USD
EUR
RUB

Ովքեր չեն խաղա Իտալիայի դեմ․ Մեր հավաքականի խիստ վտանգավոր օղակը․․․

 

ԵՐԵՎԱՆ, 2 ՍԵՊՏԵՄԲԵՐԻ, 1in.am: Ֆուտբոլի Հայաստանի ազգային հավաքականի գլխավոր մարզիչ Արմեն Գյուլբուդաղյանցը հրապարակեց սեպտեմբերի 5-ին և 8-ին կայանալիք Իտալիայի և Բոսնիա-Հերցեգովինայի հետ հանդիպումների վերջնական հայտացուցակը: Գյուլբուդաղյանցը հրավիրել է 25 ֆուտբոլիստների, որոնցից 13-ը ներկայացնում են հայկական թիմերը: Ծնկի հետ կապված խնդիրների պատճառով վերջնական հայտացուցակից դուրս է մնացել Մարկոս Պիզելին: Խաղային պրակտիկա չունենալու պատճառով հավաքական չեն հրավիրվել առաջատար խաղացողներ՝ Յուրա Մովսիսյանն ու Արաս Օզբիլիսը: Վերջինս կարիերան շարունակելու է Երևանի «Փյունիկում» և հուսանք որ առաջիկա հոկտեմբերին Օզբիլիսը կկարողանա օգնել մեր ազգային թիմին: Արմեն Գյուլբուդաղյանցը ըստ էության ընտրել է օպտիմալ կազմ:

Հրավիրվածների շարքում շատ են ֆուտբոլիստները, որոնց խաղը վերջին շրջանում տպավորում է: Խոսքը հատկապես վերաբերվում է Էրիկ Վարդանյանին, Կառլեն Մկրտչյանին, Կամո Հովհաննիսյանին, Տիգրան Բարսեղյանին, Արթուր Միհրանյանին: Որոշակի վերապահումով կարելի է ասել, որ խաղային օղակները բալանսավորված պատկեր ունեն: Միակ արժանի ֆուտբոլիստը, որը տեղ չի գտել Գյուլբուդաղյանցի ցուցակում «Փյունիկի» եզրային պաշտպան Արմեն Մանուչարյանն է: Կարծում ենք այս ֆուտբոլիստն արժանի էր հավաքական հրավիրվելուն: Ամեն դեպքում վերջնական որոշումը կայացնում է գլխավոր մարզիչը:

Միակ լուրջ խնդիրը հավաքականում դարպասապահի հարցն է: Գյուլբուդաղյանցը նախապատրաստական հավաքին հրավիրել է միանգամից 4 դարպասապահների՝ Արամ Հայրապետյանին և Անատոլի Այվազովին՝ «Ուրարտուից», Արսեն Բեգլարյանին բելառուսական «Դնեպրից» և Արման Մելիքսեթյանին Երևանի «Նոա» ակումբից: Վերջին շրջանում մեր հիմնական դարպասապահը՝ Արամ Հայրապետյանը, խիստ անկայուն խաղ է ցուցադրում «Ուրարտուի» կազմում՝ թույլ տալով մանկական սխալներ: Բարձրագույն խմբի «Նոա»-ի հետ վերջին խաղում «Ուրարտուի» գլխավոր մարզիչը նրան թողել էր պահեստայինների շարքում՝ հիմնական կազմում ընդգրկելով Անատոլի Այվազովին: Իրավիճակն իսկապես մտահոգիչ է: Որքանո՞վ ճիշտ կլինի Հայրապետյանին վստահելը Իտալիայի պես հավաքականի դեմ խաղում: Նույն Այվազովը, որը կարծես վատ մարզավիճակում չէ ազգային թիմի կազմում ոչ մի պաշտոնական հանդիպում չի անցկացրել: Արսեն Բեգլարյանը Բելառուսի առաջնությունում պարբերաբար խաղում է «Դնեպրի» մեկնարկային կազմում: Բայց Բեգլարյանի որակներին վաղուց ենք ծանոթ և կարող ենք ասել, որ նրա խաղը ազգային հավաքականում մեղմ ասած չի գոհացրել: Ինչ վերաբերվում է Արման Մելիքսեթյանին, ապա նաև առաջին անգամ չէ որ հրավեր է ստանում ազգային հավաքականից, բայց ևս պաշտոնական հանդիպումների չի մասնակցել: Իտալիայի դեմ խաղում նրա հիմնական կազմում լինելը կարելի է բացառել: Առաջին հայացքից ամենաօպտիմալ տարբերակը Անատոլի Այվազովն է:

Ստեղծված իրավիճակում մեծ է մեր հավաքականի դարպասապահների մարզիչ Ռոման Բերեզովսկու դերը: Կարծում ենք բազմափորձ դարպասապահին կհաջողի ճիշտ որոշում կայացնել: Պետք է հաշվի առնենք, որ մրցաշարային առումով մեզ համար խիստ կարևոր մրցավեճում մրցակիցը աշխարհի քառակի չեմպիոնն է, որն ունի հզոր հարձակման գիծ: Դարպասապահի օղակն իսկապես վտանգավոր է մեր հավաքականի համար: Պաշտպանությունում, կիսապաշտպանությունում և հարձակման գծում Գյուլբուդաղյանցն ունի ընտրության հնարավորություն: Նույնիսկ կարող ենք ասել, որ այս ամպլուաներում կա մրցակցություն հիմնական կազմում տեղ ունենալու համար:

Օրինակ կիսապաշտպանությունում ունենք Մխիթարյան, Գևորգ Ղազարյան, Էրիկ Վարդանյան, Կառլեն Մկրտչյան Ռումյան Հովսեփյան, Էդգար Բաբայան: Նշված ֆուտբոլիստները չունեն մարզավիճակի հետ կապված խնդիր և պատրաստ են օգնել ազգային թիմին:

Ստորև ներկայացնում ենք ՀՀ հավաքականի հայտացուցակը․

 

Դարպասապահներ

Արամ Հայրապետյան, «Ուրարտու»

Անատոլի Այվազով «Ուրարտու»

Արման Մելիքսեթյան, «Նոա»

Արսեն Բեգլարյան, «Դնեպր», (Բելառուս)

 

Պաշտպաններ

Տարոն Ոսկանյան, «Ալաշկերտ»

Հայկ Իշխանյան, «Ալաշկերտ»

Արման Հովհաննիսյան, «Գանձասար-Կապան»

Վարազդատ Հարոյան, «Ուրալ», Ռուսաստան

Հովհաննես Համբարձումյան, «Էնոսիս Պարալիմնի», (Կիպրոս)

Կամո Հովհաննիսյան, «Ժետիսու», (Ղազախստան)

Անդրե Չալըշըր, «Գյոթեբորգ» (Շվեդիա)

 

Կիսապաշտպաններ

Արմեն Համբարձումյան, «Արարատ-Արմենիա»

Պետրոս Ավետիսյան, «Արարատ-Արմենիա»

Արտակ Եդիգարյան, «Փյունիկ»

Կառլեն Մկրտչյան, «Փյունիկ»

Էրիկ Վարդանյան, «Փյունիկ»

Արտակ Գրիգորյան, «Ալաշկերտ»

Ռումյան Հովսեփյան, «Արդա» (Բուլղարիա)

Հենրիխ Մխիթարյան, «Արսենալ», (Անգլիա)

Գևորգ Ղազարյան, ԱԵԼ (Կիպրոս)

Էդգար Բաբայան, «Հոբրո», (Դանիա)

 

Հարձակվողներ

Արթուր Միրանյան «Փյունիկ»

Տիգրան Բարսեղյան, «Կայսար», (Ղազախստան)

Սարգիս Ադամյան, «Հոֆենհայմ», (Գերմանիա)

Ալեքսանդր Կարապետյան, «Սոչի», (Ռուսաստան)

Լրահոս
Իսպանիայի գավաթ․ Ռեալը և Բարսելոնան իմացան իրենց մրցակիցներին Australian Open. Գաուֆը հաղթեց մրցաշարի գլխավոր ֆավորիտներից մեկին և նվաճեց 1/8 եզրափակչի ուղեգիր Աշխարհի նախկին առաջին ռակետ Կարոլինա Վոզնյացկին ավարտեց կարիերան Բարսելոնայի բոլոր խաղացողները գիտեն, որ մարզվելիս Մեսսիի հետ պետք է զգույշ լինել. Տոդիբո Գեղասահքի ԵԱ. Այսօր պայքարը կսկսի Անաստասիա Գալուստյանը Պաշտոնական. Տիգրան Բարսեղյանը` Աստանայի ֆուտբոլիստ ԱՊԼ-ի չեմպիոնը կարող է զրկվել Չեմպիոնների լիգային մասնակցելու հնարավորությունից Կիրիոսը՝ Խաչանովի հետ սպասվող հանդիպման մասին․ նրա դեմ խաղալը բարդ է Դուք օլիմպիական ոգու և մթնոլորտի լավագույն դեսպաններն եք. ՄՕԿ նախագահ Ռեալը ցանկանում է ձեռք բերել Արսենալի կիսապաշտպանին Իսպանիայի Գավաթ. Ռեալը 1/16 եզրափակիչը հաղթահարեց առանց դժվարության «Յուվենտուս»-ը դուրս թողեց «Ռոմա»-ին գավաթի խաղարկությունից (տեսանյութ) «Բարսելոնա»-ն դժվարությամբ հաղթեց «Իբիցա»-ին՝ դուրս գալով Գավաթի խաղարկության 1/8 եզրափակիչ Չմոռանալով Մեսսիին՝ պետք է ոգեշնչվեմ Ռոնալդուից․ Մբապե Ալաշկերտը վարձակալել է Լոռիի հարձակվողին Սիմոն Մարտիրոսյանը հավակնում է տարվա լավագույն ծանրորդի կոչմանը Մանչեսթեր Յունայթեդը 35 միլիոն եվրո է առաջարկել 16-ամյա ֆուտբոլիստի համար Հարավային Ամերիկայի հեռանկարային հարձակվողներից մեկը հայտնվեց ԱՊԼ-ում Արսենալը դիմադրեց և չպարտվեց Չելսիին (տեսանյութ) Բարսելոնան ցանկանում է վարձակալել Օբամեյանգին Ավարտվեցին Հայաստանի տղամարդկանց և կանանց բարձրագույն խմբի առաջնությունները ՈւԵՖԱ-ն ևս շնորհավորեց Մխիթարյանին Ուրարտու 2-ն ընկերական խաղում խոշոր հաշվով հաղթել է Դիլիջանին Լիվերպուլն իսկական մեքենա է․ Մբապե Լոռին վերսկսել է մարզումները Բարսելոնան ձեռք է բերել ալբանացի հարձակվողի Սամվել Տեր-Սահակյանը՝ շախմատի Հայաստանի չեմպիոն Արսեն Ջուլֆալակյանը ճանաչվել է մրցաշարի հաղթող Դահուկավազքի բացարձակ չեմպիոնները Արթուր Ալեքսանյանը հաղթել է ադրբեջանցուն Ռեալը ծանր խաղում հաղթեց ու դարձավ միանձնյա առաջատար (տեսանյութ) Դիլիջանը հրաժեշտ է տվել 10 ֆուտբոլիստի Շախմատի առաջանություններ. լավագույնները կմասնակցեն համաշխարհային 44-րդ օլիմպիադային Ռեալը պատրաստ է ամռանը գնել Մբապեին Իտալիայի Գավաթ. Ռոման վստահ հաղթանակ տարավ և դուրս եկավ քառորդ եզրափակիչ, որտեղ մրցակիցը Յուվենտուսն է (տեսանյութ) «Ատլետիկի» նախկին կիսապաշտպան Սուսաետը տեղափոխվել է «Մելբուռն Սիթի» 2012 թվականից ի վեր առաջին անգամ «Մանչեսթեր Յունայթեդը» հաղթել է «Վուլվերհեմփթոնին» Բենզեման ու Յովիչը մեծ հավանականությամբ բաց են թողնելու Սևիլիայի դեմ խաղը Չավին մի օր կգլխավորի Բարսելոնան․ Բարտոմեու Մոուրինյոն 5 խաղից հետո առաջին անգամ հաղթել է «Տոտենհեմի» հետ
website by Sargssyan