«Լիվերպուլի» նախորդ ամսվա լավագույն ֆուտբոլիստը
13/09/2019 10:38
Նմանատիպ
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Անգլիական «Լիվերպուլի» նախորդ ամսվա լավագույն ֆուտբոլիստ է ճանաչվել Մոհամեդ Սալահը:
«Արմենպրես»-ի հաղորդմամբ` ակումբի անցկացրած քվեարկության արդյունքում Սալահն առաջ է անցել Ռոբերտո Ֆիրմինոյից և Սադիո Մանեից:
«Ուրախ եմ այս մրցանակին արժանանալուս, սակայն միշտ էլ ասել եմ, որ ինձ համար առավել կարևոր են հաղթանակները: Նախորդ ամիս մենք շատ հաղթանակներ տոնեցինք և հիմա էլ պետք է նույնությամբ շարունակենք»,-ասել է եգիպտացի ֆուտբոլիստը:
Սալահը նախորդ ամիս «Լիվերպուլի» կազմում մասնակցել է 6 խաղի` դառնալով 3 գոլի հեղինակ:
Անգլիայի ընթացիկ առաջնությունում «Լիվերպուլը» գլխավորում է մրցաշարային աղյուսակը: