Զիդանը համոզել է Մբապեին

ԵՐԵՎԱՆ, 6 ՍԵՊՏԵՄԲԵՐԻ, Panorama.am: ՊՍԺ-ի հարձակվող Կիլիան Մբապեն կտեղափոխվի «Ռեալ»։ sport24.ru կայքը, հղում անելով Sport.es-ին, գրում է, որ մադրիդցիների գլխավոր մարզիչ Զինեդին Զիդանը համոզել է հայրենակցին փոխել թիմը։ «Ռեալը» փորձում էր ձեռք բերել Մպաբեին այս ամառ, սակայն գործարքը չի կայացել։

Աղբյուրի համաձայն, «Ռեալի» նախագահ Ֆլորենտինո Պերեսը մտադիր է ձեռնարկել լուրջ քայլեր, որպեսզի Ֆրանսիայի հավաքականի հարձակողը հայտնվի իր ակումբում։

Մպաբեի պայմանագիրը ՊՍԺ-ի հետ գործելու է մինչև 2022 թվականը։ Այս մրցաշրջանում հարձակվող թիմի հետ 4 խաղում 2 գոլ է խփել և մեկ արդյունավետ փոխանցում կատարել։