա

Արևմտյան տրիբունայի կենտրոնական հատված -9000 դրամ

Արևմտյան տրիբունայի կողային հատվածներ – 7000 դրամ

Արևելյան տրիբունայի կենտրոնական հատված -5000 դրամ

Արևելյան տրիբունայի կողային հատվածներ -3000 դրամ

Հյուսիսային և հարավային տրիբունաներ – 1000 դրամ։